Esiteri 2:23 - U TIENU MAAMA TILI 2013

²³ Ban den diidi ki sua ke li tie moamoani, bi den cuo mu moagililiedimu yeni, ki joani ba ti daadi po ke bi kpe. O bado wani o ba den teni ke bi diani laa bonla kuli bi badiba jama tili nni.

Gourmanchéma Bible

²³ Ban den diidi ki sua ke li tie moamoani, bi den cuo mu moagililiedimu yeni ki joani ba ti daadi po ke bi kpe. O bado wani oba den teni ke bi diani laa bonla kuli bi badiba jama tili nni.

Esiteri 2:23 ပူးပေါင်းရင်းမြစ်များ

Mi cilima 40:19

Ne leni danataa, Faraon baa ñani a nekanba ki ban soadi a ku daagu po, i nuani n cua ki je a gbanandi.»

Mi cilima 40:22

Ama o den teni ke bi soadi yua n tugi yaaba n die o bonjekaala kuli yuli yeni, nani Josefi n den bundi bi dangidi maama yeni.

Esidirasi 4:15

ke ŋan teni ban lingi yaa tila n maadi a yaajanba maama niinni. A baa le lienni ke laa dogu tie mi yiema dogu. Yogunu kuli u den biidi bi badiba leni guveneerinba po. Hali yogu, u niba den fiindi mi yiema. Li tie lani yaa po yo ke bi den mudi laa dogu.

Esiteri 10:2

O paalu leni o jama bontienkaala leni wan duoni Mardoke maama kuli diani Medi leni Persi diema badiba jama togida tili nni.

Esiteri 5:14

O pua Selesi leni o danlinba kuli den yedi o yaa maama n tie ne: «Ŋan teni ban caani yaa dafoagidigu n pundi nukpanduna piimuu, ke saala ku tiŋaagu, ŋan mia o bado wan teni ban joani Mardoke ki soadi o ku daagu yeni po. Lani yaa pendi, ŋan yegi leni o bado ki gedi mi jaanjiema po ke a pali mani.» Laa maama den mangi Hamani ke o den teni ke bi caani ku daagu.

Esiteri 6:1

Laa ñiagu, o bado ki den fidi ki guani. O den teni ke bi cuani o kani bi badiba jama tila, ban diani ya yaa niinni mi diema togida, ki teni ke bi cogi o po.

Esiteri 7:10

Lane bi den soadi Hamani wan den bogini yaa daagu Mardoke po yeni. Li yaa puoli, o bado pali den kuugi.

Malaki 3:16

Lanwani, yaaba n fangi o Diedo Den maadi leni biyaba, ke o Diedo cengi ki gbadi ban yedi yaala. Bani yaaba n fangi o ki kpiagidi o yeli yeni kuli, o den teni ke bi diani bi yela li tili nni.

Josue 8:29

O den teni ke bi soadi Ayi bado ki joani o bu tibu po, ki ŋaa o likani hali ku yenjuagu. U yienu n den bua ki baa yaa yogunu, Josue den teni ke bi joandi o ki luni o u dogu bilinciamu buliñoabu kani, ki dogini o po tankogicianli. Li ye likani hali dinla.