Esiteri 1:3 - U TIENU MAAMA TILI 2013

³ O bali bintaali, o den tieni mi jaanma o badijaba leni o naacenba kuli po. Persi leni Medi diema toatieba yudanba, mi diema yudanba leni mi paatieba kuli den taani o bado kani.

Gourmanchéma Bible

³ O bali bintaali binli o den tieni mi jaanma o badijaba leni o naacenba kuli po. Pelisa leni Medi diema toatieba yudanba leni diema kuli yudaano leni mi paatieba den taani o bado kani.

Esiteri 1:3 ပူးပေါင်းရင်းမြစ်များ

Mi cilima 40:20

Li dataali, yaa daali n tie Faraon maadaali tiadima badu, o den tieni u badu o naacenba kuli po. Landaali,

1 Bi Badiba 3:15

Salomon den fundi ki sua o dangidi n yeni. O den fii ki guani Jerusalemi ki gedi o Diedo ŋantaado kpaku nintuali, ki padi a padijuukaana leni i tuondi pada U Tienu po, ki go tieni mi jaanma o naacenba kuli po.

Esidirasi 1:2

«Mini Persi diema bado Sirusi yedi yaa maama n tie ne: o Diedo U Tienu yua n die tanpoli puni nni ŋanduna diema kuli, ke n die ma. O puogi nni min maa o diegu Jerusalemi dogu nni, Juda diema nni.

Esiteri 1:14

Persi leni Medi diema yudanleleediba den tie o tundikaaba yeni siiga tianba. Bani bi yudanleleediba yeni yela nne: Kadisena, Setala, Adimata, Tarsisi, Melesi, Madisena leni Memukani. O bado den pia bi po ti dugidi, ki teni ke bi tugi li yuli ki ŋua o puoli mi diema nni.

Esiteri 1:4

O den wangi ba o diema ŋalimani leni o bali n pia yaa kpiagidi kuli. Li den waagi dana boncianla, li den pundi kobiga n dana piinii.

Esiteri 2:18

O den tieni mi jaanjiema o diema yudanba leni o naacenba kuli po. O den tieni yeni ki kpiagi Esiteri. O den puni o diema niba kuli mi fuodima, ki go puni bu paabu leni ti bulicindi.

Esiteri 3:7

O bado Asuerusi bali piiga n binlieli, o ŋmakpialo, ban yi yua Nisan yaa niinni, Hamani den teni ke bi luni Purimi, lani n tie tiatia. Bi den toani tiatia yeni ki bua ki le ban baa taa yaa ŋmaalo leni yaa daali ki bolini Jufinba. Tiatia den cuo piiga n cilie, ban yi yua Adaari.

Esayi 21:2

N laa yaa bonlekaala n pia i jeje. I janbi daano janbidi, yua n bolindi mo bolindi. Elami yaaba, gedi mani ki baa ba. Medi yaaba, gaani ki cebini mani u dogu. U Tienu yedi: «N baa teni Babilonni Yaaba n wangi yi yaa fala kuli n baa u bianu.»

Jeremi 51:11

Sondi mani yi piemi bonŋanla. Gbieni mani yi luona! O Diedo jagi ki bolini Babilonni. O fiini Medi yaa badiba yo, Ke ban soani li tuonli. Li tie o pantuuli yaa yogunu yo, Wan baa tuu li panli o diegu po yaa yogunu.

Danieli 5:1

Dayenli o bado Belitisasari den tieni mi jaanjecianma, ki yini o paatieba ke bi pundi niba tudili. O den ñuni mi daama leni ba.

Danieli 5:28

PADISINI bua ki yedi ke bi boagidi. U Tienu boagidi a diema ki teni Medi leni Persi yaaba.»

Danieli 6:1

Medi yua Dariyusi den gaa li bali ki pia piiluoba n binalie.

Danieli 8:20

Ŋan bi laa yaa petonli ke li pia yinalie yeni, tie Medi leni Persi yaaba dieme.

Marki 6:21

Ama Herodi maadaali den pundi, ki teni ke Herodiasi baa u sanu, ki baa tieni wan bua yaala. Herodi den tieni mi jaanjiema boncianla, ki yini o koanbala, o toatieba yudanba leni Galile diema nikpiaga kuli.