Efesa 2:1 - U TIENU MAAMA TILI 2013

¹ Yogunuba, yi den tie tinkpiba kelima yi tagili leni yi tuonbiadi po.

Gourmanchéma Bible

¹ Mi kpiama, yi den tie tinkpiba kelima yi tagili leni yi*tuonbiadi po.

Efesa 2:1 ပူးပေါင်းရင်းမြစ်များ

Mi cilima 8:21

O Diedo den gbadi yaa nuulu n mani o po. Lanwani, o Diedo den maadi o pali nni mi naa maama: «N kan go soli ki tinga kelima o nisaalo po, kelima o pali nni, o li tia mi biadima hali o biwaama yogunu. N kan go bolini yaala n fo kuli nani min tieni maama moala yeni.

Matie 8:22

Jesu den guani ki yedi o: «Yaa ŋua nni, ki cedi bi tinkpiba n piini biyaba.»

Luki 15:24

N bijua na den kpe ki guani ki faadi, o den yaadi ke n guani ki laa o.› Bi den cili ki mangidi bi pala.

Luki 15:32

Li pundi tin je ki go mangi ti pala, kelima a waalo na den kpe ki go faadi, o den yaadi ke ti guani ki laa o.› »

Jan n diani U Tienu Laabaaliŋamo maama 10:10

O suudo kpendi ki baa su, ki kpa, ki go bolini i pe. Mini n cua, ke ban baa li miali, ki yaa pia li ke li dua bi po.

Jan n diani U Tienu Laabaaliŋamo maama 14:6

Jesu den yedi o: «Mini n tie u sanu, i moamoani leni li miali. Oba kuli kan pundi Baa kani, li yàá tie mini yaa po.

Jan n diani U Tienu Laabaaliŋamo maama 5:21

Nani Baa n yen fiini bi tinkpiba ki teni ban guani ki yaa fo maama, yeni moko Bijua puuni li miali wan bua yuakuli.

Jan n diani U Tienu Laabaaliŋamo maama 5:25

N yedi yi i moamoani, u yogunu kpendi ki pundi ba moala, ke yaaba n kpe baa gbadi U Tienu Bijua nialu. Yaaba n baa gbadi u mo kuli baa yaa fo.

LOMA YAABA 8:2

U Tienu Fuoma yaama n puuni li miali Jesu Kilisiti nni, yaa bali faabi nni leni ti tuonbiadi leni mi kuuma bali.

1 Korenti 15:45

Li tie yeni ke li diani ki yedi: O nikpialo Adama den tua yaa miali n fo. Ama Adama juodika tie yaa Fuoma n puuni li miali.

2 Korenti 5:14

Kilisiti buama die ti ki tigini ti, kelima niyendo yaa den kpe bi niba kuli po, lanwani bi niba kuli kpe.

Efesa 4:18

Bi yama biigi. Bi tie canba U Tienu miali po, kelima bi yanboanma leni bi pajuagili yaa po.

Efesa 5:14

Lani yaa po yo, ke li yedi: «Ŋan fundi, fini yua n goa, Ki fii bi tinkpiba siiga, Ke Kilisiti baa yendi a po.»

Kolosi 2:13

Yinba yaaba n den kpe, kelima yi tuonbiadi leni yin kaa den kua koanciagu yi gbanandi nni maama po, U Tienu guani ki puni yi li miali kelima o po: O puni ti sugili ti tuonbiadi kuli po.

1 Timote 5:6

Yaa kpepuoli n puni o yuli ŋanduna jeligu po kpe, ba ke o da fo.

1 Jan 3:14

Ti bani ke ti ñani mi kuuma nni ki kua li miali nni kelima ti bua ti kpiiba. Yua n ki pia mi buama da ye mi kuuma nni.

Mi Doagidima 3:1

Ŋan diani Kilisiti Nitaanli yaali n ye Saridi yaa maleki po, ki yedi o: «Yua n pia U Tienu fuoleleedima leni a ŋmabileleeda, yedi yaala n tie ne: ‹N bani a tuona. A yeli ñani ke a fo, ama a kpe.