Efesa 4:30 - U TIENU MAAMA TILI 2013

³⁰ Yin da biidi mani U Tienu Fuoma Yua pali, wani yua n tie yi po mi maalima, ki doagidi ke yi daafaabima daali kpendi.

Gourmanchéma Bible

³⁰ Yin da biidi mani U Tienu Fuoma Yua pali, wani yua n tie yipo mi maalima ki doagidi ke yi *daafaabima daali kpendi.

Efesa 4:30 ပူးပေါင်းရင်းမြစ်များ

Mi cilima 6:3

Lanwani, o Diedo den yedi: «N Fuoma kan yaa ye o nilo niinni yaa yogunu kuli, kelima o nisaalo tie ti gbanandi bebe, o bina ji baa yaa tie kobiga n piilie.»

Mi cilima 6:6

O Diedo pali den biidi leni wan den tagi o nisaalo ki tinga nni, ke o mua ke o yàá bi tagi o.

Pisomi 78:40

Yogunu boncianla bi yen fiini o po Mi yiema mi fanpienma nni, Laa tinkuonga nni bi yen fii ki cidi o.

Pisomi 95:10

Laa nifiima den teni ke n yama Ñani bi niinni i binpiinaadi nni, Hali yaala ke n den yedi: «Bi naa niba yama bodi, Baa bani n sani.»

Esayi 43:24

Yii den taa yi ligi ki da n po Yaa tibidi n pia u nuulumanu. Yii go den teni ke n guo leni yi pada kpama, Ama yi kuani nni ti yonbidi nni Kelima yi tuonbiadi po, Ki coagini nni leni yi tagili.

Esayi 63:10

Ama bi den tua niyiekaaba, Ki biidi o Fuoma yaama n gagidi ki ŋani, Ke o den lebidi ki tua bi po yibali, Ki den tuogi leni ba bu toabu.

Esayi 7:13

Lanwani, Esayi den yedi: «Yinba Davidi puoliŋuani, cengi mani! Naani yin den coagini bi nisaaliba yeni, Laa dagidi yi ke yi go baa ki coagini n Tienu?

Esekieli 16:43

Nani ŋan ki go tiadi min den tie a po yaala a panma nni yeni, ki tieni yaala n fiini n pali yeni, lani yaa po, mini o Diedo U Tienu yedi ke n baa teni a bontienkaala kuli n guani ki baa a yuli po. Naani ŋaa den tieni cagindi buoli kuli ki pugini a conconma yeni po?

Ose Tili 13:14

Mini o Diedo, n baa faabi Laa niba bi tinkpiba yekaanu nni? Naani n baa faabidi laa niba mi kuuma nuu nni? Fini mi kuuma, a jatiadi ye le? Fini mi kuuma, waani a paalu yuu n bolindi yeni. N kan gbadi laa niba po ninñimiba kuli.

Marki 3:5

Jesu pali den biidi boncianla, kelima bi pajuaga po. O den diidi bikuli leni li pabienli, ki yedi o joa yeni: «Tandi a nuu!» O den tandi o nuu ke u paagi.

Luki 21:28

Laa bonla yaa cili ki tiendi, yin sedi mani ki yaadi yi yula, kelima yi faabima nagidi.»

Jan n diani U Tienu Laabaaliŋamo maama 3:33

Die yua n dugi o siedi po, saa i moamoani, ke U Tienu tie moamoandaano.

Jesu Tondiba Tuona 7:51

Yinba u tupaalu danba, yi tie nani a jifola yeni yi pala nni leni yi tuba po. Yi yiedi U Tienu Fuoma Yua po yogunu kuli nani yi yaajanba n den tiendi maama.

LOMA YAABA 8:11

Lanwani, U Tienu yua n den fiini Jesu bi tinkpiba siiga yaa Fuoma yaa ye yi pala nni, wani yua n den fiini Jesu Kilisiti bi tinkpiba siiga yeni, go baa pa yi gbanandi, yaadi n baa kpe, li miali, kelima o Fuoma yaama n ye yi niinni yaa po.

LOMA YAABA 8:23

Laa tie mi tagima bebe ka ye leni fala. Tinba yaaba n pia U Tienu paakpiabu, lani n tie o Fuoma, timoko duni ti pala nni, ki guu U Tienu n baa ti teni tin tua o bimoanmu cain yaa yogunu, ki faabi ti gbanandi.

1 Korenti 1:30

Ama yinba, U Tienu teni ke yi ye Jesu Kilisiti nni. O go teni ke Jesu tie ti po mi yanfuoma, mi teginma, mi gagidiŋanma leni mi daafaabima.

1 Korenti 15:54

Lanwani, yaa gbanandi n baa bedi yaa lebidi ki tua yaadi n kan bedi, ke yaa gbanandi n baa kpe mo lebidi ki tua yaadi n kan kpe, lanyogunu yaa maama n diani na baa tieni ki dudi: Bi paadi mi kuuma ki bolini ma cain.

1 Tesaloniki 5:19

Yin da gbindi U Tienu Fuoma Yua mu.

Hebilunba 10:29

Lanwani, yua n fali U Tienu Bijua, ki nua ke o ŋantaado yaa soama yaama den n ŋuudi ki ŋanbi o yeni tie fanma, ki go sugi li ŋanbili paabu Fuoma, naani o yaa cuonu ka baa yaa bia ki cie?

Hebilunba 3:10

Lani yaa po, n pali den beni Leni laa nifiima, ke n yedi: ‹Yogunu kuli bi yama bodi, Baa bani n sani.›

Hebilunba 3:17

O pali den be leni ŋmenbe hali bina piinaa? Laa tie yaaba n den tiendi ti tuonbiadi, ki kpe ke bi tinkpila baa ki yadi yadi mi fanpienma nni ka?

Bi Bujiaba 10:16

Lani, bi den ñani i buli bi siiga ki guani ki ŋoadi Li Miali Diedo. Ban den ye leni yaa fala den cuo o Diedo mi ninñima.