Efesa 2:4 - U TIENU MAAMA TILI 2013

⁴ Ama U Tienu ninñingbadima yabi, o bua ti hali boncianla.

Gourmanchéma Bible

⁴ Ama U Tienu niñingbadima yaba, o bua ti hali boncianla.

Efesa 2:4 ပူးပေါင်းရင်းမြစ်များ

Nehemi 9:17

Bi den yie baa tuo ma, Ki sundi ŋan den tieni bi po yaa ŋanma. Bi den juagi bi tuli. Bi yiema nni, bi den gandi o yudaano, Ki baa guani ban den ye ti yonbidi nni naanpo. Ama fini, a tie yaa Tienu n puuni sugili, Ki juogidi ki gba mi ninñima, Ke a pali ki be tontoni, ki pia li ŋanbili mo. Lani yaa po, ŋaa den ŋaa ba,

Pisomi 145:8

O Diedo tiendi mi ŋanma, Ki go gba mi ninñima. O pali ki be tontoni, Ama o ŋanbili yabi hali boncianla.

Pisomi 51:1

Bi yanyinba yudaano yani siiga yanbu. Davidi yanbu.

Pisomi 86:15

Ama fini, o Diedo, a tie Yaa Tienu n gba mi ninñima, Ki go pia ti bulicindi. A pali ki be tontoni, ki pia li ŋanbili, Ki go tie ti dugidi daano.

Pisomi 86:5

Fini o Diedo, a ŋani ki puuni sugili, Ki pia li ŋanbili yaaba n jaandi a kuli po.

Mi Ñama 33:19

O Diedo den guani ki yedi: «N baa teni n ŋanma kuli n tagini a nintuali. N baa taa mini Li Miali Diedo yeli a nintuali, kelima n gba mi ninñima min bua yua yaa po. N baa yaa dingidi n pali min bua ki yaa dingidi li yua yaa po.»

Esayi 63:7

N baa tiadi o Diedo ŋanbicianli po, O Diedo pagidi po Leni wan tieni ti po yaa ŋanma kuli po. N baa togidi o ŋanbicianli Isidayeli buolu po, Wan tieni bi po yaa ŋanma Ke li da leni o ninñingbadima Leni o bancianma leni o ŋanbili.

Jeremi 31:3

O Diedo den doagidi nni hali yogu ki yedi: ‹N bua yi yaa buama n ki pia gbenma. Lani n teni ke n baa kubi n ŋanma yi po.

Danieli 9:9

Ama fini ti Diedo ti Tienu, a gba ti po mi ninñima, ki tiendi ti po sugili, ba ke ti yie a bali maama.

Jonasi 4:2

ke o mia o Diedo, ki yedi: «O Diedo, hali min den ye n diema nni, min den li jie yaala ka ne. N den bani ke a tie yaa Tienu n juogidi, ki gba mi ninñima, ke a pali ki be tontoni, ki go tiendi mi ŋanma. A yen lebidi a yama ki cedi ŋan bi jagi ke a baa tieni o nilo yaala. Lani yaa po yo, ke n den tiini ki caa Tarsisi.

Luki 1:78

Ti Tienu yaa ninñingbadicianma po, O teni ke o yenma ñani tanpoli Ki yendi ti po nani u yienu n pudi maama yeni,

LOMA YAABA 10:12

Lanwani, mi gagidima ki ye Jufi leni yua n kaa tie Jufi siiga, bikuli taa Diediyendo, wani yua n seligidi yaaba n jaandi ki miadi o kuli boncianla.

LOMA YAABA 2:4

Bi a fali o ŋanbicianli, o yansoangima leni o juunli, ki naa faami ke U Tienu tieni a po li ŋanbili, ki bua ki gobidi a, ŋan tuo ki lebidi a yama yo?

LOMA YAABA 5:8

Ama U Tienu n tieni yaala ki doagidi o buama ti po, tie ke tin da den tie ti tuonbiadi danba yaa yogunu, Kilisiti den kpe ti po.

LOMA YAABA 9:23

U Tienu den tieni yeni ki baa doagidi o kpiagidi n yabi maama yaa niba n tie nani wan den gbadi yaa tiadi po mi ninñima yaa po wan den tuodi ki ŋanbi yaaba ke ban taani leni o o kpiagidi nni?

Efesa 1:7

Ti baa mi daafaabima o niinni kelima o soama po leni ti tuonbiadi sugili, nani o ŋanbili n yabi maama po.

Efesa 2:7

O den tieni lani kuli ki baa doagidi o ŋanbili n yabi kaa pia bianu maama, hali yaa yogini n baa ti cua, kelima o ŋanma ti po Jesu Kilisiti nni.

Efesa 3:8

Mini yua n tie puoli yua U Tienu nigagidiŋanba kuli siiga, n den baa laa ŋanbili, ki baa yaa wangi bi nilanba o Laabaaliŋamo, yua n doagidi Kilisiti n pia yaa ŋalimano n yabi hali ke li kandi maama.

2 Tesaloniki 2:13

Ti kpiiba, o Diedo buakaaba, li pundi tin yaa tuondi U Tienu yi po yogunu kuli. O den gandi yi hali mi cilima mi tindima po, kelima o Fuoma yaama n gagidi ki ŋanbidi po leni li dandanli i moamoani nni yaa po.

1 Timote 1:14

Ti Diedo den ŋanbi n po hali ke li kandi, ki puni nni yaa dandanli leni yaa buama n ñani Jesu Kilisiti kani.

2 Timote 1:9

O den faabi ti ki yini ti yaa yiinu n gagidi ki ŋani. Waa den tieni yeni kelima ti tuonŋama po ka, li tie o yanjagili leni o ŋanbili po, wan den tieni ti po yaala Jesu Kilisiti nni, hali ke ŋanduna daa tagi.

1 Pieri 1:3

U Tienu ti Diedo Jesu Kilisiti yaa Baa n baa ti pagidi! O ninñingbadicianma po teni ke ti pia li miapanli leni yaa suginma n fo kelima Jesu Kilisiti fiima bi tinkpiba siiga yaa po.