Efesa 3:9 - U TIENU MAAMA TILI 2013

⁹ O go teni ke n doagidi bi niba kuli po laa bondoaginkaala n baa tieni maama. U Tienu yua n tagi li bonla kuli wuoni o bondoaginkaala yeni, hali yaa yogini n kpeli.

Gourmanchéma Bible

⁹ O go teni ke n doagidi bi niba kuli po laa bondoaginkaala n baa tieni maama. U Tienu yua n tagi li bonla kuli wuoni o bondoaginkaala yeni hali yaa yogini n kpeli,

Efesa 3:9 ပူးပေါင်းရင်းမြစ်များ

Pisomi 33:6

O Diedo maama n tagi tanpoli. O li maadi bebe yo ke a ŋmabila moko tieni.

Esayi 44:24

O Diedo yua n daa ki faabi yi, Wani yua n den tagi yi hali ke Yi da ye yi naa tugu nni, Yedi yaa maama n tie ne: «Mini Li Miali Diedo n tagi yaala n ye kuli, Mini bebe n dadi ki tandi ti tawadi, Mini n ba n tagi ki tinga.

Matie 10:27

Min yedi yi yaala li biigili nni, waani li mani u yensiinu. Ban soabidi yaama yi tuba nni, kpaani ma mani a diena po.

Matie 13:35

O den tieni yeni ke o saawalipualo n den maadi yaa maama na n tieni: «N baa yaa maadi leni ba mi kpanjama nni, Ki doagidi yaa bonla n bi wuo hali ŋanduna tagima yogunu.»

Matie 25:34

Lani, o bado baa yedi yaaba n ye o jienu: ‹Cua mani na, yinba n Baa n seligi yaaba! Gaa mani wan den ŋanbi yi po yaa diema hali ŋanduna cilima!

Matie 28:19

Lanwani, gedi mani ki tieni i nibuoli kuli nni bi ŋoadikaaba, ki batisi ba Baa, Bijua leni U Tienu Fuoma Yua yeli nni, ki bangi ba ban yaa kubi min den yedi yi yaala kuli.

Luki 24:47

Bi baa cili Jerusalemi na ki yadi ki gedi i nibuoli kuli po, ki ban yaa wangi ke bi niba n lebidi bi pala, ki baa sugili bi tuonbiadi po.

Jan n diani U Tienu Laabaaliŋamo maama 10:30

Mini leni Baa tie yendo.»

Jan n diani U Tienu Laabaaliŋamo maama 5:17

Jesu den yedi ba: «N Baa baa ki tuuni hali moala, nmoko tuuni.»

Jan n diani U Tienu Laabaaliŋamo maama 5:19

Lanwani, Jesu den yedi ba: «N yedi yi i moamoani, Bijua kan fidi ki tieni liba kelima o yuceli paalu po. O tiendi wan laa ke Baa tiendi yaala bebe. Wani Baa n tiendi yaala kuli, Bijua moko baa yaa tiendi lane.

Jesu Tondiba Tuona 15:18

O Diedo, yua n tiendi wan jagi yaala Hali yogu yeni, n yedi yeni.› »

LOMA YAABA 11:25

N kpiiba, mii bua yaa bondoaginkaala n tie ne n yaa boani yi. Yin da nua yi yula ke yi tie yanfuodanba. Laa bondoaginkaala tie ke Isidayeli buolu siiga, bi tianba pala juagi hali bi nilanba n baa kua U Tienu tindima nni ki pundi ki dagidi cain.

1 Korenti 2:7

Ti wangi U Tienu yaa yanfuoma maame, yaama n duagi ki wuo bi nisaaliba po, U Tienu n den tuodi ki bili yaama ke man yaa tie ti po ti kpiagidi.

Efesa 1:4

U Tienu den tuodi ki gandi ti Kilisiti nni, hali ke ŋanduna daa den tagi, ke tin yaa tie yaaba n gagidi ki ŋani, kaa pia tagiliba kuli o nintuali. O buama po,

Efesa 3:2

Yi gbadi U Tienu n tieni n po yaa ŋanbili, ke min boagidi li leni yi.

Efesa 6:19

Yin yaa miadi o mani nmoko yaa po, ke min baa yaadi ki maadi yaa yogunu kuli, wan pa nni min baa maadi yaama, ke min doagidi ki waani o Laabaaliŋamo bondoaginkaala leni li papaali.

