Efesa 4:14 - U TIENU MAAMA TILI 2013

¹⁴ Lanwani, ti kan go yaa tie nani a biwaala yeni, ki lengidi kelima bi niba nunfanbiadibu leni bi boandi n kpendinni yaa bangima po.

Gourmanchéma Bible

¹⁴ Lanwani ti kan go yaa tie nani a biwaala yeni, ki lengidi kelima bi niba nunfanbiadibu leni bi boandi n kpendinni yaa bangima po.

Efesa 4:14 ပူးပေါင်းရင်းမြစ်များ

Pisomi 10:9

O wuo ŋasiili nni nani O yangbanlo n yen wuo Ki bua ki cuo maama yeni. O wuo ki bua ki ludi o ninñinnilo. O yen ludi o ninñinnilo, Ki teni wan baa o taali nni.

Pisomi 59:3

Faabi nni leni yaaba n tiendi Yaala n ki tiegi. Faabi nni leni yaaba n wuliti mi soama.

Esayi 28:9

Bi tua: «O bua ki bangi ŋme yo mi bangima? O bua ki tundi ŋme yo? Naani li tie ban da babidi yaa bila li biile? Bi ban kaa go ŋaandi yaa bila?

Mise 7:2

Bi niteginkaaba kuli bodi mi diema nni, Ba niteginkayendo ki go ye bi niba siiga. Bikuli lingi ki bua ki wuli mi soama. Yuakuli dia o kpiilo ku diagu ki bua ki cuo o.

Matie 11:7

Jesu den maadi ku niligu Jan maama ki yedi: «Yi den gedi mi fanpienma po ki baa n le be? Yua n tie nani u faalu n liebi yaa ñinmuagu bi?

Matie 24:11

Bi saawalipua-faadanba baa fii boncianla, ki boandi bi niba boncianla.

Matie 24:24

A tuonanda yaaba n yedi ke bi tie U Tienu n gandi yaaba leni bi saawalipua-faadanba baa fii ki yaa tiendi i sinankeenciami leni li bonlidinkaala, hali ke bi yaa bi baa fidi, bi baa boandi ba U Tienu n gandi yaaba moko.

Jesu Tondiba Tuona 23:21

Ŋan da tuo bi miabu, kelima yaa niba n cie piinaa wuoni ki bua ki bibi o. Bi poli ke jiema bi bonñokaala kan kua bi ñoana nni, kali bi kpani o. Bi bogini ki ji guu ŋan tuo bi po bi miabu bebe.»

1 Korenti 12:2

Yi bani ke yin kaa den daani yaa yogunu, yi den tuodi ke bi dia ki caani yi i buli yii n ki maadi po.

1 Korenti 14:20

N kpiiba, da kpaagi mani nani a biwaala yeni. Li bonbiadila yaa po, yin yaa tie nani a canpanda yeni, ama yi kpaagili nni, yin yaa tie nikpela.

1 Korenti 3:19

Kelima ŋanduna na yaa yanfuoma tie yanluoma U Tienu po. Li diani yeni ki yedi: «O co bi yanfuodanba bi nunfanbu nni.»

2 Korenti 2:17

Tii tie nani bi niba boncianla, yaaba n lebidi U Tienu maama, ke man tua baali bi po. Ama tinba, ti maadi U Tienu po leni li payenli, wani U Tienu nintuali, Kilisiti nni.

2 Korenti 4:2

Ti yie yaala n pia i fe ki tiendi ŋasiili nni kuli. Tii tiendi liba leni nunfanbiadibu. Tii lu ki lebidi U Tienu Maama baa waamu. Ama ti doagidi i moamoani, ki tendi ke bi niba kuli pala siedi dua ti po U Tienu nintuali.

Galati 3:1

Yinba Galati yaaba, bi yanluodanba, ŋme ŋmiagi yi yama? Yinba yaaba n den gbadi Jesu maama hali ke li naani ke yi den laa ban den joani o li dapoanpoanli po maama leni yi nuni.

