Efesa 2:10 - U TIENU MAAMA TILI 2013

¹⁰ Ti tie U Tienu nuu tuonli. O tagi ti Jesu Kilisiti nni, ke tin yaa tuuni a tuonŋama, wan den tuodi ki jagi ke tin yaa tuuni ya.

Gourmanchéma Bible

¹⁰ Ti tie U Tienu nuu tuonli. O tagi ti Jesu Kilisiti nni ke tin yaa tuuni a tuonŋama, wan den tuodi ki jagi ke tin yaa tuuni yaa.

Efesa 2:10 ပူးပေါင်းရင်းမြစ်များ

Pisomi 100:3

Yin bandi ke Li Miali Diedo n tie U Tienu, Wani n tagi ti, ti tie o yaabe, Ti tie o yaa nibe, Ti tie o yankulu, Wani mo n tie ti yankpaalo.

Pisomi 119:3

Baa tieni kuli yaala n bia, Bi ŋua U Tienu n bua maame.

Pisomi 138:8

O Diedo baa tieni n po bonli kuli. O Diedo a buama ki pia gbenma, Lanwani, ŋan da lu a nuu n tagi yaala!

Pisomi 51:10

Teni min le li pamancianli. Teni ŋan mudi n kpaba ya yeni mo N le li pamankandikaali, ki jeli ki ciaga.

Pisomi 81:13

Lanwani, nmo den ŋaa ba Ke bi ŋoadi bi pajuaga n bua yaala, Bani mo den ŋoadi ban bua yaala.

Esayi 19:25

Li Miali Diedo U Paaciamu Kuli Daano n baa seligi ma, ki yedi: «Li seli n yaa ye leni n niba Ejipiti yaaba, Asiiri yaaba, yaaba n tie n tagima leni Isidayeli yaaba, min die yaaba.»

Esayi 29:23

Kelima yaa yogunu ke o bila Laa bi siiga nni n nii tuonli, Bi baa bandi min tie yua, Mini Jakob Tienu Yua n Gagidi ki ŋani, Ki yaa fangi mini Isidayeli Tienu.

Esayi 43:21

Min tagi ki go tieni yaa niba n yuli po yeni, Bi baa yaa kpaani ki pagi nni.»

Esayi 43:7

Mini leni yua n taa yeli kuli, Min n tagi yua ki go ŋanbi o n kpiagidi po yeni, guani o mani.»

Esayi 44:21

Yinba Jakob puoliŋuani Isidayeli yaaba, Tiadi mani yaa bonla n tie ne po, Kelima yi tie n naacenbe. Mini n tagi yi, ke yi tie n naacenba. Yinba Isidayeli yaaba, n kan sundi yi po.

Esayi 60:21

A niba kuli baa yaa tie niteginkaaba, Ki baa diedi mi diema hali yaa yogunu kuli. Bi tie min ŋuu yaa benkpeli yeni, Ki tie n nuu tuonli, Ki doagidi n kpiagidi.

Esayi 61:3

N baa lebidi Siyon yaaba paboanli maalima, Ki teni ba ti kpiagidi lan lebidi Mi fantanpienma kaanu. N baa teni li pamanli tulale n gaa Li paboanli kaanu, Ti kpiagidi tiayiekaadi mo n gaa Li pabiidili kaanu Ke ban yaa yi ba mi teginma ticiandi, O Diedo tiŋuuke, yii n baa doagidi o kpiagidi.

Jeremi 31:33

Mini o Diedo yedi: «Diidi min baa kuani yaa ŋantaado leni Isidayeli diema yaaba. Laa dana yaa pendi, n baa kuani n bali maama bi yantiana nni, ki diani ma bi pala nni. N baa yaa tie bi Tienu, bani mo baa yaa tie n niba.

Matie 5:16

Lani, yin cedi yi yenma n yendi bi niba kani, ke ban le yi tuonŋama ki kpiagi yi Baa yua n ye tanpoli po.

Jan n diani U Tienu Laabaaliŋamo maama 3:21

Ama yua n tiendi i moamoani n bili yaala kpendi mi yenma kani, ke lan doagidi ke wan tiendi yaala tie U Tienu n bili yaala.»

Jesu Tondiba Tuona 9:31

Lani, Kilisiti Nitaanli den ye leni mi yanduanma Jude, Galile leni Samari diema nni kuli. Kilisiti Nitaanli yeni den fandi ki pugidi o Diedo sanŋoadima nni, ki go fangi o boncianla. U Tienu Fuoma Yua den paagidi li niba pala, ke bi coali pugidi.

