Efesa 4:1 - U TIENU MAAMA TILI 2013

¹ Lani kuli yaa po, n tundi yi, mini yua n tie li kpaadili kelima n tie o Diedo yua. Moandi mani yi tagu n dagidi leni wan den yini yi yaala yaa po.

Gourmanchéma Bible

¹ Kelima lankuli yaa po n tundi yi, mini yua n tie li kpaadili kelima n tie o Diedo yua, ke yi tagu n dagidi leni wan den yini yi yaala yaa po.

Efesa 4:1 ပူးပေါင်းရင်းမြစ်များ

Mi cilima 17:1

Abalama n den pia piiyia n binayia yaa yogunu, o Diedo den doagidi o kani ki yedi o: «N tie U Tienu U Paaciamu Daano. Ŋan yaa cuoni n nintuali leni li papienli.

Mi cilima 5:24

Enoki den cuoni leni U Tienu, li yaa puoli, waa go den ye, kelima U Tienu den taa o.

Jeremi 38:20

Jeremi den guani ki yedi o: «Bi kan ŋaa ŋa leni ba. A yaa cengi o Diedo n puogi nni min yedi a yaa maama yeni, a baa sua ke li ŋani a po. A baa faabi a miali.

Jesu Tondiba Tuona 9:31

Lani, Kilisiti Nitaanli den ye leni mi yanduanma Jude, Galile leni Samari diema nni kuli. Kilisiti Nitaanli yeni den fandi ki pugidi o Diedo sanŋoadima nni, ki go fangi o boncianla. U Tienu Fuoma Yua den paagidi li niba pala, ke bi coali pugidi.

LOMA YAABA 11:29

U Tienu yiinu leni o paabu naa pia lebidima.

LOMA YAABA 12:1

Lani yaa po, n kpiiba, n mia yi ki go tundi yi, kelima U Tienu ninñingbadima po, ke yin pa U Tienu yi yula nani yaa padili n fo, yaali n gagidi ki ŋani ki mani o po. Lani n tie lan pundi, yin yaa kpiagidi o maama.

1 Korenti 4:16

Lanwani, n mia yi, ki tundi yi, yin yaa ŋua n yaa fuuli.

2 Korenti 10:1

Mini Poli n tundi yi, kelima Kilisiti yumiinli leni o dingima po, mini yua n dingi yi siiga, ama n yaa foagi leni yi n tie nipaalo yi po.

2 Korenti 5:20

Lanwani, ti tie Kilisiti badibaanba. Li tie nani U Tienu oba n maadi ti ñoana nni ki tundi yi. Ti miadi yi Kilisiti yeli nni: «Guani ki mangi mani leni U Tienu.»

2 Korenti 6:1

Lanwani, nani tin taa ki tuuni leni U Tienu yeni, ti tundi yi ke yin da fali yin den baa U Tienu ŋanbili paabu yaabu.

Galati 4:12

N kpiiba, n mia yi ke yin tua nani mini n tie maama yeni, kelima nmoko tie nani yinba n tie maama yeni. Yii tudi n po ba waamu.

Efesa 2:10

Ti tie U Tienu nuu tuonli. O tagi ti Jesu Kilisiti nni, ke tin yaa tuuni a tuonŋama, wan den tuodi ki jagi ke tin yaa tuuni ya.

Efesa 3:1

Lanwani, mini Poli yua n tie Jesu Kilisiti kpaadili, jaandi yinba bi nilanba po.

Efesa 4:17

Lanwani, min yedi yaala leni min kadi ki waani yi yaala, o Diedo yeli nni tie line: Yi tagi n da naani leni bi nilanba yaa tagi, bani yaaba n ŋua bi yantiana ya n tie fanma fanma.

Efesa 4:4

Gbananyendi n ye, mi Fuoma moko tie yenma, suginyenma mo n ye, U Tienu n den yini yi yaama yaa po.

Efesa 5:2

Yin yaa ye leni yiyaba leni mi buama, nani Kilisiti n den bua ti maama, ki puni o yuli U Tienu, ki tua yaa paabu leni yaa padili yaa nuulu n mani.

Filipi 1:27

Lanwani, bonyenla n tugi li yuli, lani n tie ke yi tagi n yaa da leni Kilisiti yaa Laabaaliŋamo. N yaa fidi ki cua yi kani ki laa yi leni n yàá fidi ki cua, min yaa gba ke yi se bonŋanla ki pia yantiayenli, ki moa o Laabaaliŋamo n cuani yaa dandanli yaa muali.

