Esidirasi 9:8 - U TIENU MAAMA TILI 2013

⁸ Ama ba yeni, a gbadi ti po mi ninñima yaa yoginjenga n tie ne po, ki teni ke ki nitianga faabi, ki go puni ti u kuakaanu a kaangagidiŋamu nni. Yeni, a yendi ti nunmu ki faabi ti ti yonbidi siiga.

Gourmanchéma Bible

⁸ Ama baa yeni a gbadi tipo mi niñima yaa yoginjenga n tie na po ki teni ke ki nitianga faabi, ki go puni ti u kuakaanu a *kaangagidiŋamu nni. Yeni, a yendi ti nunmu ki faabi ti ti yonbidi siiga.

Esidirasi 9:8 ပူးပေါင်းရင်းမြစ်များ

2 Bi Badiba 19:4

Daalinba o Diedo a Tienu gbadi Asiiri bado n soani o guudikaaba yudaano ke o sugi U Tienu yua n fo maama. Laa yie a Tienu n jia ti buudi ki waani ba fala, kelima wan gbadi yaa maama po. Jaandi yaaba n da baa ki ye po.› »

Esidirasi 9:9

Ti den ye ti yonbidi nni, ama ŋaa ŋaa ti lienni ti bebe. A teni ke Persi diema badiba gbadi ti po mi ninñima, ki cedi ke ti ye ki fo ki guani ki maa fini ti Tienu diegu yaagu n den mudi, ki teni ke ti baa kuakaanmoanu Juda diema nni leni Jerusalemi nni.

Nehemi 1:11

N Diedo, ŋan cengi mini a naacemo n miadi a yaala leni a naacenba yaaba n bua ki fangi a yeli n miadi a yaala. Teni ke mini a naacemo sanu n pendi dinla, ki go teni min baa ki nunmanga o bado kani.» Lanyogunu, n den tie yua n tendi wani o bado o bonñokaala.

Nehemi 9:31

Ama a ninñingbadicianma po, ŋaa den bolini ba, Ŋaa den ŋaa ba, Kelima a tie yaa Tienu n juogidi, ki gba mi ninñima.

Jobi 33:30

Yene ke o yen faabi bi niba leni li takuli, Ki teni li miali yenma n yendi ba.

Pisomi 13:3

Hali u laa yogunu yo, ke n baa yaa Ye leni ti yanyagidi leni li paboanli? N yibali baa paadi nni, Ki pundi hali u laa yogunu?

Pisomi 13:4

O Diedo n Tienu, nuali ki guani nni! Yendi n nunbima! Lani n tie mi kuuma guama n da ti taa nni.

Pisomi 138:7

N yaa cuoni fala nni, A baa teni min yaa fo, Ki tandi a nuu n yibalinba pabienli po, Ki teni a nujienu n faabi nni.

Pisomi 34:5

N lingi o Diedo ke o guani n po, Ki faabi nni leni n jeje kuli.

Pisomi 85:6

Naani a pabienli baa yaa ye ti po Hali nifiima n tuu nifiima yo? Naani a pabienli kan baa bianu?

Mi Kpanjama 29:13

O luodo leni yua n kpabidi o Taani ki pia bonyenla, Lani n tie ke o Diedo puni bani Bonbilie yeni kuli i nuni.

O Yanfuodaano 12:11

Bi yanfuodanba maama tie nani li bonmuukaala yene, ki go tie nani a kpakpaana ya n baa cuo ki sieni mi banma man da pendi. Likuli tie U Tienu yua n tie o gobidikamoano yaa paaboe.

Esayi 1:9

Li Miali Diedo U Paaciamu Kuli Daano, Yàá bi teni ke ti siiga bi tianba cia, Ti bi baa yaa tie nani Sodomi Leni Gomori dogi yene.

Esayi 14:3

O Diedo yaa puni a yaa daali mi fuodima, A coagingu leni a fala puoli po Leni ŋan den laa yaa fala ti yonbidi nni,

Esayi 56:5

N baa pa ba n diegu leni n bilini nni, Yaa kaanu leni yaa yeli n ŋani Ki cie a bonjala leni a bonpola. N baa pa ba yaa yeli n baa ye yaa yogunu kuli, Ke liba kuli kan fidi ki bolini laa yeli.»

