Efesa 5:3 - U TIENU MAAMA TILI 2013

³ Yin da tuo mi conconma maama leni majoagindi buoluba kuli, bi mi ŋaliŋabuama maama n ña yi siiga ba waamu, kelima laa dagidi yinba bi nigagidiŋanba po.

Gourmanchéma Bible

³ Yin da tuo mi *conconma maama leni majoagindi buoluba kuli, bi mi ŋaliŋabuama maama n ña yi siiga baa waamu, kelima laa dagidi yinba bi *nigagidiŋanba po.

Efesa 5:3 ပူးပေါင်းရင်းမြစ်များ

Pisomi 10:3

O nibiado pagi o yuli leni wan jagi ki tieni yaala. O yaa tieni i janbi ki baa yaala, Se wan soli ki go ñuadi o Diedo.

Pisomi 119:36

Pa nni li yankuali a ñoamabonbilikaana po, Ki nan da pegidi n pali ti ñuadi lingima po ka.

Mi Ñama 18:21

Ŋan gandi bi niba siiga bi yanfuodanba yaaba n fangi U Tienu, ki bua i moamoani ki nani li suuli. Ŋan dini ba li bali ke ban tua niba tudili tudili, niba kobiga kobiga, niba piimuu muu leni niba piiga piiga yudanba.

Mi Ñama 20:17

Yin da pia li nunponbiadili yi nisaalilielo diegu po, o pua po, ba o naacemo po, ba o puotuado po, ba o nua po, ba o ŋunbo po, ba yi lielo n die yaa bonla kuli po.»

Mi Ñama 23:13

Yin ŋoadi n ñoamabona kuli bonŋanla. Yin da gbaani tientoe nintuali, ban da gbadi bi maama yi ñoana nni mo.

Mi Kpanjama 28:16

Yaa gobidika n luo mi yama Tiendi yaa bonla n goli boncianla, Ama yua mo n nani i janbi baali, Miali baa foagidi.

Jeremi 22:17

Ama fini wani, a li lingi a yuceli ŋamu bebe yo. A faadi ki wuli yaaba n ki pia tagili soama. A tugumoangu mo yabi boncianla.

Jeremi 6:13

A bonwaala leni a nikpela kuli, Lingi bi yucela ŋamu bebe yo. Ki cili o kopadiciamo ki ban tuoni o saawalipualo, Bikuli ye i janbi po yo.

Jeremi 8:10

Lani n teni ke n baa taa bi puoba ki teni nitoaba, Ki teni yaaba n paadi ba mo n diedi bi kuani, Kelima ki cili ki bonwaaga ki ban pundi o nikpelo, Bikuli li tiini ki lingi bi yucela ŋamu bebe. Ki cili o saawalipualo ki ban taani o kopadiciamo, Bikuli li ye i janbi po yo.

Esekieli 33:31

N niba yeni kpendi boncianla a kani ki bua ki gbadi a maama. Bi cengi ma wani, ama bi nan kan kubi ma, kelima bi pia ñoamamandi bebe. Bi gbanandi bonbuakaala n die ba.

Levi 15:18

O joa yaa duani leni pua, bikuli baa wali ki yaa ye leni bi joagindi hali ku yenjuagu.

Mise 2:2

Bi yama yaa baa yua yaa kuanu nni bi yen fie u, Bi yama yaa didi baa yua yaa diegu nni bi yen fie ku. Bi mabindi o diedaano leni o diegu, Ki mabindi o nilo leni o piama.

Mi Coadima 25:1

Isidayeli yaaba den kaa Sitimi. Lankani bi den cili ki cagini bi yula leni Moabi yaaba bisiaba.

Matie 15:19

Ti yanmaalibiadi, mi kukpama, mi conconma buoli kuli, bu subu, mi siedifaama leni ti sugidi kuli ña li pali nne.

Luki 12:15

O go den yedi bi niba kuli: «Fangi mani yi yula bonŋanla leni mi ŋalimanbuama, kelima o nilo miali ki ŋua o ŋalimano n yabi maama ka.»

Luki 16:14

Farisieninba yaaba n den bua i ligi ke li kandi, den gbadi lani kuli ki ñuadi Jesu.

Jesu Tondiba Tuona 15:20

Ama tin diani ki waani ba ke ban kubi bi yula, ki da biidi bi yula ki je i buli padijiedi, ki go kubi bi yula leni mi conconma buoli, ki da ŋmani ti yansoadikaadi leni mi soama.