Filipi 3:14

Yeni, n tiini ki cuubi n nuama juodima, ki baa baa laa panpaani. Lani n tie U Tienu n yini nni, min baa yaa panpaani tanpoli po Jesu Kilisiti nni.

Kolosi 1:10

Yeni, yi tagu n yaa tie nani lan dagidi o Diedo po maama, ke yin yaa tiendi yaala n mani o po yogunu kuli. Yin yaa tuuni a tuonŋama buoli kuli, ki kpedi ki suagi liiga U Tienu bandima nni.

Kolosi 2:6

Yin den tuo Jesu Kilisiti o Diedo yeni, yin yaa tuugi mani leni o yi yema kuli nni,

Kolosi 4:12

Epafrasi yua n tie yi siiga yua, ki go tie Jesu Kilisiti naacemo moko fuondi yi. O moa yi po yogunu kuli o jaandi nni, ki miadi yi po, ke yin yaa tie yaaba n dagidi cain, ki bani U Tienu n bua yaala, ki yaa se ke li pa U Tienu sanŋoadima nni.

1 Tesaloniki 2:12

Ti den tundi yi, ki paagidi yi pala, ki go tigini yi ke yin yaa cuoni maama n dagidi U Tienu po, wani yua n yini yi ke yin yaa taa leni o o diema nni leni o kpiagidi nni kuli.

2 Tesaloniki 1:11

Li tie lani yaa po ke ti miadi U Tienu yi po yogunu kuli, ke wan teni yin dagidi wan yini yi yaala yaa po. Ti go miadi o ke wan teni yin yaa tiendi wan jagi yin tieni yaa ŋanma kuli leni li dandanli tuonli, kelima o paalu po.

2 Timote 1:9

O den faabi ti ki yini ti yaa yiinu n gagidi ki ŋani. Waa den tieni yeni kelima ti tuonŋama po ka, li tie o yanjagili leni o ŋanbili po, wan den tieni ti po yaala Jesu Kilisiti nni, hali ke ŋanduna daa tagi.

Titi 2:10

ki da su liba. Ban doagidi ke bi tie nidugikaaba, ke ban teni bi niba n yaa jigindi U Tienu ti Candaano bangima.

Hebilunba 13:21

Wani U Tienu n teni yin fidi ki yaa tiendi yaala n ŋani, ki go ŋua o yanbuama kuli. Wan teni Jesu Kilisiti n yaa tuuni ti niinni yaala n mani o po kuli. Wani Kilisiti n yaa baadi ti kpiagidi hali yaa yogunu kuli. Amina!

Hebilunba 3:1

Lani yaa po, n kpiiba, bi nigagidiŋanba, yinba U Tienu n yini yaaba yin kpaagi mani Jesu po, wani yua n tie o Tondo leni tin tiendi siedi yaa dandanli po, yaa kopadicianba bado.

1 Pieri 2:11

N buakaaba, n mia ki go tundi yi, yinba yaaba n tie canba leni sancenba ŋanduna nni, ke yin yaa yiedi ki da tiendi yi gbanandi bonbuakaala, yaala n tiendi bu toabu leni yi yantiana.

1 Pieri 3:9

Yin da guani oba kuli o biadima, ki da sugi ki guani oba. Ama yin gaali, kelima U Tienu den yini yi lani yaa po, ke yimo n baa o kani li seli.

1 Pieri 5:10

U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa tuo ki laa fala u yogunu waamu po. Wani o ba n baa ŋanbi yi cain, ki teni yin yaa se bonŋanla, ki paagi yi pala, ke liba kuli kan fidi ki lengi yi.

2 Pieri 1:3

U Tienu paalu po, o den puni ti li bonla kuli yaala n baa todi ti li miali nni leni U Tienu tuoma nni, ki teni ke ti bandi wani yua n den yini ti, o kpiagidi leni o ŋanbili po.

2 Jan 1:5

Lanwani moala, Cannaa, min mia ŋa yaala tie line: Tin yaa bua tiyaba. Min diani a po yaama yeni naa tie bali mapanma ka, ama li tie tin den pia yaama hali mi cilima.