Esiteri 3:12 - U TIENU MAAMA TILI 2013

¹² O ŋmakpialo piiga n dataali, bi den yini o bado tidianla ke bi diani Hamani n yedi ba yaala kuli. Bi den diani ki soani mi diema nni kuli bi yudancianba, bi badibaanba leni nibuolu kuli yudanba kani. Bi den diani ki soani diebiga kuli po nani kan dangi maama leni yaa nibuolu n ye ki niinni n maadi yaa mabuolu. Bi den diani nani o bado Asuerusi wani o ba n diani, ki taa o bado ñoagima ki pua ki tieni o maalima.

Gourmanchéma Bible

¹² O ŋmakpialo piiga n dataali daali bi den yini o bado tidianla ke bi diani Hamana n yedi ba yaala kuli. Bi den diani ki soani mi diema kuli nni bi yudancianba leni bi badibaanba leni nibuolu kuli yudanba kani. Bi den diani ki soani diebiga kuli po nani kan dangi maama leni yaa nibuolu n ye ki niinni n maadi yaa mabuolu. Bi den diani nani o bado Asuelusi wani oba n diani, ki taa o bado ñoagima ki pua ki tieni o maalima.

Esiteri 3:12 ပူးပေါင်းရင်းမြစ်များ

1 Bi Badiba 21:8

Lanwani, Jesabeli den diani a tisoankaana ke a tie nani o bado Akabi n diani a yeni, ki taa o bado n den pia yaa maalima a tila luonma po, ki pua ki tabini akuli. O den soani Naboti n den ye yaa dogu nni yaa nikpela leni u bujiaba po.

Esidirasi 8:36

Li yaa puoli, bi den caa bi yudancianba leni u kpenu nintuali guveneerinba o bado tondu. Lanwani, bi den todi Isidayeli yaaba U Tienu diegu tuonli po.

Esiteri 1:22

O den soani a tila o diema nni kuli. Bi den diani ki soani diebiga kuli po, nani kan dangi maama leni yaa nibuolu n ye ki niinni n maadi yaa mabuolu. Laa tila den bili ke joa kuli baa yaa die o diegu nni, ki yaa maadi o buolu maama o diegu nni.

Esiteri 3:11

ki yedi o: «Yaa kubi a ligi, n puni a u nibuolu yeni, ŋan tieni u ŋan bua maama.»

Esiteri 8:2

O bado den pidi o ñoagima, wan den guani ki gaa yaama Hamani kani, ki teni Mardoke. Esiteri mo den teni ke Mardoke diedi Hamani diegu.

Esiteri 9:27

bi den jagi ki bili bani bi ba po leni bi yaabila leni yaaba n baa lebidi ki tua Jufinba kuli yaa po, ke binli kuli bi baa yaa tiendi mi jaanma a dalieda yeni. Bi baa yaa ŋua Mardoke n diani yaala, ki yaa tiendi mi jaanma yeni lan bili ban yaa tiendi ma yaa yogunu.

Danieli 3:10

A den ñani li ñoamabonli ki yedi, ke yua n gbadi a naatuntuna, mu yelimu, ti gogiditi, mu sielimu, a gogididajena leni yaa baantiadi n sieni kuli fuugu, wan labini ki kpiagi li wula nisaali-nannanli ne.

Danieli 6:12

O yibalinba yeni den jaligi ki kua o dieli nni, ki sua ke o gba ki jaandi ki miadi o Tienu.

Danieli 6:15

O bado n den gbadi laa maama, o pali den biidi boncianla. O den bili o yama nni, ke o baa faabi Danieli. O den moandi wan fidi maama kuli, hali li yenjuabaanli ki bua ki faabi o.

Danieli 6:25

O bado den teni ke bi cuani yaa jaba n den kuli Danieli yeni, ki luni ba i yangbanli buogu nni, bani, bi puoba leni bi bila. I yangbanli den cuo ba ki toadi toadi ba, hali ke bi daa pundi ku buogu tinga.

Danieli 6:8

Tinba mi diema yudancianba, guveneerinba, bi cancantieba leni a koanbala kuli taani yanyenma, ki sua ke li ŋani ŋan ñani li ñoamabonli, ki teni ban kpaani, ki yedi ke dana piitaa bianu oba kuli n da jaandi ki kpiagi tienuba bi nisaaloba kuli, li yàá tie fini o bado. Yua n yie laa ñoamabonli kuli, ban lu o i yangbanli buogu nni.