Efesa 2:12 - U TIENU MAAMA TILI 2013

¹² Lanyogunu yi den foagi leni Kilisiti. Yii den pia liba Isidayeli buolu diema nni. Yi den tie canba U Tienu leni Isidayeli buolu ŋantaado nni, yaala n ŋua wan den niani ba yaa ñoanianu. Yi den ye ŋanduna nni, kaa pia suginmiba kuli, kaa pia ŋantaadi leni U Tienu.

Gourmanchéma Bible

¹² Laa yogunu yi den foagi leni Kilisiti. Yii den pia liba Isalele buolu yaaba diema nni. Yi den tie canba U Tienu n den pia yaa *ŋantaadi leni Isalele buolu yaaba, yaala n ŋua wan den niani ba yaa ñoanianu. Yi den ye ŋanduna na niinni kaa pia suginmaba kuli, kaa pia ŋantaado leni U Tienu.

Efesa 2:12 ပူးပေါင်းရင်းမြစ်များ

Mi cilima 15:18

Landaali denge ke o Diedo den poli ki niani Abalama ki yedi o: «N puni a yaabila mi naa diema, ki cili Ejipiti kpenu, ki gedi hali u kpenciamu, lani n tie Efrati.

2 Bi Badiba Jama 15:3

Li waagi boncianla ke Isidayeli yaaba naa den ŋua i moamoani Tienu, kaa pia yaa kopadiciamo n baa yaa bangi ba, kaa pia bali maama mo.

Esidirasi 4:3

Ama Sorobabeli, Josue leni Isidayeli yaaba diedanba yaaba n sieni den guani ki yedi ba: «Laa dagidi yin taani leni ti ki maa U Tienu diegu. Ti baa maa ku tinba tibebe, kelima ku baa yaa tie o Diedo Isidayeli Tienu diegu. Ba Persi diema bado Sirusi den bili yene.»

Mi Ñama 12:45

O caano leni o tuonsoanlo kan je laa jiema.

Esayi 14:1

O Diedo baa gbadi mi ninñima Jakob puoliŋuani po. O go baa guani ki gandi Isidayeli yaaba. O baa guani ki kaani ba bi tinga nni. Bi canba baa sani ki taani leni ba, Bikuli n taani ki tua yenma leni Jakob buolu.

Esayi 44:6

O Diedo Isidayeli bado, Wani Li Miali Diedo U Paaciamu Kuli Daano Yua n daa ki faabi ba, Yedi yaa maama n tie ne: «N tie o kpialo leni o juodika Mini yaa ka, toa ki ye.

Esayi 45:20

Yin taani ki cua mani ne, Taani ki nagini mani, Yinba i nibuoli siiga yaaba n cia. Yaaba n tugi bi bulo daagu yeni, Baa bani liba kuli. Bi miadi o bulo mi todima Yua n kan fidi ki gaa ba.

Esayi 61:5

Bi canba n baa cua ki yaa kpaa yi po yi yandi. Bi canba bijaba n baa yaa tie Yi kpakpaaba leni yi koaguudiba.

Jeremi 14:8

Fini yua n tie Isidayeli dugidi, A tie gaapo li paboanli daali. Li gaa lede ke a tie nani O canpendika yeni, mi diema nni? Li gaa lede ke a tie nani Yaa sancenlo n jadi ki duani, Ñiayengu bebe yeni?

Jeremi 17:13

O Diedo, fini Isidayeli suginma, Yaaba n ŋaa ŋa kuli baa le i fe. Yaaba n foagidi leni a kuli baa kpe, Kelima bi ŋaa o Diedo yua n tie Li miali ñinbunli.»

Esekieli 13:9

N nuu baa cuo yaa saawalipua-faadanba n baadi yaa bonlekaala n tie fanma, ki pua yaa saawalo n tie faama. Bi kan baa kaanu n niba taanli siiga. Bi yela mo kan diani, Isidayeli yaaba yela tili nni. Bi kan guani ki kua Isidayeli diema nni. Lani, yi baa bandi ke n tie Li Miali Diedo U Tienu.

