Efesa 4:2 - U TIENU MAAMA TILI 2013

² Yin yaa ye leni yiyaba leni li yumiinli, mi dingima leni li juunli. Juuni mani leni yiyaba leni mi buama.

Gourmanchéma Bible

² Yin yaa ye mani leni yiyaba leni li yumiinli leni mi dingima leni li juunli. Juuni mani leni yiyaba leni mi buama.

Efesa 4:2 ပူးပေါင်းရင်းမြစ်များ

Pisomi 138:6

Ba o Diedo yaa ye hali tanpoli o nua taliginba, Ki bandi bi japaadanba mo hali foagima.

Pisomi 45:4

O jakoando, taa a jugisiega Ki ñagini a ciaga, Yaala n tie a jigidi leni a kpiagidi.

Mi Kpanjama 16:19

Ki tua taliga ki yaa ye leni bi yumiindanba, Li cie ki taani ki boagidi ti fagidi leni bi japaadanba.

Mi Kpanjama 3:34

O ñuadi a ñuañuada, Ama o puuni li yumiinli danba o ŋanbili.

O Yanfuodaano 7:8

Li bonla juodima cie li cilima. A yaa juuni cie ŋan fiini a yuli.

Esayi 57:15

Yua n ye hali tanpolijoma, Wani yua n ye hali yaa yogunu kuli, Ke o yeli mo gagidi ki ŋani yedi: «N ye mi gagidiŋanma nni Leni yaa kaanu n kpedi ki cie I kaani kuli nni. Ama n go ye leni ban mabindi yua Leni yua n ye leni li pabiidili. Yeni n baa fidi ki baagi yaaba N ye li pabiidili nni, Ki go faabi yaaba n laadi fala bi pala nni.

Sofoni 2:3

Yinba, ki tinga yumiindanba kuli, Lingi mani o Diedo, Yinba yaaba n tuo ki baa yaa ŋua O ñoamabonbilikaana! Yaa cuoni mani leni mi teginma, Yaa cuoni mani leni li yumiinli, Wani U Tienu nintuali. Li fidi ke yi baa ciadi, O Diedo pabienli daali.

Sakari 9:9

Mangi mani yi pala, Yinba Siyon dogu yaaba! Kpaani mani i pamandankpaani, Yinba Jerusalemi yaaba! Diidi mani, yi bado kpendi yi kani! O tiegi, ki paadi li bonla kuli mo! O dingi, ki jagi o ŋunbo! O jagi ŋunbiga, ŋunñua biga!

Mi Coadima 12:3

Musa den tie yaa nilo n pia li yumiinli hali boncianla, ki cie nisaalimiali kuli u tingbanu po.

Matie 11:29

La mani n naakpakpaadi-daagu, ki gaa n bangima, kelima n dingi ki pia li yumiinli, yeni yi baa baa mi fuodima yi naani po.

Marki 9:19

Jesu den guani ki yedi ba: «Yinba yaa niba n ki pia dandanli yeni, n baa yaa taa ki ye leni yi ki pundi u laa yogunu? N baa juuni leni yi ki pundi u laa yogunu yo? Cuani mani ki biga n kani na.» Bi den cuani ki biga o kani.

Jesu Tondiba Tuona 20:19

Yi bani ke n den tuuni o Diedo po leni li yumiinli leni ti nunsiidi, ki go laadi fala, kelima Jufinba n den lu yaa janbi ki bua ki cuo nni yaa po.

LOMA YAABA 15:1

Li pundi ke tinba yaaba n pa U Tienu sanŋoadima nni, n juuni leni yaaba n tadi lienni, ki yaa todi ba bi tadingu nni, ki da lingi yaala n mani tinba bebe yaa po.

1 Korenti 13:7

Mi buama tiendi sugili Li bonla kuli po. Mi buama pia li dandanli leni ti dugidi. Mi buama pia li juunli li bonla kuli po.

Galati 6:2

Yaa todi mani yiyaba leni yin tugi yaa tuga, yeni yi baa yaa tiendi Kilisiti bali maama n bili yaala.

Efesa 1:4

U Tienu den tuodi ki gandi ti Kilisiti nni, hali ke ŋanduna daa den tagi, ke tin yaa tie yaaba n gagidi ki ŋani, kaa pia tagiliba kuli o nintuali. O buama po,

Kolosi 1:11

Ti go miadi o ke wan pa yi u paalu li bonla kuli po, kelima o paalu yuu n pia ti kpiagidi yaa po, ke yin yaa pia li toli leni li juunli yogunu kuli.

1 Timote 6:11

Ama fini U Tienu nilo, ŋan sani ki ŋaa laa bonla, ki yaa ŋua mi teginma, U Tienu tuoma, li dandanli, mi buama, li juunli leni mi dingima.

2 Timote 2:25

Wan go yaa tie yua n tundi yaaba n yiedi o po leni mi dingima, ki yaa sugini U Tienu n pa ba ban lebidi bi pala, ki fidi ki bandi i moamoani.

Jaki 1:21

Lanwani, yin lu yaala n tie ti joagindi leni mi biadima kuli, ki yaa gaani U Tienu n buli yaa maama yi pala nni leni li yumiinli, kelima mi baa fidi ki faabi yi naani.

1 Pieri 3:15

Yin yaa jigindi mani Kilisiti yi pala nni, wani yua n tie o Diedo. Yin bogini mani ke yogunu kuli bi yaa buali yi yin pia yaa suginma, yin fidi ki doagidi ki waani ba.

1 Pieri 3:8

N tundijuodike n tie ne. Yikuli n yaa pia mani yantiayenli leni yiyaba, ki yaa gba yiyaba po mi ninñima, ki gbie leni mi buama yi kpiiba po, ki go yaa pia mi ninñingbadima leni li yumiinli yiyaba po.