Efesa 3:8 - U TIENU MAAMA TILI 2013

⁸ Mini yua n tie puoli yua U Tienu nigagidiŋanba kuli siiga, n den baa laa ŋanbili, ki baa yaa wangi bi nilanba o Laabaaliŋamo, yua n doagidi Kilisiti n pia yaa ŋalimano n yabi hali ke li kandi maama.

Gourmanchéma Bible

⁸ Mini yua n tie puoli yua U Tienu nigagidiŋanba kuli siiga, n den baa laa ŋanbili ki baa wangi bi nilanba o Laabaaliŋamo, yua n doagidi Kilisiti n pia yaa ŋalimani n yaba hali ke li kandi maama.

Efesa 3:8 ပူးပေါင်းရင်းမြစ်များ

1 Bi Badiba Jama 17:16

Lanwani, o bado Davidi den gedi ki ban sedi o Diedo nintuali ki yedi: «O Diedo n Tienu, n tie ŋme? N diegu yaaba tie ŋmenba ke a teni ke n tua min tie yua ne?

Pisomi 31:19

Teni yaa ñoana n pua mi faama Yeni kuli n muu. Ŋani ya n maadi leni ti japaadi Ki sugidi o niteginka ki go fali o yeni.

Luki 14:22

Lan yeni waamu, o naacemo den guani ki yedi o: ‹Canbaa, n tieni ŋan bi puogi nni yaala, ama u kaanu go sieni.›

Jan n diani U Tienu Laabaaliŋamo maama 1:16

Tikuli baa o ŋanbili ŋalimano, ki baadi la ki pugidi pugidi.

Jesu Tondiba Tuona 5:41

Jesu tondiba n den ñani bi cancantieba taanli kani, bi den mangi bi pala leni U Tienu n sua ke li pundi ban le i fe o Diedo yeli po.

Jesu Tondiba Tuona 9:15

Ama o Diedo den guani ki yedi o: «Gedi, kelima n gandi laa joa, ke wan yaa tuuni n po ki gedini n yeli i nilanbuoli, ŋanduna badicianba leni Isidayeli yaaba kuli po.

LOMA YAABA 11:33

U Tienu ŋalimano yabi, o banma leni o yanfuoma yabi ki ñua ki pendi bi nisaaliba bancianma kuli. O jaga pendi bi nisaaliba n fidi ki kpaagi yaala. Baa fidi ki bandi yaala yaa po, ke o tieni wan tiendi yaala.

LOMA YAABA 12:10

Yin yaa bua yiyaba nani yaaba n kpi yeni, ki yaa jigindi yiyaba.

LOMA YAABA 2:4

Bi a fali o ŋanbicianli, o yansoangima leni o juunli, ki naa faami ke U Tienu tieni a po li ŋanbili, ki bua ki gobidi a, ŋan tuo ki lebidi a yama yo?

1 Korenti 1:30

Ama yinba, U Tienu teni ke yi ye Jesu Kilisiti nni. O go teni ke Jesu tie ti po mi yanfuoma, mi teginma, mi gagidiŋanma leni mi daafaabima.

1 Korenti 15:9

Moamoani, n tie Jesu tondiba kuli siiga puoli yua, mii pundi ban yini nni Jesu tondo moko, kelima n den wangi U Tienu Nitaanli fala.

1 Korenti 2:9

Nani lan diani ki yedi maama: «Nunbu n daa laa yaala, Tubili n daa gbadi yaala, O nisaalo n daa kpaagi yaala mo, U Tienu tuodi ki ŋanbi lani kuli Yaaba n bua o po.»

Galati 1:16

Wan den sua ke li dagidi o po, o den doagidi n po o Bijua, ke min yaa wangi o Laabaaliŋamo bi nilanba siiga. Lanyogunu mii den kpa gedi ki buni niloba kuli.

Galati 2:8

Moamoani, U Tienu yua n den teni ke Pieli tua o tondo ki gedini o Laabaaliŋamo Jufinba po den teni ke nmo tua o tondo ki gedini o Laabaaliŋamo bi nilanba po.

Efesa 2:7

O den tieni lani kuli ki baa doagidi o ŋanbili n yabi kaa pia bianu maama, hali yaa yogini n baa ti cua, kelima o ŋanma ti po Jesu Kilisiti nni.

Efesa 3:1

Lanwani, mini Poli yua n tie Jesu Kilisiti kpaadili, jaandi yinba bi nilanba po.

Efesa 3:16

N miadi wani U Tienu, wan pa yi nani o kpiagidi ŋalimano n yabi maama, ke o Fuoma n yaa tuuni yi niinni leni u paalu, ki teni yin yaa pa hali yi pala tugu nni,

Efesa 3:19

ke yin bandi laa buama, yaama n yabi ki pendi tin baa fidi ki bandi yaala, hali ke U Tienu yedagidikaama n gbie yi pala nni.

Efesa 3:2

Yi gbadi U Tienu n tieni n po yaa ŋanbili, ke min boagidi li leni yi.

Filipi 2:3

Yin da tieni liba kuli leni mi paadima yantiali, yaa ka yaa kpiagidi n tie fanma fanma po. Ama li yumiinli n teni yin yaa nua yi lieba ke bi cie yi.

Filipi 4:19

N Tienu baa pa yi yin luo yaala kuli, nani o ŋalimano kpiagidi n tie maama Jesu Kilisiti nni.

Kolosi 1:27

O bua ki teni o nigagidiŋanba n yaa bani o bondoaginkaala, yaala n tie ŋalimani, ki pia ti kpiagidi, ki ye i nibuoli kuli po. Laa bondoaginkaala tie line, Kilisiti ye yi niinni, ki teni ke yi pia ti dugidi, ke yin taani ki baa U Tienu kpiagidi.

1 Timote 1:13

mini yua n den kpa sugidi o, ki wangi o fala, ki tiendi o yaala n bia. O den gbadi n po mi ninñima, kelima n den tiendi yeni n yanpiima leni n dandanluoma po.

1 Timote 1:15

Yaa maama n tie ne tie mi madugikaama, ki pundi bi niba n gaa ma cain, ke Jesu Kilisiti den cua ŋanduna nni ki baa tindi ti tuonbiadi danba. Bi siiga nni mini n cie.

1 Timote 2:7

Li tie lani yaa po ke U Tienu den puogi nni ke min yaa tie mawangika leni tondo, ki bangi bi nilanba li dandanli leni i moamoani nni. N maadi i moamoani, mii pua faama.

2 Timote 1:11

U Tienu den puogi nni ke min tua laa Laabaaliŋamo wangika, o tondo leni o bangika.

Mi Doagidima 3:18

Lani yaa po, n tundi a ke ŋan da n kani ban ŋanbi yaa wula u maafanu nni, ki tua piado, ki go da n kani ti tiapiendi ki yaa yie ban da go le a mubima fe, ki go da n kani u nunñoagu ki duo a nuni ki yaa nua.