Esayi 2:2 - U TIENU MAAMA TILI 2013

² Mi juodima yogunu yaa pundi, O Diedo bili ke o diegu n ye yaa juali po, Baa kpedi ki cie a joabila kuli, Ba a joaciama moko. I nilanbuoli kuli mo baa yaa tigibi Ki caa likani.

Gourmanchéma Bible

² Mi juodima yogunu yaa pundi, Li Miali Diedo bili, Ke o diegu n ye yaa juali po Baa kpedi ki cie a joabila kuli, Baa a joaciama moko. I nilanbuoli kuli mo baa tigibi ki caa likani.

Esayi 2:2 ပူးပေါင်းရင်းမြစ်များ

Mi cilima 49:1

Jakob den yini o bijaba ki yedi ba: «Taani mani ke n baa waani yi yaala n faadi ki ye yikuli yendo yendo po.

Jobi 19:25

N bani ke n faabika fo, Ke wani n baa juodi ki fii ki tinga nni.

Pisomi 102:23

I nibuoli leni mi diema kuli yaa taani, Ki baa kpiagi o Diedo yaa yogunu.

Pisomi 2:8

Mia nni, n baa pa ŋa i nibuoli ban tua a faali, Ki teni ŋan diedi hali ki tinga bianu.

Pisomi 22:27

Bi yumiindanba baa je ki guo, Yaaba n lingi o Diedo baa kpiagi o. Wan teni yin yaa ye yaa yogunu kuli!

Pisomi 22:28

Ŋanduna kuli yaaba baa tiadi fini O Diedo po ki guani a kani. Li ŋandunli nibuoli kuli baa cua, Ki gbaani a nintuali.

Pisomi 48:2

O Diedo yabi, Li pundi tin pagi ti Tienu o dogu nni, O joagagidikaali po.

Pisomi 68:17

Be yaa po ke yaa juali yaa yula n yabi, Baa yaa poni leni U Tienu n gandi yaa juali, Ki baa yaa ye likani? Ba yeni, o Diedo baa teni Lin yaa tie o yekaanu hali yaa yogunu kuli.

Pisomi 72:8

Teni o bado n yaa die mi naa ñincianma kunu, Ki gedi hali miyama kunu, Ki cili u kpenciamu Efrati, Ki yaa caa hali u tinbianu.

Pisomi 86:9

O Diedo, ŋan tagi yaa nibuoli kuli baa cua, Ki gbaani ki pugi a ki kpiagi a yeli.

Pisomi 87:1

Kore buolu yanbu. O Diedo maa Jerusalemi dogu, Yaa juana n gagidi ki ŋani yuli po.

Pisomi 87:2

Jakob diema nni kuli o bua Siyon dogu, Ki cie i kaani kuli.

Esayi 11:10

Landaali Isayi benkpeli baa fii Ki sedi nani mi maalima yeni i nibuoli po. I nibuoli baa lingi wan ye naankani, U Tienu kpiagidi mo baa yaa dua likani.

Esayi 25:6

Li Miali Diedo U Paaciamu Kuli Daano baa tieni Mi jaanjiema i nibuoli kuli po, Li naa juali po. Mi jaanma leni yaa jiema n mani bonŋanla, Mi jaanjemanma leni mi damanma, Mi jemanma yaama n gbie leni o lonlogo, Mi damanma yaama n baani.

Esayi 27:13

Landaali, bi baa piebi li naatuntuncianli. Yeni, yaaba n den bodi Asiiri diema nni, Baa guani ki cua. Yaaba n yadi Ejipiti diema nni Baa gbaani ki pugi o Diedo, Yaa juali n gagidi ki ŋani yuli po. Li baa tua Jerusalemi dogu nne.

Esayi 30:29

Yi baa yiini nani Mi jaanma daali ñiagu yeni. Yi pala baa yaa mani, Nani yua n cuoni ki ŋua Ki yeliga piebima yeni, Ki caa o Diedo juali po, Wani Isidayeli Tanciangu.

Esayi 49:6

O den yedi nni: «Min teni ke a tua N naacemo yeni daa dagidi. A baa fiini Jakob buoli yaaba, Ki guani bani Isidayeli yaaba, yaaba n sieni. N go gandi a ke ŋan tua mi yenma i nilanbuoli po, Ki teni n faabima mo n talini, Ki pundi hali ŋanduna banlu.»

Esayi 56:5

N baa pa ba n diegu leni n bilini nni, Yaa kaanu leni yaa yeli n ŋani Ki cie a bonjala leni a bonpola. N baa pa ba yaa yeli n baa ye yaa yogunu kuli, Ke liba kuli kan fidi ki bolini laa yeli.»