Esayi 57:15

Yua n ye hali tanpolijoma, Wani yua n ye hali yaa yogunu kuli, Ke o yeli mo gagidi ki ŋani yedi: «N ye mi gagidiŋanma nni Leni yaa kaanu n kpedi ki cie I kaani kuli nni. Ama n go ye leni ban mabindi yua Leni yua n ye leni li pabiidili. Yeni n baa fidi ki baagi yaaba N ye li pabiidili nni, Ki go faabi yaaba n laadi fala bi pala nni.

Esayi 6:13

Ba li yaa sua ke niba piiga siiga kuli, Niyendo yendo n sieni ki ye mi niinni, Bi baa lu bani moko u mu nni. Ama nani telebinti leni seni tiidi, Bi yaa pedi i ñiali, Yin go yen guani ki kpeli maama yeni, Bi yaa ñiana moko baa guani ki bundi Ki tieni yaa puoliŋuani n gagidi Ki ŋani yene.

Jeremi 42:2

o saawalipualo Jeremi kani ki yedi o: «Cengi ti po ti miabu: mia o Diedo a Tienu tinba yaaba n sieni nne kuli po! Ti den yabi boncianla, ama moala nani ŋan nua maama, tii go fuu.

Jeremi 44:14

Oba kan cia, yaaba n ñani Juda ki baa cua ki wuoni Ejipiti diema nni yeni siiga, oba kuli kan ŋmadi. Oba kuli kan go ti guani Juda diema nni, bi yama n baa ki ye ban guani ki ban kali naanpo. Li yàá tie yaaba n cia siiga niyendo yendo yaa ka.»

Esekieli 14:22

Diidi, bi siiga bi nitianba baa sieni ki kan kpe. Bi kpendi yi kani, bani yaaba n sieni yi bijaba leni yi bisiaba siiga, ki naa kpe yeni. Yi baa le bi tagi leni bi tuona, ki baagi yiyaba leni min den teni ke yaa falabuoli kuli n baa Jerusalemi po.

Ose Tili 6:2

Danalie siiga o baa pa ti li miali, Li dataali mo o baa pa ti u fidu, tin yaa ye o nintuali.

Habakuki 3:2

O Diedo, n gbadi ke bi togidi Ŋan den tieni yaala ke i jeje cuo nni. Moala, go tieni timo yaa yogunu ne laa tuona buolu, Ki teni bi niba n bandi a. Ba a pabienli nni ŋan gbadi ti po mi ninñima.

Sofoni 3:12

N baa kubi yi siiga taliginba Leni bi yumiindanba, Yaaba n bili bi dugidi o Diedo kani, Ki baa yaa lingi bi wuonkaanu n kani.

Sakari 10:4

Li tanpuuli tanjigi, li gbandieli kpaali Leni bu toabu dabanli Baa ña Juda yaaba siiga, Bi yudanba buoli buoli baa ña bi siiga,

Sakari 8:12

N baa teni mi yanduanma n tieni ki tinga po: Duven tiidi baa luoni, Ki tinga baa teni ti kpaandi n tieni, Ki taaga baa mi boncianla. N baa pa laa bonla kuli n niba yaaba n sieni.

Sakari 8:6

Isidayeli yaaba, yaaba n sieni, Nua ke laa bonla kan tuo ki tieni. Ama naani mini Li Miali Diedo, U Paaciamu Kuli Daano moko Baa nuali la ke li tie yaala n kan tuo ki tieni?

LOMA YAABA 9:27

O saawalipualo Esayi moko kpaani ki maadi Isidayeli buolu maama ki yedi: «Baa Isidayeli buolu yaa yabi Nani mi ñincianma tanbiima yeni, Nitianga bebe n baa faabi.

Mi Doagidima 3:12

Yua n koani mi jama ki paadi kuli, n baa teni wan tua benjielu n Tienu diegu nni, ki kan go ña lienni. N go baa diani o po n Tienu yeli leni n Tienu dogu yeli, lani n tie Jerusalemi-paano, yuu n baa ña tanpoli po n Tienu kani ki jiidi. N go baa diani o po n yepanli.

1 Samueli 14:27

Ama Jonatan ki den bani o baa n kuani bi toatieba yaa kuali. Lane o den tandi wan kubi yaa gbiamu ki tuu ti siadi nni ki taa ki mabi. O nunbima den yendi.

1 Samueli 14:29

Jonatan den yedi: «N baa waani mi diema fala. Diidi ki le mani n nunbima n yendi maama, kelima n leni ti siadi na waamu.