Danieli 9:16 - U TIENU MAAMA TILI 2013

¹⁶ Ti Diedo, nani a ninñingbadima n yabi maama po, ŋan jiini a pali a dogu Jerusalemi a joagagidikaali po. Ti tuonbiadi leni ti baanba tudima teni ke yaaba n lindi ti kuli fali ti, ki yuandi Jerusalemi leni a niba.

Gourmanchéma Bible

¹⁶ Ti Diedo, nani a niñingbadima n yaba maama yaa po, ŋan jiini a pali a dogu Jelusalema a joagagidikaali po, kelima ti tuonbiadi leni ti baanba yaa tudima po. Yaaba n lindi ti kuli fali ti ki yuandi Jelusalema leni a niba.

Danieli 9:16 ပူးပေါင်းရင်းမြစ်များ

Nehemi 9:8

A den sua ke o pali tiegi a po. A den danli leni o ki niani o Ke a baa pa o puoliŋuani Kanana yaaba, Hititi yaaba, Amoriti yaaba, Perisiti yaaba, Jebusi yaaba Leni Giligasi yaaba diema kuli. A kuani a ñoanianu mo kelima a tiegi.

Pisomi 143:1

Davidi yanbu. O Diedo, cengi n jaandi, Diadi a tubili ki cengi n miabu! Gaa n po n jaandi, Kelima a moamoani leni a teginma po!

Pisomi 31:1

Bi yanyinba yudaano yani siiga yanbu. Davidi yanbu.

Pisomi 41:13

A kubi nni n papienli nni. A teni ke n ye a nintuali yogunu kuli.

Pisomi 71:2

A teginma po, gaa nni, ki faabi nni. Diadi n po a tubili ki faabi nni.

Pisomi 79:4

Ti tua i fe bonla ti yieninlieba po. Ti tua li ñuali leni ti laadi yaaba n lindi ti po.

Pisomi 85:4

A kuugi a pali ti po, Ki teni ke a pabienli ki go ye ti po.

Pisomi 89:51

O Diedo, tiadi a naacenba n laa yaa fe kuli po. Mini n tugi laa niba kuli yaa yuli.

Mi Ñama 20:5

Yin da gbaani ki pugi la, yin da kpiagi la mo, kelima mini Li Miali Diedo yi Tienu, n tie yaa Tienu n pia li nunponli. N guandi bibaanba biadima panpaani bi bila kani, hali nifiimitaa bi nifiiminaa, yaaba n nani nni po.

Esayi 5:25

O Diedo pali beni o niba po, Lani n teni ke o tandi o nuu ki pua ba. A juana wudi ki baa, Bi tinkpiba wuli i sani nni Nani ti baadi yeni. Ama baa leni lani kuli o pali daa kuugi, O nuu mo da li baa ki tiane.

Jeremi 24:9

N baa teni ban tua ti jawaanciandi leni fala bonla li ŋandunli nibuoli po. Bi baa tua fe, ñuali, laadi leni ti solindi bonla min baa lu ba naani kuli po.

Jeremi 29:18

N baa ŋoadi ki deli ba leni bu toabu, mi koma leni u yianbiadipuodiko. N baa teni ban tua ti jawaanciandi bonla ki tinga diema nibuoli po, ti solindi, ti yanyagidi, ti laadi, li ñuali leni u yualu bonla, min baa yadi yi yaa nibuoli kuli siiga.

Jeremi 32:31

Hali ban maa u naa dogu, u li tie n po pabiidili leni pabienli bonle, hali ki ban tuu dinla. Lani n teni ke n baa paadi leni u.

Jeremi 32:32

N pali biidi kelima Isidayeli leni Juda yaaba n tieni yaa biadima kuli po. Li biidi n pali, kelima bani, bi badiba, bi koanbala, bi kopadicianba, bi saawalipuaba, Juda yaaba leni Jerusalemi yaaba, n tieni nni yaa biadima po.

Esekieli 22:4

I tagili jagi a yuli po kelima ŋan den wuli yaa soama po. I tagili jagi a yuli po, kelima a den joagini a yuli leni ŋan den tagi yaa buli. Lani yaa po, a wadi a miali dana. A bina tuoni a bianu. Lani n cedi ke n baa fiagi a i nilanbuoli nintuali, dielanma mo kuli baa yaa ñuadi a.

Esekieli 5:14

Yaa diema n lindi yaa niba leni yaaba n tagini likani kuli, baa le ke n fiagi Jerusalemi dogu, ki teni ke u tua diegbengu.

Danieli 11:45

O baa tii o badigbandiena mi ñincianma leni yaa joagagidiŋanli n pia ti kpiagidi siiga. Lani, mi kuuma baa ludi o ke oba kuli kan todi o mo.»

Danieli 9:20

Danieli go den pugini ki yedi: «N den baa ki jaandi ki tuo ki doagidi n tuonbiadi leni n buolu Isidayeli yaaba tuonbiadi, ki miadi o Diedo n Tienu o joagagidikaali po.

Sakari 8:3

N baa lebidi ki guani Siyon, ki yaa ye Jerusalemi yaaba siiga. Bi niba baa yaa yi Jerusalemi dogu: “Yaa dogu yaaba n bua U Tienu, ki tuo ki ŋua o.” Bi baa yaa yi Li Miali Diedo U Paaciamu Kuli Daano juali mo: “Mi gagidiŋanma juali.”»

2 Tesaloniki 1:6

U Tienu nua ke li tiegi ke wan faligi yaaba n faligidi yi moala.

1 Jan 1:9

Ti yaa tuo ti tuonbiadi, Nani wan tie nidugika ki go tiegi yeni, O baa pa ti ti tuonbiadi sugili, Ki go ŋuudi ki ñani ti biadima kuli cain.

1 Samueli 2:7

O Diedo yen teni bi nitianba n luo, Ki teni bine n yaa pia. O jiindi bi nitianba, Ki fiindi bi nitianba mo.