Efesa 3:7 - U TIENU MAAMA TILI 2013

⁷ U Tienu den ŋanbi n po, ki puni nni ke n tua o Laabaaliŋamo naacemo, kelima o paalu po.

Gourmanchéma Bible

⁷ U Tienu den ŋanbi npo ki puni nni ke n tua o Laabaaliŋamo naacemo kelima o paaciamu po.

Efesa 3:7 ပူးပေါင်းရင်းမြစ်များ

Esayi 43:13

N li bi tie wane hali ke puu kuli daa cili, Oba mo kan fidi ki gaa min muubi Yaala n nuu nni. N yaa tieni, ŋme n baa fidi ki yie n po?»

Jesu Tondiba Tuona 9:15

Ama o Diedo den guani ki yedi o: «Gedi, kelima n gandi laa joa, ke wan yaa tuuni n po ki gedini n yeli i nilanbuoli, ŋanduna badicianba leni Isidayeli yaaba kuli po.

LOMA YAABA 1:5

O yaa po yo, ke ti den baa li ŋanbili ki tua o tondiba, ke tin yaa gobidi i nibuoli kuli, ban daani o ki tuo o maama.

LOMA YAABA 12:3

Min baa yaa ŋanbili paabu po, n yedi yikuli yendo yendo, yin da nua yi yula ke yi cie yin tie maama. Yin yaa pia li yumiinli, ki cuo ki dagini nani U Tienu n biigi ki puni yuakuli li dandanli yaa banlu.

LOMA YAABA 15:16

ki teni ke n tua Jesu Kilisiti naacemo bi nilanba siiga. N tuuni yaa tuonli n gagidi ki wangi ba U Tienu Laabaaliŋamo. Lani n tie ke bani bi nilanba n tua nani U Tienu n baa tuo yaa padili ke li mani o, U Tienu Fuoma Yua n gagidi yaali wani U Tienu po.

1 Korenti 15:10

U Tienu ŋanbili po yo, ke n tua min tie yua na. O ŋanbili n po naa tua fanma, li teni ke n soani ki cie Jesu tondiba kuli. Laa tie mini n ba ka soani yeni, ama U Tienu ŋanbili n tuuni leni nni.

1 Korenti 3:5

yii ŋua li nisaali-yantiali ka? Apolosi tie ŋme? Poli tie ŋme? Ti tie o Diedo naacenba bebe, yaaba n den cuani yi po o Laabaaliŋamo, ke yi daani nani o Diedo n puogi yuakuli maama.

2 Korenti 3:6

Wani n teni ke ti dagidi ki tua o Ŋantaadipaano tuonsoanba ke laa ŋua leni ban den diani yaa bali maama, ama ke li ŋua leni U Tienu Fuoma. Ban den diani yaa bali maama kpendinni mi kuuma, ama mi Fuoma puuni li miali.

2 Korenti 4:1

Nani U Tienu n gbadi ti ninñima, ki puogi ti li naa tuonli yeni, ti kan luo papaali.

Galati 2:8

Moamoani, U Tienu yua n den teni ke Pieli tua o tondo ki gedini o Laabaaliŋamo Jufinba po den teni ke nmo tua o tondo ki gedini o Laabaaliŋamo bi nilanba po.

Efesa 1:19

N go miadi o ke yin bandi, o paalu yuu n tuuni tinba yaaba n dugi o po yaa niinni n yabi hali ke li kandi maama.

Efesa 3:2

Yi gbadi U Tienu n tieni n po yaa ŋanbili, ke min boagidi li leni yi.

Efesa 3:20

U Tienu yua n fidi ki tiendi yaala n yabi ki pendi tin mia o yaala leni tin tia yaala kuli hali ke li kandi, kelima o paalu yuu n tuuni ti niinni yaa po,

Efesa 3:8

Mini yua n tie puoli yua U Tienu nigagidiŋanba kuli siiga, n den baa laa ŋanbili, ki baa yaa wangi bi nilanba o Laabaaliŋamo, yua n doagidi Kilisiti n pia yaa ŋalimano n yabi hali ke li kandi maama.

Efesa 4:16

Li tie wani leni o yaa todima po yo, ke ti gbanandi kuli taani ki tuugi yenma, kelima ti gbanandi tuga kuli ya n kubi ti, ke ti pa bonŋanla po. Yeni yaa po ti kpedi kelima gbananbuolu kuli tuuni u tuonli nani lan pundi maama, ki ŋanbidi tiba mi buama nni.

Kolosi 1:29

Li tie lani yaa po ke n tuuni, ki moa li muali leni o yaa fidu, yuu n tuuni n niinni leni u paalu.

1 Tesaloniki 2:13

Li tie lani yaa po ke yogunu kuli ti go tuondi U Tienu kelima yin den gaa tin den wangi yi U Tienu maama yaama. Yii den gaa ma nani mi tie bi nisaaliba maama ka. Ama yi den gaa ma nani man tie maama i moamoani. Lani n tie U Tienu maama yaama n tuuni yinba yaaba n tuo ki daani siiga.

Hebilunba 13:21

Wani U Tienu n teni yin fidi ki yaa tiendi yaala n ŋani, ki go ŋua o yanbuama kuli. Wan teni Jesu Kilisiti n yaa tuuni ti niinni yaala n mani o po kuli. Wani Kilisiti n yaa baadi ti kpiagidi hali yaa yogunu kuli. Amina!