Esidirasi 10:1 - U TIENU MAAMA TILI 2013

¹ Esidirasi n den laabi U Tienu diegu nintuali ki buudi, ki jaandi ki miadi bi tuonbiadi sugili, Isidayeli yaaba boncianla, bi jaba, bi puoba leni bi bila den cua o kani ki buudi boncianla.

Gourmanchéma Bible

¹ Esidilasi n den laabi U Tienu diegu nintuali ki buudi, ki jaandi ki miadi bi *tuonbiadi sugili, Isalele yaaba boncianla, bi jaba leni bi puoba leni bi bila den cua o kani ki buudi boncianla.

Esidirasi 10:1 ပူးပေါင်းရင်းမြစ်များ

1 Bi Badiba 8:30

N mia ŋa ŋan cengi a naacemo leni a niba Isidayeli yaaba miabu, bi yaa cua yaa kaanu n tie ne ki jaandi ki mia ŋa. Ŋan cengi ti fini yua n ye hali tanpoli, ŋan cengi ti ki go pa ti sugili.

1 Bi Badiba 9:3

O Diedo den yedi o: «N gaa a jaandi leni ŋan den mia nni yaa miabu yeni. N gagidi ŋan maa yaa diegu ne, ki puni ku n yeli, ke ban yaa yi ku U Tienu diegu yogunu kuli. N baa yaa nua ku ki kuani n yama lienni yaa yogunu kuli.

2 Bi Badiba Jama 20:13

Juda yaaba kuli, bi biwaala, bi puoba leni bi bijaba kuli den se o Diedo nintuali.

2 Bi Badiba Jama 20:9

‹Li yaa ti tie ke fala baa ti nani, yianbiadipuodiko, bi bu toabu, bi mi koncianma, ti baa cua ki sedi ku naa diegu nintuali leni a yaa nintuali, kelima a ye laa diegu nne. Ti baa kuudi ki yini a ti fala nni. A baa cengi ti, ki faabi ti.›

Esidirasi 10:6

Li yaa puoli, Esidirasi den ñani U Tienu diegu nintuali kani, ki ban kua Eliasibi bijua Yohanani dieli nni. O den kua likani, ama o den yie waa dini, waa ñuni, kelima o pali n den biidi Isidayeli yaaba, yaaba n ñani ti yonbidi tuonbiadi po maama.

Nehemi 1:4

Min den gbadi laa bonla kuli, n den kali ki buudi. N den ye leni li paboanli ki luo bu ñoabu dana boncianla, ki jaandi ki miadi U Tienu yua n ye tanpoli,

Nehemi 1:6

cengi, a nuni mo n diidi nni. Cengi moala mini a naacemo n miadi a yaala. Ku ñiagu leni u yensiinu kuli, n miadi a tinba a naacenba Isidayeli yaaba po, ki doagidi ti tuonbiadi, tin den tieni a po yaadi, kelima mini leni n baadiegu yaaba kuli, ti tieni ti tuonbiadi.

Nehemi 10:28

Maluki, Harim leni Baana.

Nehemi 8:9

Nehemi, yua n den tie guveneeri, li bali maama bando Esidirasi, yua n go den tie o kopadiciamo leni Levi buolu, yaaba n den bangi bi niba yeni, den yedi bi niba kuli: «Dinla yaa daali gagidi o Diedo yi Tienu po. Yin da boandi yi pala ki yaa buudi yeni,» kelima bi niba kuli n den gbadi li bali maama n yedi yaala, bi den buudi.

Pisomi 119:136

N buudi ke n nunsiidi kuli wuliti, Kelima baa kubi a bali maama.

Pisomi 32:5

N waani a n tuonbiadi, Mii wuoni a n tagili, N yedi: «N baa waani o Diedo n tagili.» Amo ñani n tuonbiadi tagili. Joma.

Jeremi 13:17

Yi yàá cengi line, n baa buudi ŋasiili nni, Kelima yi japaadi po. N nuni baa wuli ti nunsiidi, Min mua boncianla, kelima bi baa gedini O Diedo niba ti yonbidi.

Jeremi 9:1

Bi yaa bi puni nni mi fanpienma nni Bi sancenba n baa wuoni naani, N baa sani ki ŋaa n diema niba ki foagidi leni ba, Kelima bikuli tie conconma danba. Bikuli tie janbi danba bebe.

Danieli 9:20

Danieli go den pugini ki yedi: «N den baa ki jaandi ki tuo ki doagidi n tuonbiadi leni n buolu Isidayeli yaaba tuonbiadi, ki miadi o Diedo n Tienu o joagagidikaali po.

Ose Tili 14:2

Isidayeli yaaba, lebidi mani ki guani O Diedo yi Tienu kani, Kelima yi tuonbiadi n teni ke yi tuudi ki baa.

Sakari 12:10

U Tienu go yedi: «N baa gbieni Davidi puoliŋuani leni Jerusalemi yaaba, yaaba n sieni, mi ninñima leni bu miabu yaa yantiali. Bi baa pegidi ki diidi mini, ban den muu mini yua yeni. Li paboanli baa cuo ba, nani bonjayenyenga kuuma yaa paboanli yeni. Bi baa mua boncianla, bi baa mua hali boncianla nani o nilo bijakpelo kuuma yeni.

Matie 3:6

Bi den tuodi ki doagidi bi tuonbiadi, ki cedi ke Jan batisi ba Jurden kpenu nni.

Luki 19:41

Jesu n go den nagidi Jerusalemi ki laa u, o den buudi upo,

Jesu Tondiba Tuona 10:30

Korneyi den guani ki yedi: «Dinla danataa, li yenlebidili yogunu, n den ye n dieli nni ki jaandi. Yaa joa n la yaa tiadi n ñuliti den ludi ki doagidi n kani, ki yedi nni:

Jesu Tondiba Tuona 21:5

Ti fiima daali n den pundi, ti den fii. Bani, bi puoba leni bi bila kuli den piadi ti, hali ki ñani ti u dogu nni. Ti den gbaani u ñinkunu ki jaandi.

LOMA YAABA 9:2

N ye leni ti yanyagiciandi leni li paboanli yogunu kuli,

Mi Tiadima 31:12

A baa taani bi niba kuli, bi jaba, bi puoba, a bila leni yaa canba n ye leni yi, ke ban bangi ki yaa fangi o Diedo yi Tienu, ki kubi, ki go yaa tiendi li naa bali maama n yedi yaala kuli.

Josue 7:6

Li paboanli po, Josue leni Isidayeli yaaba nikpela den padi bi tiadi, ki wuli bi yula po mi tama. Bi den laabi o Diedo ŋantaadikpaku nintuali, ki yaa caa hali ku yenjuagu.

Josue 8:35

Josue den cogi bi po Musa n den bili yaa ñoamabonbilikaana kuli. Waa den ŋaa ba mayenma kaa cogi ma Isidayeli yaaba nitaanli, bi jaba, bi puoba, a bila leni yaa nilanba n den ye bi siiga kuli po.