Esekieli 37:26

N baa kuani leni ba mi yanduanma ŋantaado, yua n baa yaa ye yaa yogunu kuli po. N baa teni n kaangagidiŋamu n yaa ye bi siiga yaa yogunu kuli po, ki kaani ba ki go teni ban pili ki pugini.

Esekieli 47:22

Yi baa toa tiatia ki boagidi ma yinba leni yaa canba yaaba n ye yi siiga, ki mali yi siiga. Bi baa yaa tie Isidayeli yaaba siiga nani u dogu maabila yeni. Bani mo baa baa bi yaa faali mi diema nni Isidayeli buoli siiga.

Ose Tili 3:4

Yeni, Isidayeli yaaba baa waagi kaa pia bado, kaa pia yudanba, kaa pia pada, kaa pia butana, kaa pia bulo, kaa pia terafimi.

Mi Coadima 18:19

Lanwani, Isidayeli yaaba n baa ñani yaala, yaa paabu n gagidi o Diedo po yeni kuli, tie a yaa biinu yo. Lani n tie min puni a yaa biinu, fini, a bijaba leni a bisiaba. Li tie yaa mabilikaama n baa yaa ye yaa yogu n tuu yaa yogu kuli po. Li tie o Diedo nintuali, yaa ñoanianu n ki pia fidima, fini leni a puoliŋuani po yaa yogunu kuli.»

Luki 1:72

Yeni o gbadi ti yaajanba po mi ninñima, Ki tiadi o: ŋantaado yua n gagidi ki ŋani po,

Jan n diani U Tienu Laabaaliŋamo maama 10:16

N go pia yaa pe n kaa ye li naa yanloli nni. Li tie tiladi min cuani bani moko. Bimoko baa cengi n nialu. Lani, n pe kuli baa taani ki tua yangoyenli, ki yaa pia yankpaayendo.

Jan n diani U Tienu Laabaaliŋamo maama 15:5

Mini n tie bu duventibu ñiali, yinba mo n tie bu beni. Yua n ye n niinni, ke nmo ye o niinni, o baa luoni li bonluonkaala boncianla. N yàá ye leni yi, yi kan fidi ki tieni puu.

Jan n diani U Tienu Laabaaliŋamo maama 4:22

Yinba Samari yaaba, yii bani yin kpiagidi yaala, ama tinba Jufinba wani, ti kpiagidi tin bani yaala, kelima mi tindima baa ña Jufinba kane.

Jesu Tondiba Tuona 2:39

U Tienu ñoanianu yeni tie yinba leni yi bila yaa po, ki go tie yaaba n ye hali foagima yaa po, o Diedo ti Tienu n baa yini yaaba kuli.»

Jesu Tondiba Tuona 28:20

Lani yaa po yo ke n mia ki bua ki le yi, ki go maadi leni yi. Li tie Isidayeli yaaba dugi yaala po yo, ke bi loli nni i naa kuseseli.»

Jesu Tondiba Tuona 3:25

U Tienu n den teni ke o saawalipuaba maadi yaa maama yeni tie yinba yaa po yo. Wan go den kuani yaa ŋantaado leni ti yaajanba moko tie yinba yaa po. O ŋantaado yeni tie wan den kuani yua leni Abalahama ki yedi o: ‹Ŋanduna nibuoli kuli baa baa li seli kelima a puoliŋuani po.›

LOMA YAABA 9:8

Lani, n bua ki yedi ke laa tie yaaba n mali nani bi nisaaliba kuli n maa maama n baa yaa tie U Tienu bila. Ama yaaba n mali nani wani U Tienu ñoanianu n bili maama n tie o buolu moamoani.

Galati 4:8

Yaa yogunu n pendi, yin ki den bani U Tienu yaa yogunu, yi den ŋua tientoe yii n ki tie U Tienu yeni, ki go tie bi yonbi.

