Danieli 9:24 - U TIENU MAAMA TILI 2013

²⁴ Li bili binalele taalima piilele a buolu leni a dogagidiko po. Lanyogunu bili ke mi yiema n gbeni, Ke mi tudima n baa u bianu, Ke ti tuonbiadi n baa sugili, Ke yaa teginma n baa yaa ye hali yaa yogunu kuli N doagidi ke li bonlekaala leni U Tienu saawalipuaba Den soagini yaala kuli n tieni, Ke u kaangagidiŋanmoanu mo n go gagidi.

Gourmanchéma Bible

²⁴ Li bili bina lele taalima piilele a nibuolu leni a dogagidiko po. Laa yogunu bili ke mi yiema n gbeni, ke mi tudima n baa u bianu, ke ti tuonbiadi n baa sugili, ke yaa teginma n baa yaa ye hali yaa yogunu kuli n doagidi, ke li bonlekaala leni U Tienu sawalipuaba n den soagini yaala kuli n tieni, ke u *kaangagidiŋanmoanu mo n go gagidi.

Danieli 9:24 ပူးပေါင်းရင်းမြစ်များ

2 Bi Badiba Jama 29:24

Bi kopadicianba den kodi ba ki wuli bi soama li padibinbinli po, ki mia Isidayeli yaaba po bi tuonbiadi sugili. O bado den yedi ke li padijuukaali leni ti tuonbiadi padili kuli tieni, Isidayeli yaaba kuli po yo.

Pisomi 2:6

«Mini n gagidi n bado ki kaani o Siyon, n joagagidikaali yuli po.»

Pisomi 45:7

U Tienu, a bali kalikaanu ye Hali yaa yogunu kuli. A badigbiamu mo tie mi teginma gbiamu.

Esayi 42:4

O kan tadigi, O kan suli ki guani puoli, Hali wan baa cuani ŋanduna nni, Yaa bujiali n tiegi Ke a kpendega mo n jigini o bali maama.

Esayi 51:6

Yaadi ki diidi mani tanpoli po, Ki nan yuandi ki tibini ki diidi tiipo. Tanpoli baa bodi nani i muñii yeni, Ki tinga mo baa yondi yondi ki baa Nani yaa tiadi n bedi yeni, Ki niba mo n bodi nani i sii yeni. Ama n faabima wani baa yaa ye Hali yaa yogunu kuli po. N teginma mo kan gbeni abada.

Esayi 51:8

Kelima ti lulugidi baa bolini ba, Nani ti tiadi yeni. I nanboe mo baa bolini ba, Nani ti pekobidi yeni. Ama n teginma baa waagi ki ye Hali yaa yogunu kuli. N faabima mo baa yaa ye nifiima n tuu nifiima.

Esayi 56:1

O Diedo yedi mi naa maama: «Kubi mani yaa bujiali n tiegi, Ki yaa tiendi mi teginma, Kelima n faabima yogunu pundi. N teginma doagidima yogunu pundi.

Esayi 61:1

O Diedo U Tienu Fuoma ye n niinni, Kelima o Diedo gandi nni, Ke min yaa wangi bi ninñinniba O laabaaliŋamo. O soani nni ke min baagi yaaba N ye li paboanli nni, Ki waani i yonbi ke bi diedi bi yula, Ki go waani a kpaada mo ke bi baa mi faabima.

Jeremi Bubula 4:22

Fini Siyon dogu badisalo, A tagili gbeni. O kan go gedini a ti yonbidi. Edomi diema badisalo, O baa waani a tagili, Ki doagidi a tuonbiadi kuli.

Esekieli 28:12

«Nisaalo biga, wanli Tiiri bado po ki yedi o ke o Diedo, U Tienu yedi mi naa maama: ‹A den tie bontogidikaala, Yaala n ŋani po, Kelima a yanfuocianma po Leni a ŋamu yuu n ki pia lie po.