Jesu Tondiba Tuona 9:36

O pua den ye Jope dogu nni ke bi yi o Tabita, yaali n soagini ki yedi Dorkasi, lani n tie o piañoago. O den tiendi a tuonŋama, ki puuni a luoda mi todima boncianla.

LOMA YAABA 8:1

Lanwani, moala buudi cuonuba ki go ye yaaba n ye Jesu Kilisiti nni po.

LOMA YAABA 8:29

U Tienu n den tuodi ki bani yaaba, o go den tuodi ki gandi ba, ki baa teni ban tua nani o Bijua yeni. Wani o Bijua yeni mo n tua o bijakpelo o waamu yaaba n yabi boncianla siiga.

1 Korenti 3:9

Kelima ti taa ki tuuni leni U Tienu. Yinba n tie U Tienu kuanu. Yi go tie U Tienu diegu.

2 Korenti 5:17

O nilo yaa ye Kilisiti nni, o tie tagipanma, li bonkpelila pendi, li bonla kuli tua bonpanla.

2 Korenti 5:5

U Tienu den tagi ti laa lebidima po, ki puni ti o Fuoma ke mi tie nani i kpaaligi yeni.

2 Korenti 9:8

U Tienu baa fidi ki teni o ŋanbili n yaa wuli yi po li bonla kuli nni, ke yogunu kuli yin yaa pia ke li kandi, ki fidi ki soani tuonŋanli kuli,

Galati 6:15

Yaala n pia mayuli naa tie ki kua ku koanciagu, bi ki da kua ka. Lani kuli ki tie liba, kali ki yaa tie nipaano.

Efesa 1:1

Mini Poli, yua n tie Jesu Kilisiti tondo kelima U Tienu yanbuama po, n diani li tili ki fuondi yinba yaaba n tie bi nigagidiŋanba leni Jesu Kilisiti nidugikaaba, ki ye Efesi dogu nni.

Efesa 1:4

U Tienu den tuodi ki gandi ti Kilisiti nni, hali ke ŋanduna daa den tagi, ke tin yaa tie yaaba n gagidi ki ŋani, kaa pia tagiliba kuli o nintuali. O buama po,

Efesa 2:13

Ama moala Jesu Kilisiti nni, yinba yaaba n den kpa ye foagima yeni, yi nagini U Tienu kani kelima Kilisiti soama po.

Efesa 2:15

O den bolini li bali maama leni man den pia yaa kuana kuli, ki taa laa nibuoliedi ki tagi nibuopaanyendu wani o ba yaa niinni, ki tieni mi yanduanma.

Efesa 2:2

Lanyogunu yi den ŋua ŋanduna na yema sanbiadu leni mi fawaama nni paaciami bado, yua yaa yantiali n tuuni moala U Tienu yiekaaba pala nni.

Efesa 2:6

O taani ki fiini ti leni Kilisiti, ki duoni ki kaani ti leni o tanpoli diema nni, wani Jesu Kilisiti yaa niinni.

Efesa 4:1

Lani kuli yaa po, n tundi yi, mini yua n tie li kpaadili kelima n tie o Diedo yua. Moandi mani yi tagu n dagidi leni wan den yini yi yaala yaa po.

Efesa 4:24

Yin la mani u tagipaanu, yuu n tagi nani U Tienu n bua maama, ki ŋua i moamoani n kpendinni yaa teginma leni yaa gagidiŋanma.

Mi Tiadima 32:6

Naani yi tungi o Diedo yo yi tagili, Yinba yaa buolu n luo mi yama, kaa go pia yanfuoma yeni? Naani wani ka tie yi baa leni yi Tagido? Naani wani ka den tagi yi, ki den puni yi u fidu?

Mi Tiadima 5:33

Yi baa ŋoadi o Diedo yi Tienu n bili yi po yaa sanu, ki baa ki yaa ye ki pia li pamanli, yi miana mo n foagidi yin baa kua ki diedi yaa diema yeni niinni.»

Filipi 1:6

N daani ki go bani cain ke wani yua n cili laa tuonŋanli yi niinni, baa yaa tuuni li hali ki dudi li, Jesu Kilisiti guacuama daali.

Filipi 2:13

U Tienu n baa teni yin bua, ki go fidi ki tieni nani o yanjagiŋanli n tie maama.

Kolosi 1:10

Yeni, yi tagu n yaa tie nani lan dagidi o Diedo po maama, ke yin yaa tiendi yaala n mani o po yogunu kuli. Yin yaa tuuni a tuonŋama buoli kuli, ki kpedi ki suagi liiga U Tienu bandima nni.

