Esidirasi 1:1 - U TIENU MAAMA TILI 2013

¹ Persi diema bado Sirusi bali binkpiali binli, o Diedo den jagi ke o baa tieni wan den teni ke o saawalipualo Jeremi yedi yaala. O Diedo den teni ke Persi diema bado Sirusi yeni baa li yantiali, ki ñani li ñoamabonli ki diani li ki soani o diema nni kuli, ki yedi:

Gourmanchéma Bible

¹ Pelisa diema bado Silusa bali binkpiali binli, Li Miali Diedo den jagi ke o baa tieni wan den teni ke o sawalipualo Jelemi yedi yaala. O den teni ke Pelisa diema bado Silusa yeni baa li yantiali ki ñani li ñoabonli ki diani li ki soani o diema kuli nni ki yedi:

Esidirasi 1:1 ပူးပေါင်းရင်းမြစ်များ

Esidirasi 1:5

Juda leni Benjamen buoli yudanba, bi kopadicianba leni Levi buolu kuli siiga, U Tienu n den kuani yaaba yaa yama nni mi kunma yantiali kuli, den bogini ki baa gedi Jerusalemi ki ban maa o Diedo diegu.

Esidirasi 4:3

Ama Sorobabeli, Josue leni Isidayeli yaaba diedanba yaaba n sieni den guani ki yedi ba: «Laa dagidi yin taani leni ti ki maa U Tienu diegu. Ti baa maa ku tinba tibebe, kelima ku baa yaa tie o Diedo Isidayeli Tienu diegu. Ba Persi diema bado Sirusi den bili yene.»

Esidirasi 6:14

Jufinba yudanba den suagi liiga ki maa ke U Tienu saawalipuaba Age leni Ido bijua Sakari den tundi ba, ki paagidi bi pala ke li den cuoni bonŋanla. Bi den maa ki gbeni nani Isidayeli Tienu ñoamabonli n den bili maama, Persi diema badicianba Sirusi, Dariyusi leni Aritakiselisesi kuli ñoamabona n den bili maama.

Esidirasi 6:22

Bi den jaani yaa dupen n ki pia dabinli jaanma leni li pamanli hali danalele. O Diedo den mangi bi pala, kelima o den kuani Asiiri yaaba bado yama nni ke o todi ba leni wani Isidayeli Tienu diegu tuonli.

Esidirasi 6:3

«O bado Sirusi bali binkpiali binli, o den ñani yaa ñoamabonli n tie ne: Ban guani ki maa U Tienu diegu yaagu n ye Jerusalemi, kun yaa tie ban baa yaa padi a pada naankani. Ban cili li tanpuuli lin yaa pa. Li kpedima baa yaa tie nukpanduna piiluoba, le pianu mo nukpanduna piiluoba.

Esidirasi 7:27

Esidirasi den jaandi ki yedi: «Ti tuondi ki kpiagidi o Diedo, ti yaajanba Tienu, yua n den kuani o bado yama nni ke wan jigini o Diedo diegu yaagu n ye Jerusalemi,

Pisomi 106:46

Ki go den teni ke yaaba n kubi ba ti yonbidi Gbadi bi po mi ninñima.

Mi Kpanjama 21:1

O bado pali tie nani u kpenu yene, O Diedo nuu nni. O pegidi u wan bua naanpo yo.

Esayi 44:28

N maadi Sirusi ki yedi ke o tie n yankpaalo. O baa yaa tiendi n yanbuama kuli. O baa yedi Jerusalemi dogu po: ‹Ban guani ki maa u!› Ki go yedi U Tienu diegu po mo: ‹Ban cili ku tanpuuli!› »

Esayi 45:1

O Diedo maadi wan gandi Sirusi yua yeni po, Wan cuo yua yaa nujienu, Ki baa guli i nilanbuoli o nintuali, Ki baa cebidi bi badiba gbanñagiditi, Ki baa luodi o po ti buliñoa-luodiliediti Ke tin da go luoni. O Diedo yedi yaa maama n tie ne o po:

Jeremi 1:1

Yaa maama n ye ne tie Jeremi, Hilikiya Anatoti kopadicianba siiga yendo yaame. Jeremi tie Benjamen diema yua yo.

Jeremi 29:10

Ama mini o Diedo yedi: «Babilonni diedima yaa tuoni bina piilele, n baa cua ki todi yi, ki kuani yi po min den niani yi yaa ñoanianu. N baa ñani yi Babilonni ki guani yi Jerusalemi.

Esekieli 38:5

Persi, Etiopi leni Puti toatieba, yaaba n kubi a gbankoanditi leni a kusana, baa yegi leni ba.

Danieli 1:21

Danieli den tuuni yene, hali o bado Sirusi bali binkpiali binli.

Danieli 2:1

Nebukanesa bali binlieli, o den dangi ti dangidi. O yama den yagi, ke waa go goa.

Danieli 6:25

O bado den teni ke bi cuani yaa jaba n den kuli Danieli yeni, ki luni ba i yangbanli buogu nni, bani, bi puoba leni bi bila. I yangbanli den cuo ba ki toadi toadi ba, hali ke bi daa pundi ku buogu tinga.

Danieli 9:2

ke li binli bindi, mini Danieli den cogi U Tienu maama tila. N den bandi ke Jerusalemi baa yaa tie diegbena ki pundi hali bina piilele, nani o Diedo n den waani o saawalipualo Jeremi maama.

Jan n diani U Tienu Laabaaliŋamo maama 1:23

O den yedi ke o tie: «Yua n kpaani mi fanpienma nni ki tua: ‹Naadi mani o Diedo sanu,› » Nani Esayi den yedi maama.