Esidirasi 7:10 - U TIENU MAAMA TILI 2013

¹⁰ Li den tie yeni kelima Esidirasi den kuani o yama ki bangi o Diedo bali maama, ki go kubi ma ki tieni man yedi yaala, ki go bangi Isidayeli yaaba U Tienu bali maama yeni leni o ñoamabonbilikaana kuli.

Gourmanchéma Bible

¹⁰ Li den tie yeni kelima Esidilasi den kuani o yama ki bangi U Tienu bali maama ki go kubi ma ki tieni man yedi yaala, ki go bangi Isalele yaaba U Tienu bali maama yeni leni o ñoabonbilikaana kuli.

Esidirasi 7:10 ပူးပေါင်းရင်းမြစ်များ

1 Bi Badiba Jama 29:18

O Diedo, ti baanba Abalahama, Isaaka leni Isidayeli Tienu, kubi a niba pala yanjaga a po, ki pegidi bi pala n yaa ŋua fini bonŋanla.

2 Bi Badiba Jama 12:14

O den tieni yaala n bia, kelima waa den lingi o Diedo leni o pali kuli.

2 Bi Badiba Jama 19:3

Ba leni lani kuli, yaala n ŋani baa ki ye a niinni, kelima a ñani Akera buli daadi yaadi n den ye mi diema nni. A go baa ki ŋua U Tienu leni a pali kuli.»

2 Bi Badiba Jama 30:22

Esekiasi den maadi ki paagi Levi yaaba pala, kelima bi yankuali o Diedo tuonli po, den yabi boncianla. Bi den padi mi taanyenma pada, ki di mi jaanjiema, ki kpiagidi o Diedo bi yaajanba Tienu.

Esidirasi 7:11

O bado Aritakiselisesi den diani li tili ki teni Esidirasi yua n den tie o kopadiciamo leni li bali maama bando, ki go dangi o Diedo n den bili yaa bali maama leni yaa ñoamabonbilikaana Isidayeli yaaba po. Li tili yeni maama den tie mine:

Esidirasi 7:25

Fini Esidirasi mo, ŋan dini yaaba n baa yaa ja ti buciandi leni ti buwaadi Isidayeli yaaba po, bani yaaba n ye Efrati diema nintuali kuli, ki bani a Tienu bali maama. Ŋan dini ba nani U Tienu yanfuoma, yaama n ye a niinni n waani a maama. Yaaba n daa bani U Tienu bali maama mo, ŋan bangi ba.

Esidirasi 7:6

Esidirasi yeni den ñani Babilonni ki guani ki kpeni Jerusalemi. O den tie li bali maama bando, ki bani o Diedo Isidayeli Tienu n den teni Musa yaa bali maama hali bonŋanla. O bado den teni o wan mia o yaala kuli, kelima o Diedo o Tienu den ye leni o ki ŋanbi o po.

Jobi 11:13

Fini wani, ŋan pegidi a pali Ki teli U Tienu po. A yaa yugidi a nii U Tienu po, Ki jaandi ki miadi o,

Pisomi 1:2

Ama o mangidi o pali o Diedo bali maama nni, Ki cogi laa bali maama, Ki kpaagi mi po u yensiinu leni ku ñiagu.

Pisomi 10:17

O Diedo gba bi yumiindanba miabu, Ki cengi ba bonŋanla, ki paagi bi pala,

Pisomi 119:112

N pegidi n pali ki baa kubi a mabilikaama, Ki yaa tiendi ma yogunu kuli hali mi juodima.

Pisomi 119:45

N baa yaa cuoni ke n yama dua, Kelima n lingi a mabilikaame.

Pisomi 19:7

O yen fii poyendu ki tagini o sanu tanpoli, Ki ban pundi u poyuu, Puu kuli kan fidi ki cia u jama.

Pisomi 57:7

Bi den dia ku diagu n sanu nni. N den tiibi kelima li paboanli po. Bi den gbini ku buogu n nintuali. Ama bani bi ba n go den baa lienni. Joma

Malaki 2:7

O kopadiciamo tuonli n tie ki bangi bi niba. Bi niba baa buali wane li bali maama, kelima wani n tie Li Miali Diedo U Paaciamu Kuli Daano tondo.

Matie 5:19

Yua n miidi li bali maama nni ba yaama n wa ki cie siiga mayenma, ki go bangi bi niba ban yaa tiendi yeni, o baa tua yua n wa ki cie tanpoli diema nni. Yua mo n tiendi man bili yaala ki go bangi ma, o baa yaa tie niciamo tanpoli diema nni.

Matie 7:24

Lani yaa po, yua n gbadi min maadi yaa maama na, ki tiendi man yedi yaala, o baa yaa tie nani yaa yanfuodaano n den maa o dieli ku tangu po.

Jan n diani U Tienu Laabaaliŋamo maama 13:17

Yi yaa bani lani ki tiendi la, yi pia li pamanli.

Jesu Tondiba Tuona 1:1

Teofili, min den kpa diani yaa tili nni n den togidi Jesu n den cili ki tieni yaala ki go bangi yaala,

Mi Tiadima 16:12

Yi baa tiadi ke yimoko den tie canbe Ejipiti nni, ki nan kubi ki go tieni mi naa mabilikaama n yedi yaala kuli.»

Mi Tiadima 33:10

Bi bangi a ñoamabona Jakob puoliŋuani, Isidayeli yaaba mo a bali maama. Bi juugi yaa dugibila yaa nuulu n mani a po, Ki juugi li padili mo kuli a padibinbinli po.

1 Timote 3:2

Li tie tiladi ke yua n tie o gobidika Kilisiti Nitaanli siiga, n da pia ban baa fidi ki kuli o leni yaala. Wan yaa pia puoyendo bebe, ki pia mi yansoangima leni u tagiŋamu, ki kubi o yuli, ki gaani bi niba cangu leni mi buama, ki go tie yua n fidi mi bangima.

2 Timote 4:2

ŋan yaa wangi U Tienu Maama. Ŋan tieni ania, ki yaa moandi lan pa leni lan dingi kuli. Ŋan maadi ki guli yaaba n pia mi niama, ki fu leni yaaba n tudi, ki yaa tundi bi niba, ki go bangi ba leni li juunmoanli.

Titi 2:1

Ama fini wani, ŋan yaa bangi yaala n ŋua mi bangiŋanma.

Titi 2:15

Lani n tie ŋan baa maadi maama, ki tundi ba ki tigini ba, ki fu leni ba leni li bali. Ŋan da tuo oba kuli n fali a.

Mi Doagidima 22:14

Li pamanli ye leni yaaba n ŋuudi bi liada, ke ban baa ki yaa di li miali tibu bonluonkaala, ki go yaa tagi ki kua u dogu buliñoana kani.

1 Samueli 7:3

Samueli den yedi Isidayeli yaaba kuli: «Yi yaa guani Li Miali Diedo kani leni yi pala kuli, yin ñani yi siiga o bulo Asitate leni bi nilanba n ŋua yaa buli kuli. Yin ŋoadi mani Li Miali Diedo leni yi pala kuli, ki yaa tuuni wani bebe yaa po. Lani, o baa faabi yi Filisiti yaaba nuu nni.»