Esidirasi 9:7 - U TIENU MAAMA TILI 2013

⁷ Hali ti yaajanba yogunu ki taa ki pundi hali moala, ti tieni ti tuonbiadi boncianla. Li tie ti tuonbiadi po ke a den taa ti, tinba, ti badiba leni ti kopadicianba ki tieni i nilanbuoli badiba nuu nni, ke bi den tuogi leni ti bu toabu ki paadi ti, ki fagi ti ki gedini ti ti yonbidi, ke dinla i fe kubi ti.

Gourmanchéma Bible

⁷ Hali ti yaajanba yogunu ki taa ki pundi hali moala, ti tieni ti tuonbiadi boncianla. Li tie ti tuonbiadi po ke a den taa ti, tinba leni ti badiba leni ti kopadicianba ki teni i nilanbuoli badiba nuu nni ke bi den tuogi leni ti bu toabu ki paadi ti, ki fagi ti ki gedini ti ti yonbidi ke dinla i fe kubi ti.

Esidirasi 9:7 ပူးပေါင်းရင်းမြစ်များ

1 Bi Badiba 8:47

bani a niba yaa lebidi bi pala ban ye ti yonbidi yaa diema nni yeni ki mia ŋa ki yedi: ‹Ti tieni ti tuonbiadi, ti tieni yaala n ki ŋani, ti tieni mi biadima.›

2 Bi Badiba Jama 29:6

Ti yaajanba den tudi kaa tuo o Diedo ti Tienu n yedi ba yaala. Bi den buli o Diedo diegu bi nunmu, ki teni o bi cakoda.

2 Bi Badiba Jama 30:7

Da tieni mani nani yi yaajanba leni yi kpeliba, yaaba n ki den tiegi o Diedo bi yaajanba Tienu po, ke o den ŋaa ba fala nni nani moala yin nua maama.

2 Bi Badiba Jama 34:24

ke o Diedo Isidayeli Tienu yedi mine: ‹N baa teni yaa fala leni yaa solindi n diani li naa tili nni ke bi cogi li Juda diema bado po yeni, n nandi u naa kaanu leni u niba kuli.

Esidirasi 9:13

Fala cuo ti kelima tin den tieni yaa tuonbiadi leni yaa tagiliciami po. Ama ba yeni, ti Tienu ŋaa waani ti fala nani ti tuonbiadi n den pundi maama. A go kubi tinba yaa niba n sieni ti yonbidi nni, ke ti ye.

Nehemi 9:30

A den juuni leni ba hali yaa bina n yabi. A saawalipuaba yaaba n den gbie leni a Fuoma den tundi ba. Ama baa den cengi. Lanwani, a den taa ba ki tieni bi nilanba nuu nni.

Esayi 64:4

A tuogi ki biali yua n tiendi mi teginma leni li pamanli, Leni yaaba n ŋua a sani ki tiadi a po, Tin den ŋua yaa sani ke a den faabidi ti yogu kuli. Ama a pali den fii, kelima ti tieni ti tuonbiadi.

Jeremi 25:18

Jerusalemi leni Juda dogi, li badiba leni li koanbala kuli baa tua diegbendi, lidiga, ñuali leni ti solindi bonla, nani dinla lan tie maama yeni.

Jeremi 3:25

Ti fe n tie ti duankaadi, Ti jigidima mo n tie ti kpalipinkaadi, Kelima tinba leni ti baanba, Ti tieni ti tuonbiadi o Diedo ti Tienu po. Ti panma yogunu ki ban pundi hali dinla, Tii cengi o Diedo ti Tienu yedima.

Jeremi 32:23

Bi cua ki diedi ma, ama bi naa cengi a maama, baa cuoni nani a bali maama n den bili bi po maama. Baa tieni ŋan den puogi yaala. Lani n teni ke a cuani bi po o naa fala kuli.

Jeremi 32:32

N pali biidi kelima Isidayeli leni Juda yaaba n tieni yaa biadima kuli po. Li biidi n pali, kelima bani, bi badiba, bi koanbala, bi kopadicianba, bi saawalipuaba, Juda yaaba leni Jerusalemi yaaba, n tieni nni yaa biadima po.

Jeremi 44:22

Yi tuongunda leni yi tuonyuogidi teni, ke o Diedo kan go bi fidi ki juuni leni yi. Li teni ke yi diema kpandi diegbendi, paboanli leni falima bonla, nilo n ki ye naani, nani yin nua maama dinla.

Jeremi 44:9

Naani yi sundi yi baanba, Juda badiba leni bi puoba, yinba leni yi puoba n den tieni yaa tuongunda Juda diema nni leni Jerusalemi sani nni?

Jeremi Bubula 5:7

Ti baanba den tudi, ama bi naa go ye. Tinba n ji tugi bi tagili.

Esekieli 11:9

N baa teni yin ña u dogu yeni niinni, ki lu yi bi canba nuu nni, ki bu yi leni min den bili yi po yaa buudi.

Esekieli 39:23

O Diedo yedi: «I nibuoli kuli baa bandi ke li tie bani Isidayeli yaaba tagili po yo, ke bi den cua ki cuo ba ti yonbidi, kelima bi den tudi n po. Lani yaa po, n den buli ba n nunga, ki luni ba bi yibalinba nuu nni, ke ban kpa bikuli leni ki jugisiega.

Mi Coadima 32:14

Yinba ti tuonbiadi benkpela, yi gaa yi yaajanba kaanu, ki biagi o Diedo pabienli Isidayeli yaaba po, ki pugini.

1 Samueli 12:15

Ama yi yàá tuo ki ŋua o Diedo yedima, yi yaa yie o bali maama, wani o Diedo nuu baa mabini yi nani wan den mabini yi yaajanba maama yeni.