Esayi 7:4 - U TIENU MAAMA TILI 2013

⁴ Ŋan yedi o: ‹Duani a yama ki da jie liba. A tugusoama n da sani a mudatalieda po, yaa da baa ki ŋubidi, bani Letisini, Siiri leni Ramalia bijua yeni kani.

Gourmanchéma Bible

⁴ Ŋan yedi o: ‹Duani a yama, da jie liba, a tugusoama n da sani a mudatalieda yaa da baa ŋubidi, bani Letisini, Sili leni Lamalia bijua yeni kani.

Esayi 7:4 ပူးပေါင်းရင်းမြစ်များ

Esayi 35:4

Yedi mani yaaba yaa tugusoama n tiini: «Paagi mani yi pala ki da go jie, Diidi yi Tienu n ne. O baa tuu yi po li panli. O baa pa yuakuli o panpaani, Wani o ba n kpendi ki baa faabi yi yeni.»

Jeremi Bubula 3:26

Li ŋani hali boncianla, O nilo n guudi o Diedo faabima Leni li juunli.

Esayi 30:15

Li Miali Diedo U Tienu Isidayeli Tienu Yua n Gagidi ki ŋani yedi: Yi guanma U Tienu kani N baa cuani yi po mi yanduanma Leni mi faabima. Yi paalu ye mi yanduanma leni ti dugidi nne. Ama yi naa bua la,

Mi Tiadima 20:3

‹Isidayeli yaaba cengi mani! Dinla yi ñani, ki baa koani leni yi yibalinba. Yi jigi n da cie, yin da jie, yin da bangi, yi gbani mo n da jeli bi nintuali.›

Matie 24:6

Yi baa gbadi ke bi maadi bu toabu maama, ki go maadi bu toabu laabaalo maama. Da yagi mani yi yama, kelima laa bonla baa cua tiladi. Ama li da kan tua mi juodima ka.

Sakari 3:2

Maleki yeni den yedi Sutaani: «O Diedo n yie a po! O Diedo, wani yua n gandi Jerusalemi yeni, n yie a po! Naani Josue ki tie nani ban kuudi ki ñani yaa mudatali u mu nni yeni ka?»

2 Bi Badiba Jama 20:17

Yi kan kua bu toabu nni. Yin cua ki sedi lankani, yi baa le o Diedo n baa faabi yi maama. Juda yaaba leni yaaba n ye Jerusalemi, yin da jie mani, yi gbani mo n da jeli.› Saala yin ña ki tuogi ba, o Diedo n baa yaa ye leni yi.»

Amosi 4:11

N den bolini yi siiga bi tianba, Nani min den bolini Sodomi leni Gomori dogi maama yeni. Yi siiga yaaba n sieni den tie nani ban kuudi Yaa datala u mu nni yeni. Ba leni lani kuli, yii den lebidi ki guani n kani. O Diedo n yedi yeni.

Esayi 30:7

Ejipiti diema todima kuli Ki pia mayuli, li tie fanma bebe. Lani yaa po yo ke n tiani ki yedi: «Japaadanba bebe, bi kan sedi kaanyendu!»

Esayi 10:24

Li tie lani yaa po yo ke Li Miali Diedo U Tienu U Paaciamu Kuli Daano maadi Yaa maama n tie ne: «Yinba n niba yaaba n ye Siyon, Da jie mani Asiiri yaaba, Yaaba n pua yi leni u gbiamu. Bi yugidi bi gbadunduli yi po Ki wangi yi fala, Nani Ejipiti yaaba n moandi Ki tiendi yi maama yeni.

Esayi 8:4

Hali ke ki biga yeni daa bandi ki yedi: ‹N baa› leni ‹N naa› bi baa tugi Damasi piama leni Samari fagidi ki cuani Asiiri bado nintuali.»

Esayi 7:8

Kelima Damasi n tie Siiri yaaba dociamu, Letisini mo n tie Damasi dogu bado. Ne leni piiluoba n binamuu Efrayimi Diema baa pua ki yadi yadi, Ki kan go yaa tie nibuolu.

1 Samueli 17:32

Davidi den yedi Sayuli: «Oba kuli gbanu n da wudi kelima Filisiti yua yeni po. Mini a naacemo baa gedi ki koani leni o.»

Matie 10:28

Da jie mani yaaba n baa kpa ti gbanandi, ama ki nan kan fidi ki kpa o naano. Ama yin yaa jie mani yua n baa fidi ki bolini o naano leni ti gbanandi kuli ku fantanbuogu nni.

Esayi 41:14

O Diedo yedi: «Da jie liba fini Jakob buolu Yuu n tadi nani o sidibilo yeni. Yinba Isidayeli yaaba, Yaaba n tadi nani bi tinkpiba yeni, N kpendi ki baa gaa yi, Mini yi daafaabika, Isidayeli Tienu Yua n Gagidi ki ŋani.

Esayi 7:1

Juda bado Akasi den tie Yotam bijua, Yotam mo den tie Osiasi bijua. Akasi yeni bali nni, Siiri diema bado Letisini den taani leni Isidayeli bado Peka, Remalia bijua ki baa n tuogi bu toabu leni Jerusalemi. Ama baa den fidi ki paadi u.

Esayi 7:9

Efrayimi yaaba dociamu n tie Samari, Samari bado mo tie Remalia bijua.› Yinba Juda diema yaaba, Yi yàá sedi bonŋanla yi dandanli nni, Yi kan ti fidi ki mua jamiba kuli.»

Esayi 37:6

Esayi den yedi ba: «Ban yedi mani yi canbaa: ke o Diedo yedi: ‹Ŋan da teni Asiiri bado naacenba n maadi yaa maama ki sugi nni yeni n jieni a.

2 Bi Badiba 15:27

Juda bado Asariya bali piimuu n binlieli binli, Remalia bijua Peka den dini li bali ki die Isidayeli. O den kaa Samari ki die hali bina piilie.

Esayi 8:6

«Nani bi naa niba n fali Silowe Ñima yaama n puubi dindini, Ki mangi bi pala Letisini po leni Ramalia bijua po yeni.

Habakuki 2:3

N jagi ki bili li bonlekaala yeni N baa tieni yaa yogunu. Li yogunu kan pendi. Ba li yaa waagi, ŋan yaa guu. Yen de! Li baa cua ke laa pia kuli tama, Li yogunu kan mibidi.