Kolosi 1:23

Li baa yaa tie yeni ke yin yaa se bonŋanla yaa tanpuuli n pa po, kelima yi dandanli po, ki naa lebidi ki ŋaa o Laabaaliŋamo suginma, yin den baa yaadi. Bi waani ŋanduna yaaba kuli o Laabaaliŋamo yeni, mini Poli mo n tua yua yaa naacemo.

Kolosi 1:26

Mani n tie yaa bondoaginkaala n den wuo hali yogu, yaa jamaani n pendi kuli po, ki doagidi moala o nigagidiŋanba po.

Kolosi 3:3

Yi kpe, ke yi miana mo wuo leni Kilisiti U Tienu kani.

Kolosi 4:3

Yin yaa jaandi o mani ti po, ke wan pa ti u sanu tin fidi ki yaa wangi o Laabaaliŋamo, ki doagidi o bondoaginkaala yaala n tie Kilisiti maama fuuli. Li tie laa maama po ke n ye ne li kpaadidieli nni.

2 Tesaloniki 2:13

Ti kpiiba, o Diedo buakaaba, li pundi tin yaa tuondi U Tienu yi po yogunu kuli. O den gandi yi hali mi cilima mi tindima po, kelima o Fuoma yaama n gagidi ki ŋanbidi po leni li dandanli i moamoani nni yaa po.

1 Timote 3:16

Oba kan nia ke U Tienu sanŋoadima bondoaginkaala ñua boncianla. Laa bondoaginkaala tie: O den doagidi o yuli ti gbanandi nni. U Tienu Fuoma den saa o po i moamoani, Malekinba den laa o, Bi den wangi o maama i nilanbuoli nni, Bi den daani o ŋanduna nni, O den guani ki doni ti kpiagidi kaanu kani.

2 Timote 1:9

O den faabi ti ki yini ti yaa yiinu n gagidi ki ŋani. Waa den tieni yeni kelima ti tuonŋama po ka, li tie o yanjagili leni o ŋanbili po, wan den tieni ti po yaala Jesu Kilisiti nni, hali ke ŋanduna daa tagi.

2 Timote 4:17

Wani o Diedo den todi nni ki puni nni u fidu ke n fidi ki waani o Laabaaliŋamo kuli cain, ke bi nilanba kuli n gbadi. O den gaa nni o yangbanlo ñoabu nni.

Titi 1:2

Lani n tie ban baa yaa dugidi n baa pa ya miali n kan gbeni, U Tienu yua n kan pua faama n den niani yaa miali, hali ke ŋanduna daa ye.

1 Pieri 1:20

U Tienu den tuodi ki gandi wani Kilisiti lani kuli po, hali ke ŋanduna daa tagi, ki doagidi o ŋanduna juodima yogunu yinba yaa po.

Mi Doagidima 13:8

Ki tinga nni yaaba kuli baa gbaani ki kpiagi ki fuayanga, bani yaaba yaa yela n kaa diani ki pebiga miali tili nni, lani n tie ban den kodi yaaga hali ke ŋanduna daa tagi.

Mi Doagidima 14:6

N go den laa malekitoa ke o yugi tanpoli mi fawaama nni. O den kubi yaa laabaaliŋamo n ye hali yaa yogunu kuli, ki baa yaa wangi ki tinga yaaba kuli, mi diema, i mabuoli leni i nibuoli yaaba kuli.

Mi Doagidima 17:8

Ŋan laa yaa fuayanga yeni den kpa ye, waa go ye moala. O baa do ki ña u kulu nni, ki gedi mi bodima nni. Ki tinga nni yaaba siiga, yaaba yaa yela n kaa diani li miali tili nni hali ŋanduna tagima yogunu, bi yaa laa ki fuayanga yua n den kpa ye, kaa go ye moala, ki go baa cua ki yaa ye yeni, li baa paki ba.

Mi Doagidima 4:11

«Ti Diedo, ti Tienu, A pundi ki yaa baadi ti kpiagidi Leni ti jigidi leni u paalu, Kelima fini n tagi li bonla kuli, A yanbuama po mo ke likuli tagi, Ki go baa ye.»