Esayi 56:7

N baa yini bani n joagagidikaali po, Ki teni ban mangi bi pala n diegu nni, Ban jaandi nni naani. N baa tuo ki gaa bi padijuukaana Leni bi pada kuli n padibinbinli po, Kelima n Diegu baa yaa yi I jaandi diegu yo i nibuoli kuli po.

Esayi 60:3

I nilanbuoli baa cuoni a yenma nni, Bi badiba mo baa cuoni A yenma fuuli nni.

Esayi 65:11

Ama yinba yaaba n ŋaa o Diedo Ki sundi n joagagidikaali po, Yinba yaaba n ŋanbi mi jiema Gadi po, Ki gbieni o bulo Meni po o tadiñokaaga,

Esayi 66:20

Bi baa ñani yi kpiiba i nilanbuoli kuli siiga, Ki tugi ba i taami leni ti toateliti po, yaa toateliti n liibi, I buomi leni ti yuoyuodi po ki cuani ba, N joagagidikaali Jerusalemi kani. Bi baa tua pienma padili o Diedo po, Nani Isidayeli yaaba n kpendinni bi pienma pada Leni yaa tiagu n ŋani bonŋanla nni O Diedo diegu po maama yeni. O Diedo n yedi yeni.

Esayi 66:23

Ŋmapaano n tuu ŋmapaano, Fuodima daali n tuu fuodima daali, O Diedo yedi ke mialifo kuli, Baa cua ki gbaani o nintuali ki pugi o.

Jeremi 16:19

O Diedo n tie n gbanmanu, n wuonkaanu, Li pabiidili daali min baa sani ki deni yua. I nibuoli baa ña u tinbianu ki cua ki yedi: «Ti baanba den dini yaa faali n tie faama bebe, Yaa faama n ki pia mayuli

Jeremi 23:20

O Diedo pabienli kan pegidi ki teli poto kuli, Se li cua ki tieni wan jagi maama o pali nni. Li daali kpendi ke yi baa bandi lan bua ki yedi yaala.

Jeremi 26:18

«Mise Moleseti yua n den pua saawali Esekiasi Juda bado yogunu, ki tua Juda yaaba kuli: ‹Li Miali Diedo U Paaciamu Kuli Daano yedi ke Siyon dogu baa tua kuanu. Jerusalemi baa kpandi kulinjagbeligu, Li jaandieli juali mo baa tua yaa juali n baa kpandi fuali.›

Jeremi 3:17

Lanyogunu bi baa yaa yi Jerusalemi, “O Diedo bali kalikaanu.” I nilanbuoli kuli baa sani Ki cua Jerusalemi dogu yeni niinni, O Diedo yeli nni. Bi kan go baa ki ŋua bi pajuaga sanyuogidi.

Jeremi 30:24

O Diedo pabiencianli kan pegidi ki teli poto, Hali wan baa tieni o pali nni wan jagi yaala. Li daali kpendi ke yi baa bandi Lan bua ki yedi yaala.»

Jeremi 31:12

Bi baa cua Siyon juali kani, Ki yiini leni li pamanli, Kelima o Diedo n baa pa yaa piama po. Mani n tie: ŋalikama, Mi dapanma, mi kpama, Ti yanbidi leni a yangbenga. Bi baa yaa tie nani ban kpidi yaa salidingo yeni. Jawaandi kan go cuo ba.

Jeremi 48:47

Ama li daali kpendi, Ke n baa guani ki ŋanbi Moabi. O Diedo n yedi yeni.» Lani n tie Moabi diema buudi gbenma.

Jeremi 49:39

Ama u yogunu kpendi ke n baa Guani ki ŋanbi Elami. Mini o Diedo n yedi yeni.»

Jeremi 51:44

N baa fii ki sedi Beli po Babilonni nni. N baa lobidi wan kpibi yaala o ñoabu nni. I nibuoli kan go yaa tigibi ki caa o kani. Ba Babilonni bilinu ŋmadi ki baa.

Esekieli 38:16

A baa fii ki cua ki baa n niba Isidayeli yaaba, nani ti tawadi n yen libini mi diema maama yeni. Laa bonla baa tieni mi juodima yogunu. N baa teni ŋan cua ki baa n diema, ke i nilanbuoli n bandi nni. N baa teni bi nilanba n bandi nni leni fini Gogi paalu.›

Esekieli 40:2

Li bonlekaala nni, o den yua nni, ki gedini nni Isidayeli diema nni. O den ban sieni nni, yaa juali n kpedi hali boncianla yuli po, yaali yaa nuganu po n den pia li bonla ke li se ki naani leni u dogu diena yeni.

Danieli 10:14

O den yedi nni: n cua a kani ki baa waani a yaala n baa ti faa ki cua a buolu po, kelima li go pia li bonlekaala lanyogunu po.»

Danieli 2:28

Ama tanpoli pia yaa Tienu n doagidi li bondoaginkaala. O bado, wani n waani a, yaala n baa ti faa ki cua.

Danieli 2:35

Lani, ti kudi, ku yoagu, ti kumoandi, ŋanjilifa leni wula yeni, den taani ki mudi yenma, ki tua nani yaa fenma n ye u jalu nni, ku fawaagu yogunu yeni. U faalu den liebi ki ñani likuli, ke puu kuli ki sieni likani. Ama yaa tanli n den pua li nisaali-nannanli yeni den tua joacianli ki gbieni ki tinga kuli.

Danieli 2:45

Ŋan den laa yaa tanli, ke li ñani li juali po ke nisaalo nuu ki lugidi li, ke li pua ki mudi mudi ti kuboandi, ti kudi, ku yoagu, ŋanjilifa leni wula yeni, waani lane. U Tienu yua n die u paalu kuli, waani a yaala n baa ti faa ki cua yo. Ti dangidi yeni waani moamoani, tama mo kuli ki ye ti bundima nni.»

Ose Tili 3:5

Li yaa puoli, bi baa lebidi ki cua ki lingi o Diedo, bi Tienu leni bi bado, Davidi puoliŋuani siiga. Bi baa faa ki guani o Diedo kani leni li fangili, ki go baa o ŋanbili.

Sakari 14:10

Mi diema kuli baa tua Nani Araba tialu yeni. Ki cili nujienu po dogu Geba, Ki ban pundi hali ganu po dogu Rimon. Jerusalemi dogu baa yaa ye u kaanu, Ki ye naani n kpedi. U baa tandi, ki cili bani Benjamen buolu Yaaba buliñoabu kani, Ki ban tuoni hali bu buliñoakpelibu, Ki bonlogidiga buliñoabu kani. U go baa tandi, ki cili hali Hananeeli diefoagili kani, Ki ban tuoni hali o bado duven Datuodikaanu kani.

Sakari 14:9

Landaali, o Diedo baa yaa tie Ŋanduna kuli bado, Bi niba kuli baa yaa kpiagidi o, Bikuli baa yaa taagi o yeli.

Sakari 8:22

I nibuoli boncianla leni Yaa nilanbuoli n pia u paalu Baa cua Jerusalemi ki bua ki kpiagi nni, Ki go jaandi ki mia n seli.

Sakari 8:3

N baa lebidi ki guani Siyon, ki yaa ye Jerusalemi yaaba siiga. Bi niba baa yaa yi Jerusalemi dogu: “Yaa dogu yaaba n bua U Tienu, ki tuo ki ŋua o.” Bi baa yaa yi Li Miali Diedo U Paaciamu Kuli Daano juali mo: “Mi gagidiŋanma juali.”»

Malaki 3:12

I nilanbuoli kuli baa yaa tua ke yi ye leni li pamanli, kelima yi diema baa yaa tie yaa kaanu n ŋani boncianla. Li Miali Diedo U Paaciamu Kuli Daano n yedi yeni.»

Mi Coadima 24:14

To, moala n baa lebidi ki kuni n buolu po. Cua ne, min tuodi ki waani a, laa nibuolu n baa ti faa ki soani a niba yaa tuona.»

Jesu Tondiba Tuona 2:17

U Tienu yedi: ‹Mi juodima yogunu n baa teni n Fuoma n jiidi Ki yadi yadi bi nisaaliba kuli po, Yi bijaba leni yi bisiaba baa yaa pua saawali. Yi jawaaba baa baa li bonlekaala, Yi jakpela mo baa dangi ti dangidi.

2 Timote 3:1

N bua ŋan bandi ke a juodidana yaa nagidi, yaa yogini n pa baa cua.

Hebilunba 1:2

Ama moala, mi juodima dana nni, o maadi leni ti o Bijua yaa ñoabu nne. O tagi li ŋandunli kuli o yaa niinne, ki bili ke wan diedi li bonla kuli.

2 Pieri 3:3

Yin tuodi ki bandi ke mi juodima yogunu, li ñuali danba baa cua leni bi ñuali, bani yaaba n ŋua bi gbanandi bonbuakaala.

Mi Doagidima 11:15

O malekileleelo den piebi kakaci. I nialiciami den kpaani tanpoli po, ki yedi: «Moala ŋanduna diema tua ti Diedo Leni wan Gandi Yua yaa yaama. O baa yaa die hali yaa yogunu kuli.»

Mi Doagidima 20:4

N den laa li bali kalikaani, ke yaaba n kaa i po den baa li bali ki baa jia ti buudi. N go den laa ban jendi yaaba yaa yula yaa naani, kelima Jesu yaa siedi po, U Tienu Maama po, yaaba n kaa den gbaani ki kpiagi ki fuayanga leni ki nannanli, kaa gaa o maalima bi yutuna, yaa ka bi nii po. Bi den guani ki baa li miali ki die leni Kilisiti hali bina tudili.