Jesu Tondiba Tuona 20:33

Mii den kuani n yama oba kuli ligi nni, o wula nni, yaa ka o tiadi nni.

LOMA YAABA 1:29

Yaala n kaa tiegi kuli gbie bi pala nni, yaala n bia, mi ŋaliŋabuama leni mi biadima. Bi pala go gbie leni li nunponli, mi kukpama, li koanli, mi niama buoli kuli, bu nunfanbiadibu leni ku tugutongu.

LOMA YAABA 16:2

Yin gaa o cangu o Diedo nni, nani lan pundi bi nigagidiŋanba n yaa tiendi maama, ki todi o, wan bua yi todima yaala kuli nni. Wani o ba todi niba boncianla, ba leni mini moko.

LOMA YAABA 6:13

Yin da go teni ti tuonbiadi n diedi yi gbananbuoli, ki teni tin tua mi biadima jatiadi. Ama yin teni yi yula U Tienu, nani yaaba n fii bi tinkpiba siiga, ki go ye ki fo yeni. Yin yaa puuni yi gbanandi U Tienu ki teni tin tua mi teginma jatiadi.

1 Korenti 10:8

Tin da pa ti yula mi conconma po, nani bi siiga bi tianba n den puni bi yula mi po maama, ke piilie n niba tudataa (23 000) den kpe dayenli.

1 Korenti 5:1

I kaani kuli bi niba tua ke ti cagindi ye yi siiga, yaa cagindi buolu n kaa ye ba bi nilanba siiga. Lani n tie ke yi siiga, yendo ye leni o baa pua.

1 Korenti 6:13

Yi go tua: «Mi jiema ye ku tugu po, ku tugu mo ye mi jiema po.» U Tienu baa ti bolini likuli yenma. Ama ti gbanandi naa ye mi conconma po ka, ti ye o Diedo po, o Diedo mo ye ti gbanandi yaa po.

1 Korenti 6:18

Yin sani ki foagidi mani leni mi conconma. Tuonbiatoadi kuli ye ti gbanandi niinpo, ama yua n puni o yuli mi conconma po, tudi o gbanandi po yo.

2 Korenti 12:21

N jie ke n yaa cua, n Tienu baa miidi nni yi siiga. N jie ke n baa buudi kelima tianba po, bani yaaba n den kpa tieni ti tuonbiadi ki naa lebidi bi pala ki ŋaa ban den kubi ki tiendi yaa joagindi leni yaa conconma leni yaa cagindi kuli yeni.

Efesa 5:12

Li pia i fe, ba ki maadi ban tiendi yaa bonla ŋasiili nni.

Efesa 5:5

Yin bandi ke ba niyendo yua n tie mi conconma daano, yua n tiendi ti joagindi leni o ŋaliŋabualo yaala n tie o po nani i buli ŋoadima, kan baa U Tienu leni Kilisiti diema ŋalimano.

Filipi 1:27

Lanwani, bonyenla n tugi li yuli, lani n tie ke yi tagi n yaa da leni Kilisiti yaa Laabaaliŋamo. N yaa fidi ki cua yi kani ki laa yi leni n yàá fidi ki cua, min yaa gba ke yi se bonŋanla ki pia yantiayenli, ki moa o Laabaaliŋamo n cuani yaa dandanli yaa muali.

Kolosi 3:5

Lanwani, yin kpa mani ŋanduna bonbuaka-biadila, yaala n die yi gbananbuoli, mi conconma, ti cagindi buoli kuli, ti gbanandi bonbuaka-biadila, yaala n joagini yaa buama kuli leni mi ŋalimanbuama, yaala n tie nani i buli ŋoadima yeni.

1 Tesaloniki 4:3

U Tienu n bua yaala lani n tie yi gagidiŋanma, ke yin kubi yi yula ki da tieni conconbuoluba kuli.

1 Tesaloniki 4:7

U Tienu ki den yini ti ke tin yaa ye mi conconma nni ka, ama mi gagidiŋanma nni.

1 Timote 2:10

Ama ban yaa sibidi biba leni a tuonŋama, lan dagidi ke yaa puoba n tieni siedi, ke bi ŋua U Tienu n yaa tiendi maama.

1 Timote 3:3

Wan da tie yua n puni o yuli li dañoli, wan da tie yua n bua janjanma, wan yaa tie yua n dingi kaa bua koanli, kaa bua ligi ke li pendi.

1 Timote 6:10

I ligi buama tie bonbiadila buoli kuli yaa jiinu. Bi nitianba den kuani bi yama mi ligibuama nni, ki yaadi ki ŋaa li dandanli, ki kuani bi yula li pabiidicianli nni.