Efesa 2:19

Lanwani, yii go tie nilanba leni canba ka, yi ji tie tanpoli diema yaaba, ki taa buolu leni U Tienu nigagidiŋanba, ki tie U Tienu deni yaaba.

Efesa 4:18

Bi yama biigi. Bi tie canba U Tienu miali po, kelima bi yanboanma leni bi pajuagili yaa po.

Kolosi 1:21

Yinba yaaba n den tie bi canba leni U Tienu yibalinba kelima yi yantiabiada leni yi tuonbiada po,

Kolosi 1:27

O bua ki teni o nigagidiŋanba n yaa bani o bondoaginkaala, yaala n tie ŋalimani, ki pia ti kpiagidi, ki ye i nibuoli kuli po. Laa bondoaginkaala tie line, Kilisiti ye yi niinni, ki teni ke yi pia ti dugidi, ke yin taani ki baa U Tienu kpiagidi.

Kolosi 1:5

Yi baa la kelima U Tienu n bili yi po yaa suginma tanpoli po, i moamoani maama, yaama n tie o Laabaaliŋamo n den kpa cua yi kani, ki bangi yi yaama.

1 Tesaloniki 4:13

Ti kpiiba, tii bua lan yaa boani yi yaaba n kpe yaa maama po, ke yin da ye leni li paboanli bi po, nani yaaba n ki pia suginmiba yeni.

1 Tesaloniki 4:5

ki da tuo o gbanandi bonbuakaala n diedi o nani bi nilanba yaaba n kaa bani U Tienu n tiendi maama.

2 Tesaloniki 2:16

Ti Diedo Jesu Kilisiti wani o ba leni ti Baa U Tienu yua n den bua ti, ki puni ti kelima o ŋanbili po yaa baagi n ki pia gbenma leni yaa suginma n ŋani,

1 Timote 1:1

Mini Poli, yua n tie Jesu Kilisiti tondo, kelima U Tienu ti Candaano yaa ñoamabonli po leni Jesu Kilisiti yua n tie ti suginma yaa po.

Hebilunba 11:34

ki go gbindi yaa mu n co jama, ki sani ki faabi bi yula mu jugisiemu ñoana nni, ki paadi i yiani, ki tua jakoanda bu toabu nni, ki deli bi nilanba toagola.

Hebilunba 6:18

U Tienu den bili laa bonliedila, yaala n kan lebidi, wan kan pua faama yaala yaa po, ki bua ki yaa paagidi ti pala boncianla, tinba yaaba n sani ki baa o po, ki cuo wan bili ti po yaa dugidi ki muubi.

Hebilunba 8:6

Ama moala Kilisiti pia yaa tuonli n ŋani ki cie yeni, kelima o tie yaa ŋantaado n ŋani ki cie yaa candanbaalo. Laa ŋantaado se yaa ñoaniani n ŋani ki cie po.

1 Pieri 1:21

Li tie wani Kilisiti yaa po ke yi daani U Tienu wani yua n den fiini o bi tinkpiba siiga, ki puni o ti kpiagidi, ke yin yaa pia li dandanli leni ti dugidi wani U Tienu po.

1 Pieri 1:3

U Tienu ti Diedo Jesu Kilisiti yaa Baa n baa ti pagidi! O ninñingbadicianma po teni ke ti pia li miapanli leni yaa suginma n fo kelima Jesu Kilisiti fiima bi tinkpiba siiga yaa po.

1 Pieri 3:15

Yin yaa jigindi mani Kilisiti yi pala nni, wani yua n tie o Diedo. Yin bogini mani ke yogunu kuli bi yaa buali yi yin pia yaa suginma, yin fidi ki doagidi ki waani ba.

1 Jan 3:3

Yua n pia laa dugidi kuli baa yaa ŋanbidi o yuli, nani wani o Diedo n ŋani maama yeni.