Efesa 6:11

Yin bobi mani U Tienu n puni yi yaa toatiadi kuli, ke yin fidi ki yaa se bonŋanla, ki yie ku tuotabigu yudaano nunfanbiadibu kuli po.

1 Timote 3:6

Wan da tie yua n daani ke li daa waagi, ke ti japaadi n da ti diedi o, wan ti baa Sutaani n den baa yaa cuonu nni.

2 Timote 1:15

A bani ke yaaba n ye Asi diema nni, lebidi ki ŋaa nni. Fijeli leni Elimojeni tie bi siiga yaaba.

2 Timote 3:13

Ama bi nibiadiba leni i boandi danba baa suagi liiga mi biadima nni, ki yaadi biba ki go yaa yaandi nitoaba.

2 Timote 4:3

U yogunu baa ti cua ke bi niba kan go tuo ki yaa ŋua mi bangiŋanma. Ama bi baa yaa bua yaala n mani bi po bebe, ki lingi bi bangikaaba ki pugidi, yaaba n baa bangi ba ban bua ki yaa gba yaala.

Hebilunba 13:9

Yin da tuo bangicanmiba kuli n cuo yi yama, kelima li ŋani li ŋanbile n yaa paagidi o nilo pali. Ama lan da tie mi jiema kuana mabilikaama ka. Yaaba n ŋua laa mabilikaama buolu kuli, naa baadi todimiba lipo.

Jaki 1:6

Ama wan mia leni li dandanli, ki da maliti o yaa baa baa bi o yaa kan baa. Yua n maliti ke daalinba o kan baa, tie nani mi ñincianma ñinguona, u faalu n lengidi ki pengi ya yeni.

Jaki 3:4

Yin go kpaagi ti ñinbiaciandi kani, ba ke ti yabi boncianla, ke ti tafaaciandi mo tudi ti, o ñinbiagobido gobidi ti leni yaa bonpegidikaala n wa, ki tendi ke ti caa wan bua naankani.

2 Pieri 2:18

Bi pia ti japaadi, ki maadi yaa macianma n ki pia mayuli. Bi boandi ki dia leni ti gbanandi bonbuakaala, yaaba n faabi leni bi niyaadikaaba yeginu, ke li daa waagi.

1 Jan 2:19

Kilisiti yiekaaba yeni ñani ti siiga, ama baa tie ti siiga yaaba, kelima bi yaa bi tie ti siiga yaaba, bi bi baa yaa ye leni ti. Ama ban ñani ti siiga yeni, doagidi ke bikuli naa tie ti yaaba.

1 Jan 2:26

N den diani yi po mi naa maama, kelima yaaba n bua ki yaani yi po.

1 Jan 4:1

N buakaaba, yin da dugi mani yaaba n yedi ke bi pia U Tienu Fuoma Yua kuli po. Ama yin biigi ba ki bandi bi yaa pia U Tienu n puuni yaa Fuoma, kelima bi saawalipua-faadanba boncianla yadi yadi ŋanduna nni.

Jude 1:12

Laa niba n go joagini yin taani leni yi kpiiba, ki di yaa jiema. Lankane bi yen di ki go ñu ke li pendi, kaa jie fe, ki nua bi yaa yula bebe. Bi tie nani u faalu n tudi yaa tawala n ki pia ñima yeni. Bi go tie nani li fali tiidi, yii n ki loni ba i yogunu, ama ki kpe ki kuodi cain, ke bi ŋabi yi yeni.

Mi Doagidima 19:20

O den cuo ki fuayanga, wani leni o saawalipua-faadaano, yua n den tiendi mi bancianma o nintuali, ki boandi yaaba n gaa ki fuayanga maalima, ki go gbaani ki kpiagi o nannanli. O den luni bani bonbilie kuli ku fantanbuogu nni ke bi fo, li cidibili n co naani.