Esidirasi 9:1 - U TIENU MAAMA TILI 2013

¹ Lani kuli n den tieni ki gbeni, Isidayeli yaaba yudanba bi tianba den cua n kani ki yedi nni: «Isidayeli yaaba kopadicianba, Levi buolu leni bi nifanba naa gagidi bi yula ki paadi leni yaa nilanbuoli n ye yaa diema n tie ne niinni. Bi tuuni a cancagintuona, ki togidi Kanana yaaba, Hititi yaaba, Perisiti yaaba, Jebusi yaaba, Anmoni yaaba, Moabi yaaba, Ejipiti yaaba leni Amori yaaba tuona.

Gourmanchéma Bible

¹ Lankuli n den tieni ki gbeni, Isalele yaaba yudanba bi tianba den cua n kani ki yedi nni: «Isalele yaaba kopadicianba leni Lefi buolu yaaba leni bi nifanba naa gagidi bi yula ki paadi leni yaa nilanbuoli n ye yaa diema n tie ne niinni. Bi tuuni a cancagintuona ki togidi Kanana yaaba, Heta yaaba, Felesa yaaba, Jebusa yaaba, Amoni yaaba, Moabi yaaba, Ejipiti yaaba leni Amola yaaba tuona.

Esidirasi 9:1 ပူးပေါင်းရင်းမြစ်များ

Mi cilima 15:16

Nifiiminaa yaa yogunu, bi baa guani ki yaa ye nekanba, kelima li baa sua ke Amoriti yaaba biadima yabidi ki tuoni mi bianu.»

1 Bi Badiba 11:1

Salomon den bua bi nilanpuoba boncianla. Faraon bisalo puoli po, o go den taa Moabi yaaba, Anmoni yaaba, Edomi yaaba, Sidon yaaba leni Hititi yaaba bisiaba.

2 Bi Badiba Jama 33:2

O den tieni yaala n ki dagidi o Diedo po, ki togidi o Diedo n den deli Isidayeli yaaba po yaa nilanbuoli cagindi kuli.

2 Bi Badiba Jama 8:7

Li go den sieni Hititi yaaba, Amori yaaba, Perisiti yaaba, Hiviti leni Jebusi yaaba, yaaba n ki den tie Isidayeli buolu.

Esidirasi 10:2

Lani, Elami cuuli yua Yehieli bijua Sekania den yedi Esidirasi: «Ti tieni ti tuonbiadi ti Tienu po, ki taa bi nilanpuoba mi diema nilanbuoli siiga. Ba yeni tinba Isidayeli yaaba, tii luo suginma.

Esidirasi 10:8

Bi yudanba leni a nikpela den bili ke yua n ki cua danataa siiga, bi baa fie o piama kuli ki paadi ki ñani o bani yaaba n ñani ti yonbidi ki kpeni siiga.

Nehemi 13:23

Lanyogunu, n den laa yaa Jufinba n taa yaa puoba n tie Asidodi dogu yaaba, yaa puoba n tie Anmoni buolu leni Moabi buolu.

Nehemi 4:3

Lanwani, ti den mia ti Tienu, ki go guuni bi niba u yensiinu leni ku ñiagu kuli, ke bi yaa ti baa ti, tin moa ki gaa ti yula.

Nehemi 4:7

Lani yaa po, n den sieni bi niba yaa kaani n ñua ki pia u kaanpaalu u bilinu puoli po. Bi den taa ki ye likani buolu buolu, ke yuakuli kubi o jugisiega, o kpaanli leni o dabanli.

Nehemi 9:2

Bi den paadi leni bi nilanba ki cua ki sedi ki doagidi ki waani bani leni bi yaajanba tuonbiadi.

Pisomi 106:35

Ama bi den taani leni bi nilanba, Ki kuani bi yula bi bogida nni.

