Efesa 2:16 - U TIENU MAAMA TILI 2013

¹⁶ O den tieni yeni ki baa teni ban mangi leni U Tienu, ki tua nibuoyendu, kelima li dapoanpoanli po, wan den bolini ti yibalindi naankani.

Gourmanchéma Bible

¹⁶ O den tieni yeni ki baa teni ban mangi leni U Tienu, ki tua nibuoliyendu kelima li *dapoanpoanli yaa po, wan den bolini ti yibalindi naankani.

Efesa 2:16 ပူးပေါင်းရင်းမြစ်များ

LOMA YAABA 5:10

Tin den tie U Tienu yibalinba yaa yogunu, o den teni ke ti mangi leni o, kelima o Bijua kuuma po. Lanwani, moala ke ti mangi leni o, laa pia kuli tama, ke ti baa faabi kelima o yaa miali po.

LOMA YAABA 6:6

Ti bani ke bi den joani ti tagikpelu leni Kilisiti li dapoanpoanli po ke u kpe. Ti gbanankpiadi, ti tuonbiadi n die yaadi, kan go fidi liba. Lani n tie tin da go ye ti tuonbiadi yonbidi nni.

LOMA YAABA 8:3

Li bali maama n kaa den fidi ki tieni yaala kelima ti gbanandi tadingu po, U Tienu tieni la. O den soani o Bijacele kelima ti tuonbiadi po, ke o taa yaa gbanandi n naani leni ti tuonbiadi n diedi yaa gbanandi. Wan den tieni yeni, o den buni ki cuo ti tuonbiadi ti gbanandi nni.

LOMA YAABA 8:7

Ti gbanandi n bua yaala tie U Tienu yibali, kelima laa tuo ki tiendi U Tienu bali maama n bili yaala. Li kan go fidi ki tieni la mo.

1 Korenti 10:17

Dupen tie yendo, tinba yaaba n yabi moko tie gbananyendi, kelima tikuli taani ki boagidi laa dupenyendo.

Galati 2:20

Lanwani, laa go tie mini yua n ye ki fo, li tie Kilisiti yua n ye ki fo n niinni. Min pia yaa miali n gbanandi nni moala, n pia li kelima n dugi wani U Tienu Bijua po, wani yua n den bua nni ki puni o yuli ki kpe n po.

Efesa 2:15

O den bolini li bali maama leni man den pia yaa kuana kuli, ki taa laa nibuoliedi ki tagi nibuopaanyendu wani o ba yaa niinni, ki tieni mi yanduanma.

Efesa 3:6

Laa bondoaginkaala tie line: O Laabaaliŋamo po, bi nilanba leni Jufinba taani ki dini faayenli, ki tua gbananyendi, ki baa U Tienu ñoaniani Jesu Kilisiti nni.

Efesa 4:4

Gbananyendi n ye, mi Fuoma moko tie yenma, suginyenma mo n ye, U Tienu n den yini yi yaama yaa po.

Kolosi 2:14

O den bolini yaa tili yaa diani n buni ki cuo ti, Ki doagidi tin den yie o mabilikaama maama, Ki kpaa ki tabini laa tili Li dapoanpoanli po, ki bolini li.

Kolosi 3:15

Kilisiti n den yini yi yaa yanduanma po, n yaa die yi pala, yin tua gbananyendi o yaa niinni.