Esidirasi 7:1 - U TIENU MAAMA TILI 2013

^1-5 Lani kuli n den pendi, Esidirasi den kpeni Jerusalemi, Persi diema bado Aritakiselisesi bali yogunu. Esidirasi yeni den tie Seraya bijua, bi kopadicianba bado Alono puoliŋuanu yua. Alono den mali Eleasari, Eleasari n maa Finea, Finea n maa Abisua, Abisua n maa Buki, Buki n maa Usi, Usi n maa Seraya, Seraya n maa Melajoti, Melajoti n maa Asariya, Asariya n maa Amaria, Amaria n maa Ahitubi, Ahitubi n maa Sadoki, Sadoki n maa Salumi, Salumi n maa Hilikiya, Hilikiya n maa Asariya, Asariya n maa Seraya, Seraya mo n maa Esidirasi.

Gourmanchéma Bible

^1-5 Lan den ye ki ye ke Esidilasi den ti kpeni Jelusalema, Pelisa diema bado Alitakiselisesi bali yogunu. Esidilasi yeni den tie Selaja bijua, o kopadicianba bado Alono puoliŋuanu yua. Alono den mali Eleyasala, Eleyasala n maa Finea, Finea n maa Abisua, Abisua n maa Buki, Buki n maa Usi, Usi n maa Selaya, Selaya n maa Melajoti, Melajoti n maa Asaliya, Asaliya n maa Amalia, Amalia n maa Ahitubi, Ahitubi n maa Tisadoki, Tisadoki n maa Salumi, Salumi n maa Hilikiya, Hilikiya n maa Asaliya, Asaliya n maa Selaja, Selaja mo n maa Esidilasi.

Esidirasi 7:1 ပူးပေါင်းရင်းမြစ်များ

2 Bi Badiba 22:4

«Ŋan gedi bi kopadicianba bado Hilikiya kani, ki waani o ke wan coadi ki taani bi niba n cuani yaa ligi kuli o Diedo diegu nni, likani buliñoaguuda n den gaani bi niba kani yaa ligi yeni.

2 Bi Badiba 22:8

Bi kopadicianba bado Hilikiya den yedi o tidianlo Safani: «N laa li bali maama tili o Diedo diegu nni. Hilikiya den teni li tili yeni ke o cogi li.»

2 Bi Badiba 25:18

Bi guudikaaba yudaano den cuo bi kopadicianba bado Seraya, o duogili Sofoni leni U Tienu diegu buliñoa-guuditaadiba.

2 Bi Badiba Jama 34:15

Lanwani, Hilikiya den maadi leni Safani o tidianlo ki yedi o: «N laa li bali maama tili o Diedo diegu nni.» Hilikiya den teni li tili yeni Safani.

2 Bi Badiba Jama 34:9

Bi den gedi bi kopadicianba bado Hilikiya kani, ke bi den teni ba bi niba n den cuani yaa ligi o Diedo diegu po. Li den tie Levi yaaba, U Tienu diegu guudikaaba n den gaa yaa ligi Manase yaaba, Efrayimi yaaba, Isidayeli yaaba, yaaba n sieni, Juda yaaba, Benjamen yaaba leni Jerusalemi yaaba kuli kani. Li yaa puoli, bi den guani Jerusalemi.

Esidirasi 4:7

Persi bado Aritakiselisesi yogunu, Biselami, Mitiledati, Tabeeli leni bi lieba moko den diani li tili, ki soani o bado kani. Bi den diani li tili yeni leni Arameyen yaa diani, ki soagini Arameyen mabuolu nni.

Esidirasi 6:14

Jufinba yudanba den suagi liiga ki maa ke U Tienu saawalipuaba Age leni Ido bijua Sakari den tundi ba, ki paagidi bi pala ke li den cuoni bonŋanla. Bi den maa ki gbeni nani Isidayeli Tienu ñoamabonli n den bili maama, Persi diema badicianba Sirusi, Dariyusi leni Aritakiselisesi kuli ñoamabona n den bili maama.

Esidirasi 7:10

Li den tie yeni kelima Esidirasi den kuani o yama ki bangi o Diedo bali maama, ki go kubi ma ki tieni man yedi yaala, ki go bangi Isidayeli yaaba U Tienu bali maama yeni leni o ñoamabonbilikaana kuli.

Esidirasi 7:12

«Mini Aritakiselisesi, bi badiba bado, n diani fini Esidirasi po yaa tili n tie ne, fini yua n tie o kopadiciamo leni li bali maama bando, ki bani bonŋanla U Tienu yua n die tanpoli bali maama.

Esidirasi 7:21

Mini o bado Aritakiselisesi n ñani li ñoamabonli, ke yaa ŋalimankubida n ye Efrati nintuali diema nni kuli n jaligi ki teni Esidirasi yua n tie o kopadiciamo leni U Tienu bali maama bando, ki bani tanpoli Tienu bali maama bonŋanla, wan mia ba yaala kuli.

Nehemi 11:11

Seraya, yua n den tie U Tienu diegu kopadicianba bado Ahitubi yaabili. Ahitubi den mali Melajoti, Melajoti n maa Sadoki, Sadoki n maa Mesulami, Mesulami n maa Hilikiya, Hilikiya mo n maa wani Seraya.

Nehemi 2:1

O bado Aritakiselisesi bali binpiiliedi binli, yaa ŋmaalo n yi Nisan yaa niinni, duven den se wani o bado nintuali, ke n taa duven yeni ki teni o. N pali daa den kpa biidi o kani nani landaali.

Nehemi 8:1

O cileleelo n den ñani, Isidayeli niba yaaba n den ye bi dogi nni kuli den cua. Bikuli den taani leni yanyenma yaa fanma n tiegi u dogu bilinciamu buliñoabu, mi Ñima Buliñoabu kani. Bi den yedi li bali maama bando Esidirasi, ke wan taa Musa bali maama tili, U Tienu n den teni Isidayeli yaaba yaa bali maama yeni ki cuani.