Mi Ñama 13:5

O Diedo yaa teni ke yi kua Kanana, Hititi, Amoriti, Hiviti leni Jebusi yaaba diema nni, wan den poli yi baanba po ke o baa pa yi yaa diema, mi naaŋanma leni ti siadi n dua naani, yin kubi mi naa jaanma binli kuli, o naa ŋmaalo yaa niinni.

Mi Ñama 23:23

N maleko baa kua a liiga ki gobidi ki gedini a yaa nibuoli n tie ne diema nni: Amoriti, Hititi, Perisiti, Kanana, Hiviti leni Jebusi yaaba. Nmo baa bolini bikuli.

Mi Ñama 33:16

Be n baa teni ban bandi ke a pali mani mini leni a niba po? Li yàá tie ke a baa yegi leni ti yaa ka? Yeni, mini leni a niba baa gagidi, ki paadi leni yaa nibuoli n ye ŋanduna nni kuli.»

Esayi 52:11

Gedi mani, gedi mani, Ña mani Babilonni diema nni! Da sii mani yaala n joagini kuli! Ña mani mi diema yeni siiga! Ŋanbi mani yiba, Yinba yaaba n tugi o Diedo tadimu yeni!

Jeremi 26:10

Juda diema koanbala n den gaa laabaali, bi den ñani badidiegu ki cua o Diedo diegu nni, ki kali o Diedo diegu buliñoapanbu kani.

Jeremi 26:16

O bado koanbala leni bi niba kuli den yedi bi kopadicianba leni bi saawalipuaba: «O naa joa kan kpe, kelima o maadi ti o Diedo ti Tienu yeli nni yo.»

Levi 18:3

Yin da tieni mani yaala n tiendi Ejipiti diema nni, yin den ye naani. Yin da tieni yaala n tiendi Kanana diema nni, min caani yi naani. Yin da ŋoadi bi tuada.

Malaki 2:11

Juda fidi ban den niani yaa ñoanianu. Bi soani Jerusalemi nni leni Isidayeli diema nni kuli yaa tuonli n gundi, kelima bi biidi U Tienu diegu, wan bua kuni yaagu bonŋanla yeni. Bi taa bi puoba, yaa nibuoli n ŋua i buli yeni siiga.

Mi Coadima 23:9

N ye a joatana yula po ki nua ba, N ye a joabila yula po ki ñuadi ba, Bi tie yaa nibuolu n paadi ki pia bi yekaanu bi baa, Yaaba n ki taa leni nibuotoe.

Mi Coadima 25:6

Lanyogunu, Isidayeli yaaba siiga yendo den cua o kpiiba kani, ki yegi leni Madiani buolu bisalo, ki den sua ke Musa leni Isidayeli yaaba, yaaba n sieni taani ki den kaa u Kadikaanu Gbandieli buliñoabu kani, ki buudi.

Mi Tiadima 18:9

Musa den yedi: «Yi yaa ti kua o Diedo yi Tienu n puni yi yaa diema yeni niinni yaa yogunu, yin da lingi ke yi baa togidi yaa nibuoli n bi ye mi niinni yeni tuongunda.

Mi Tiadima 23:8

Yin da sengi Edomi buolu, kelima bi tie yi kpiibe. Yin da sengi Ejipiti yaaba, kelima yi den tie canbe bi diema nni.

Mi Tiadima 7:1

O Diedo yi Tienu yaa gobidi ki kuani yi yin baa diedi yaa diema yeni niinni, o baa deli yi nintuali yaa nibuoli n yabi ki cie yi. Lani n tie: Hititi, Giligasi, Amoriti, Kanana, Hiviti, Perisiti leni Jebusi yaaba. Laa nibuoleleedi pia u paalu ki cie yi.

Josue 23:12

Yi yaa buli o ki nunga, ki taani leni yaa nibuoli n sieni ki ye yi siiga, li puotaali yaa kali yinba leni bani siiga, yi yaa pia i ŋantaadi leni ba,