2 Timote 3:2

Bi niba baa yaa bua bi yula ŋamu bebe, ki tua i ligi buakaaba. Bi baa yaa tie ñoakpalidanba leni japaadanba, nisugida, danyiekaaba leni ŋanwaadanba, ki go tie yaaba n kaa fangi U Tienu.

Titi 1:11

Li tie tiladi ŋan mubini bi ñoana, kelima bi yagini ti dietiandi yama, ki bangi ki bua ki baa i janbi ñuadi.

Titi 1:7

Li tie tiladi ke Kilisiti Nitaanli gobidika n yaa tie U Tienu naacendugika, wan da pia ban baa fidi ki kuli o leni yaala. Wan da tie tupaalu daano, mutuodaano, dañolo, yua n faadi li koanli leni yua n kuandi o yama i janbi ñuadi nni.

Titi 2:3

Ŋan go yaa wangi a puociana ke bi tagi n yaa tuugi leni mi gagidiŋanma, ban da tie tuotabigu danba, yaa ka dañogaada. Ama li pundi ban yaa bangi yaala n ŋani,

Hebilunba 12:16

Yin go fangi yi yula ke oba n da tie conconma daano leni yua n fali yaala n gagidi, nani Esayu yeni, yua n den kuadi o nikpedi kelima jeyenma po.

Josue 7:21

N den laa ti fagidi siiga kpaligolikaŋanbu, ke bu ñani Mesopotami diema po leni ŋanjilifa kujapiena kobilie leni wula bonmunmunli, ke li kpiagu pundi kilo boagidima. N den laa lani kuli, ke n yama kua lienni, ke n taa. Likuli wuo tinga nni n gbandieli siiga, ke ŋanjilifa ye li tiipo.»

1 Pieri 5:2

Yin yaa kpaa U Tienu yankulu, yuu n ye yi kani. Yin da tiendi la nani li tie tiladi ka, ama lan yaa tie yi yama po, nani U Tienu n bua maama. Yin da tiendi yeni kelima yi bua ki baa i ligi ka, ama yaa tiendi mani la, ke yi yama ye lienni moamoani.

2 Pieri 2:10

O buudi cuonu n baa cuo yaaba ki cie, tie yaaba n ŋua bi gbanandi bonbuakaala yaala n joagini, ki go fali o Diedo bali. Laa bangi-faadanba pia ti japaadi leni yaa tuli n pa, kaa jie, ki sugidi ba malekinba yaaba n pia ti kpiagidi.

2 Pieri 2:14

Bi nua mi conconma nuni, ki kan tieni tuonbiadi ki guo. Bi gbie leni mi ŋaliŋabuama, ki boandi ki dadi ki guliti yaaba n tadi. U Tienu solindi jagi bi yula po.

2 Pieri 2:3

Bi bangi-faadanba yeni ŋaliŋabuama po, baa teni ban yaa boandi yi leni bi bangifaama, ki baadi yi kani li baali. Bi buudi cuonu peli ki bili bi po hali yogunu, bi bolinma mo kan go waagi.

Mi Doagidima 2:14

Ama min jaligidi a yaa bonla po, tie ke a pia a kani yaaba n ŋua Balaam bangima, yua n den bangi Balaki ke o tulini Isidayeli yaaba, ke bi ŋmani ti padinandi ki go conbi.

Mi Doagidima 2:21

N den puni o u yogunu wan lebidi o yama, ama waa bua ki lebidi o yama o conconma po.

Mi Doagidima 21:8

Ama bi jawaandanba, yaaba n ki daani, ti cagindi danba, bi nikpaba, mi conconma buoli kuli danba, u ñoagubiadu danba, i buli danba leni yaaba n pua mi faama kuli, bikuli yekaanu baa yaa tie u mu leni li cidibili n co yaa kpenu nni. Lani n tie mi kuliema.»

Mi Doagidima 22:15

Ama i sangbanli, u ñoagubiadu danba, mi conconma buoli kuli danba, bi nikpaba, i buli danba, yaaba n bua mi faama ki go pua ma kuli, baa yaa ye niinpo.

Mi Doagidima 9:21

Baa den lebidi bi pala yaala n tie mi kukpama po, bi ñoagibiadi, bi conconma leni bi subu po.

1 Samueli 8:3

Ama baa den ŋua bi baa Samueli fuuli, bi den bua mi piama boncianla ki gaani a suuna, ki saagi a moamoancakpiga.