Esekieli 4:5

N bili a po yaa dana n da leni ban tieni mi tudima yaa bina bianu: dana kobitaa n piiyia, ke a baa tugi Isidayeli yaaba tagili.

Esekieli 4:6

Laa dana yaa pendi, ŋan jigidi ki duani a jienu kalu po, ki tugi Juda yaaba mo yaa tagili hali dana piinaa. N bili ke dayenli kuli baa yaa tie a po binli.

Levi 25:8

A baa coadi mi fuodima bina, binalele hali taalimilele. Laa fuodima binleleeli yeni, baa taani ki yaa tie piinaa n binayia.

Levi 8:15

Musa den kodi li, ki gaa mi soama ki tuu ma leni o nubili, ki duuni li padibinbinli yina leni li lindima kuli, ki ŋanbi li padibinbinli yeni, ke li ŋani cain. O den wuli mi soama li padibinbinli tiipo, ki gagidi li ti tuonbiadi sugili miabu tuonli po.

Sakari 4:14

Lanwani, o den guani ki yedi nni: «Li tie U Tienu n gandi yaa niliediba ki wuli bi yula po mi gagidima kpama, ke ban yaa tuuni wani ki tinga kuli Diedo po.»

Mi Coadima 14:34

Nani yin den tieni yaa dana banlu ki gaani ki diidi mi diema yeni, lani n tie dana piinaa, yi baa tugi yi tagili tugili hali bina piinaa. Dayenli kuli baa tua binli. Lani, yi baa bandi n yaa yie o nilo, lan baa cuani o po yaala.

Matie 1:21

O baa maa bonjaga, ŋan yini o Jesu, kelima wani n baa faabi o buolu yaaba leni bi tuonbiadi.»

Matie 11:13

Bi saawalipuaba leni li bali maama kuli den pua saawali ki maadi U Tienu diema maama, ki ban pundi hali Jan yogunu.

Matie 4:5

Sutaani den gedini Jesu u dogagidiko Jerusalemi po, ki teni ke o sedi U Tienu diegu yuli po.

Marki 1:24

«Ŋain, fini Jesu, Nasareti yua, be n ye tinba leni fini siiga? A cua ki baa bolini ti yo? N bani ŋan tie yua. A tie U Tienu Nigagidiŋamo.»

Luki 1:35

Maleki den guani ki yedi o: «U Tienu Fuoma Yua baa cua a kani, tanpolijoma Tienu paalu baa yini a po. Lani yaa po, bi baa yini ŋan baa maa yaa bigagidiŋanga yeni U Tienu Bijua.

Luki 21:22

Laa dana baa yaa tie li pantuuli dana, ke yaala n den diani kuli n tieni ki dudi.

Jan n diani U Tienu Laabaaliŋamo maama 1:41

O den jaligi ki tuogi o kpelo Simon ki yedi o: «Ti laa U Tienu n Gandi Yua, lani n bua ki yedi Kilisiti.»

Jan n diani U Tienu Laabaaliŋamo maama 3:34

U Tienu n soani yua maadi U Tienu n maadi yaa maama, kelima wani U Tienu n puuni o o Fuoma ke o gbie o niinni.

Jesu Tondiba Tuona 3:14

Ama yi den yie o, wani o Nigagidiŋamo leni o Niteginka. Yi den mia ban faabi yi po o nikpalo.

Jesu Tondiba Tuona 3:22

Bi siiga, Musa den yedi: ‹O Diedo yi Tienu baa gandi ki fiini yi buolu siiga o saawalipualo, nani mini yeni. Cengi mani wani n baa yedi yi yaala kuli.

Jesu Tondiba Tuona 4:26

Ki tinga badiba kuli fii ki sedi. Bi badijaba mo taani ki tuu ñoayenbu Ki fii ki sedi o Diedo Leni wan Gandi Yua po.›

LOMA YAABA 5:10

Tin den tie U Tienu yibalinba yaa yogunu, o den teni ke ti mangi leni o, kelima o Bijua kuuma po. Lanwani, moala ke ti mangi leni o, laa pia kuli tama, ke ti baa faabi kelima o yaa miali po.