Kolosi 3:10

ki lani u tagipaanu, yuu n pandi mi bandima nni cain yogunu kuli, nani yua n tagi u yaa nannanli yeni.

2 Tesaloniki 2:17

n yaa baagidi yi pala ki teni yin yaa se ke li pa yaala n ŋani tienma nni leni mi maama kuli nni.

1 Timote 2:10

Ama ban yaa sibidi biba leni a tuonŋama, lan dagidi ke yaa puoba n tieni siedi, ke bi ŋua U Tienu n yaa tiendi maama.

1 Timote 5:10

ki tie bi niba n pagi yua o tuonŋama po, ki go tie yua n den wubi a bila, ki gaani bi canba cangu leni mi buama, ki nigidi bi nigagidiŋanba taana, ki todi yaaba n ye leni fala, ki tieni a tuonŋama buoli kuli.

1 Timote 5:25

Li go tie yeni leni a tuonŋama, ya n doagidi bonŋanla bi niba kuli po ye, ya n duagi mo kan yaa wuo hali yaa yogunu kuli.

1 Timote 6:18

Ŋan go tundi ba ke ban yaa tiendi yaala n ŋani, ki tiendi a tuonŋama ke li yabi, ke lane n yaa tie bi piama. Ŋan go tundi ba ke ban yaa pia ti bulicindi, bi nii mo n yaa tiani.

2 Timote 2:21

Lanwani, o nilo yaa ŋanbi o yuli ki paadi leni min maadi yaa biadima maama na kuli, o baa yaa tie nani yaa tadiga n tie a tuonkpiaga po yeni. O canbaa gagidi laa tadige o tuonli po. Laa tadiga pia mi fuoma, ki bogini ki dagidi yaa tuonli n ŋani kuli po.

2 Timote 3:17

Lani n tie U Tienu nilo n ŋanbi cain, ki bogini ki fidi ki yaa tiendi a tuonŋama kuli.

Titi 2:14

O den puni o yuli ki kpe ti po, ki baa daa ki faabi ti leni mi biadima kuli, ki ŋuudi ki ŋanbi ti, tin tua wani n die yaaba, yaaba n baa yaa pia li yankuali a tuonŋama po.

Titi 2:7

Ŋan tua bi po li bontogidikaala a tuonŋama nni. Ŋan yaa bangi yaa bangima n ŋani, ki go dagidi.

Titi 3:1

Ŋan yaa tiadi ba, ban yaa fangi mi diema gobidikaaba leni li bali danba kuli, ki tuo ki yaa ŋua bi maama, ki go bogini tuonŋanli kuli po.

Titi 3:14

Li tie tiladi ke ti yaa yaaba moko n bandi ki yaa tiendi ania a tuonŋama tienma po. Yeni, bi baa fidi ki yaa baadi yaala n tie bi po tiladi. Lani, bi kan yaa tie nani yaa tibu n kaa luoni yeni.

Titi 3:8

Laa maama tie mi madugikaama. N bua ŋan bangi ki go ñii li po bonŋanla, ke yaaba n daani U Tienu n yaa tiendi ania a tuonŋama tienma po. Lani n ŋani, ki go pia mi fuoma bi niba kuli po.

Hebilunba 10:24

Tin yaa tiani mani tiyaba po, ki tigini tiyaba ke tin yaa pia mi buama ki tiendi a tuonŋama.

Hebilunba 13:21

Wani U Tienu n teni yin fidi ki yaa tiendi yaala n ŋani, ki go ŋua o yanbuama kuli. Wan teni Jesu Kilisiti n yaa tuuni ti niinni yaala n mani o po kuli. Wani Kilisiti n yaa baadi ti kpiagidi hali yaa yogunu kuli. Amina!

1 Pieri 2:12

Yin yaa pia u tagiŋamu bi nilanba siiga. Lanwani, ba bi yaa kuli yi ke yi tiendi yaala n bia, ban le yi tuonŋama, ki kpiagi U Tienu, o cuama daali.

1 Jan 1:7

Ama ti yaa cuoni mi yenma nni, Nani U Tienu wani o ba n ye mi yenma nni, Ti pia yanyenma leni tiyaba, O Bijua Jesu soama baa yaa ŋuudi ti pala, Ki ñandi ti po ti tuonbiadi kuli cain.

1 Jan 2:6

Li ŋani ke yua n yedi ke o ye o niinni n yaa cuoni nani wani o Diedo n den cuoni maama.