Efesa 5:5 - U TIENU MAAMA TILI 2013

⁵ Yin bandi ke ba niyendo yua n tie mi conconma daano, yua n tiendi ti joagindi leni o ŋaliŋabualo yaala n tie o po nani i buli ŋoadima, kan baa U Tienu leni Kilisiti diema ŋalimano.

Gourmanchéma Bible

⁵ Yin bandi mani ke baa niyendo yua n tie mi conconma daano leni yua n tiendi ti *joagindi, leni o ŋaliŋabualo yaala n tie opo nani i *buli ŋoadima, kan baa U Tienu leni Kilisiti diema ŋalimani.

Efesa 5:5 ပူးပေါင်းရင်းမြစ်များ

Mi Ñama 20:17

Yin da pia li nunponbiadili yi nisaalilielo diegu po, o pua po, ba o naacemo po, ba o puotuado po, ba o nua po, ba o ŋunbo po, ba yi lielo n die yaa bonla kuli po.»

Jesu Tondiba Tuona 20:32

Moala, n taa yi ki piani U Tienu leni o ŋanbili maama, yaama n baa fidi ki teni yin yaa kpedi ki paagidi o sanŋoadima nni, ki go teni yin baa u biinu wan bili yaa ŋalimano o nigagidiŋanba kuli po.

Jesu Tondiba Tuona 8:21

Ŋaa pia biinu leni ŋantaadoba kuli li naa tuonli nni, kelima a pali naa tiegi U Tienu nintuali.

Galati 5:19

To, o nisaalo gbanandi tuona doagidi. Lani n tie: mi conconma buoli kuli, ti joagindi, ti cagindi,

Galati 5:21

li nunponbiadili, li dañogaadili, ku nuagu leni laa bonbuoli kuli. N go tuodi ki waani yi nani min den kpa wani yi maama, ke yaaba n tiendi laa bonjoagindi buoli kan kua U Tienu diema nni.

Efesa 5:3

Yin da tuo mi conconma maama leni majoagindi buoluba kuli, bi mi ŋaliŋabuama maama n ña yi siiga ba waamu, kelima laa dagidi yinba bi nigagidiŋanba po.

Kolosi 1:13

O faabi ti ki ñani ti li biigili paalu nni, ki kuani ti o Bibuadiga diema nni.

Kolosi 3:5

Lanwani, yin kpa mani ŋanduna bonbuaka-biadila, yaala n die yi gbananbuoli, mi conconma, ti cagindi buoli kuli, ti gbanandi bonbuaka-biadila, yaala n joagini yaa buama kuli leni mi ŋalimanbuama, yaala n tie nani i buli ŋoadima yeni.

1 Timote 6:10

I ligi buama tie bonbiadila buoli kuli yaa jiinu. Bi nitianba den kuani bi yama mi ligibuama nni, ki yaadi ki ŋaa li dandanli, ki kuani bi yula li pabiidicianli nni.

1 Timote 6:17

Ŋan tundi yaaba n tie a piada ŋanduna na niinni, ke ban da pia ti japaadi, ki da piani bi yula bi piama, yaama n ki pia dugidi. Ama ban piani bi yula U Tienu po, wani yua n puuni ti li bonla kuli ke li kandi, ki bua tin mangi ti pala li po.

Hebilunba 13:4

Bi niba kuli n yaa jigindi li puotaali, ki da tuo li puotaali duanu n joagini, kelima U Tienu baa jia mi conconma buoli danba kuli buudi.

Josue 7:21

N den laa ti fagidi siiga kpaligolikaŋanbu, ke bu ñani Mesopotami diema po leni ŋanjilifa kujapiena kobilie leni wula bonmunmunli, ke li kpiagu pundi kilo boagidima. N den laa lani kuli, ke n yama kua lienni, ke n taa. Likuli wuo tinga nni n gbandieli siiga, ke ŋanjilifa ye li tiipo.»

Mi Doagidima 21:8

Ama bi jawaandanba, yaaba n ki daani, ti cagindi danba, bi nikpaba, mi conconma buoli kuli danba, u ñoagubiadu danba, i buli danba leni yaaba n pua mi faama kuli, bikuli yekaanu baa yaa tie u mu leni li cidibili n co yaa kpenu nni. Lani n tie mi kuliema.»

Mi Doagidima 22:15

Ama i sangbanli, u ñoagubiadu danba, mi conconma buoli kuli danba, bi nikpaba, i buli danba, yaaba n bua mi faama ki go pua ma kuli, baa yaa ye niinpo.