1 Korenti 1:30

Ama yinba, U Tienu teni ke yi ye Jesu Kilisiti nni. O go teni ke Jesu tie ti po mi yanfuoma, mi teginma, mi gagidiŋanma leni mi daafaabima.

Filipi 3:9

Mii go pia n yuli po yaa moamoansaali n ñani li bali maama kubima nni, ama yaali n baadi, kelima li dandanli Kilisiti nni yaa po. Li tie yaa moamoansaali n ñani U Tienu kani, ki ŋua leni li dandanli.

Kolosi 1:20

O yanbuama po goga, O teni ke li bonla kuli, Yaala n ye ŋanduna nni leni tanpoli po kuli, N mangi leni o kelima Kilisiti yaa po. O ñani ti yibalindi ki teni ke i mani ye, Kelima o soama li dapoanpoanli po.

Kolosi 2:14

O den bolini yaa tili yaa diani n buni ki cuo ti, Ki doagidi tin den yie o mabilikaama maama, Ki kpaa ki tabini laa tili Li dapoanpoanli po, ki bolini li.

Hebilunba 10:14

O padiyenli yeni yaa po, o teni ke wan gagidi ki ŋanbi yaaba dagidi cain, hali yaa yogunu kuli po.

Hebilunba 2:17

Lani yaa po, li den tie tiladi wan tua nani o waamu yeni li bonla kuli nni. Yeni, o baa yaa tie yaa kopadicianba bado n gba bi po mi ninñima, ki go tie o nidugika wan tuuni bi po yaa tuonli U Tienu kani leni wan go den padi i candanbaani padili ki baa sugili bi niba tuonbiadi po maama.

Hebilunba 7:26

Wani n tie yaa kopadicianba bado buolu n dagidi ti po. O gagidi ki ŋani cain, waa pia tagiliba kuli, tuonbiadiba kuli mo ki ye o niinni. O paadi leni ti tuonbiadi danba, U Tienu den duoni o ke o pendi tanpoli kuli.

Hebilunba 9:26

Li yaa den tie yeni, Kilisiti den baa cili ŋanduna tagima yogunu, ki yaa laadi fala. Ama moala ŋanduna juodima yogunu, o cua ki padi o yuli yenma u yogunu kuli po, ki bolini ti tuonbiadi.

2 Pieri 1:1

Mini Simon Pieli, Jesu Kilisiti naacemo leni o tondo, n diani li tili yi po, yinba yaaba n taa leni ti ki baa yaa dandanli n tie bonmoanla, kelima ti Tienu leni Jesu Kilisiti ti Candaano teginma po.

1 Jan 3:8

Yua n tiendi ti tuonbiadi tie Sutaani yua, kelima wani Sutaani den tiendi ti tuonbiadi hali mi cilima ki pundi hali moala. U Tienu Bijua den cua ki doagidi o yuli, ki baa bolini Sutaani tuona.

Mi Doagidima 14:6

N go den laa malekitoa ke o yugi tanpoli mi fawaama nni. O den kubi yaa laabaaliŋamo n ye hali yaa yogunu kuli, ki baa yaa wangi ki tinga yaaba kuli, mi diema, i mabuoli leni i nibuoli yaaba kuli.

Mi Doagidima 3:7

Ŋan diani Kilisiti Nitaanli yaali n ye Filadelifi yaa maleki po, ki yedi o: «Yua n Gagidi ki Ŋani, Ki tie o Moamoandaano, Wani yua n kubi Davidi sendabiga, O yaa luodi, oba kuli kan luoni, O yaa luoni mo, oba kuli kan luodi, Wani n yedi yaa maama n tie ne: