Danieli 9:15 - U TIENU MAAMA TILI 2013

¹⁵ O Diedo ti Tienu, a yeli den ñani ki kpedi nani lin tie maama dinla, kelima a den ñani tinba a buolu Ejipiti nni leni a nuu paalu. Ama tinba, ti tieni ti tuonbiadi ki tudi a po.

Gourmanchéma Bible

¹⁵ O Diedo ti Tienu, ŋan den ñani tinba a nibuolu Ejipiti nni leni a nuu paalu, a den ñani a yeli ke li kpedi ki pundi hali dinla. Ama tinba, ti tieni ti tuonbiadi, ti tieni yaala n bia.

Danieli 9:15 ပူးပေါင်းရင်းမြစ်များ

1 Bi Badiba 8:51

kelima bi tie a niba, ŋan die yaaba, bani ŋan den ñani yaaba Ejipiti nni, yaa diema n den tie bi po nani ti kuboandi yaa buaga yeni.

2 Bi Badiba 21:15

N baa tieni yeni kelima n niba tieni yaala n ki dagidi n po, ki bieni n pali, ki cili hali bi yaajanba n ñani Ejipiti yaa daali, ki taa ki pundi hali dinla.› »

2 Bi Badiba Jama 6:37

bani a niba yaa lebidi bi pala, ban ye ti yonbidi yaa diema nni yeni, ki mia ŋa ki yedi: ‹Ti tieni ti tuonbiadi, ti tieni yaala n ki ŋani, ti tieni mi biadima.›

Nehemi 1:10

Tinba Isidayeli yaaba tie a naacenba leni a nibuolu, ŋan den daa ki faabi yaa nibuolu leni a fidu leni a paalu.

Nehemi 1:6

cengi, a nuni mo n diidi nni. Cengi moala mini a naacemo n miadi a yaala. Ku ñiagu leni u yensiinu kuli, n miadi a tinba a naacenba Isidayeli yaaba po, ki doagidi ti tuonbiadi, tin den tieni a po yaadi, kelima mini leni n baadiegu yaaba kuli, ti tieni ti tuonbiadi.

Nehemi 9:10

A den tieni mi bancianma leni li bonlidinkaala, Ki tuogi leni Faraon, o koanbala Leni o diema yaaba kuli, Kelima a bani ban den faligi ti yaajanba maama. Lanwani, a den doagidi a kpiagidi Nani ŋan doagidi ti maama dinla.

Pisomi 106:8

Ama o den faabi ba kelima o yeli po, Ki waani yeni o paalu.

Mi Ñama 13:14

A bijua yaa buali a yaa daali: ‹Line bundi be?› A baa guani ki yedi o: ‹O Diedo den teni ke ti ñani ti yonbidi kaanu, Ejipiti diema nni leni o nuu yaa paalu.

Mi Ñama 13:16

Li baa yaa tie nani mi maalima a nuu po, ki go yaa naani leni mi tiadima tila a yutunli po. Li tie o nuu yuu n pia u paalu po yo, ke o Diedo den teni ke ti ñani Ejipiti diema nni.»

Mi Ñama 13:3

Musa den yedi bi niba: «Yaa tiadi mani li naa daali po, yaa daali ke yi ñani yi ti yonbidi kaanu, Ejipiti diema nni. Li tie leni o nuu paalu yo, ke o Diedo ñani yi mi diema nni. Oba kuli n da ŋmani yaa dupen n pia dabinli landaali.

Mi Ñama 13:9

Li baa tua a po maalima a nuu po, ki tua a yutunli po tiadima. Yeni o Diedo bali maama baa ye a ñoabu nni, kelima leni o nuu paalu yo, ke o den teni ke a ñani Ejipiti nni.

Mi Ñama 14:18

Faraon, o teliti leni o tandanba n baa teni n kpiagidi n doagidi yaa yogunu, Ejipiti yaaba baa bandi ke n tie Li Miali Diedo.»

Mi Ñama 32:11

Musa den mia o Diedo U Tienu ki yedi: «O Diedo, be n teni ke a pali pebidi a nibuolu po nanda, ŋan den ñani bani yaaba Ejipiti diema nni leni a paalu leni a nuu paalu?

Mi Ñama 6:1

O Diedo den yedi Musa: «Moala, a baa le min baa tieni Faraon yaala. N baa teni wan cedi ban gedi leni n nuu paalu. N go baa tieni o u paalu, wan deli yi o diema nni.»

Mi Ñama 6:6

Li tie lani yaa po ke a baa yedi Isidayeli yaaba: N tie Li Miali Diedo, n baa faabi yi leni Ejipiti yaaba n tuuni yi yaa tuona. N baa faabi yi bi yonbidi nni. N baa doagidi n paalu, ki jia ti buudi ki ciadi yi.

Mi Ñama 9:16

Ama n cedi ke a ye. Yeni, a baa le n paalu, n yeli mo go baa ña li ŋandunli nni kuli.

Esayi 55:13

Sipre tiidi n baa pudi ki gaa A kongoaba kaanu, Militi mo n baa pudi ki gaa I konkoni kaanu. Lani kuli baa teni o Diedo yeli n ña. Li baa yaa tie yaa bontiadikaala N kan bodi hali yaa yogunu kuli.

Esayi 64:4

A tuogi ki biali yua n tiendi mi teginma leni li pamanli, Leni yaaba n ŋua a sani ki tiadi a po, Tin den ŋua yaa sani ke a den faabidi ti yogu kuli. Ama a pali den fii, kelima ti tieni ti tuonbiadi.

Jeremi 14:20

O Diedo, ti tuo tinba leni ti baanba tagili, Kelima ti tieni ti tuonbiadi.

Jeremi 32:10

N den baa li tili ki diani ti ŋantaadi maama, ki baa siedinba ki biigi i ligi yeni kpiagu li bonbiigikaala nni.

Jeremi Bubula 3:42

Tinba, ti tua niyiekaaba Leni yaaba n kaa tuo! Ama fini wani, ŋaa tieni ti po sugili!

Esekieli 5:6

U niba yie ki naa tuo min den teni ba yaa bali maama leni yaa ñoamabona kuli, ki biagi ki cie yaa nibuoli leni yaa diema n gaani ki lindi ba, kelima bi ŋaa min den bili bi po yaala. Bi naa go ŋua nni nani n ñoamabona n bili maama.

Danieli 9:5

Ti tieni ti tuonbiadi, ti tudi a po, ti tieni yaala n bia ki yie a bali, ti lebidi ki ŋaa a bali maama leni a ñoamabonbilikaana.

Luki 15:21

O bijua den yedi o: ‹N baa, n tudi U Tienu po leni a yaa po kuli. Mii go pundi ban yini nni a bijua.›

Luki 18:13

O lubigaalo yeni mo den poadi ki sedi foagima, kaa tuo ki baa yaadi ki noanli tanpoli. O den pua o benli ki yedi: ‹U Tienu, gbadi n po mi ninñima, mini yua n tie ti tuonbiadi daano.› »

2 Korenti 1:10

Wani yua n den faabi ti, go baa faabi ti leni laa kuuma. Ti go sugini ke wan yaa faabidi ti.

Mi Tiadima 5:15

Yi baa yaa tiadi ke yi den tie yonbi Ejipiti diema nni, ke o Diedo yi Tienu den ñani yi lienni leni u paalu leni mi jama. Li tie lani yaa po yo, ke o Diedo yi Tienu den bili ke yin jigini mi fuodima daali.