Danieli 9:13 - U TIENU MAAMA TILI 2013

¹³ Laa yebiadima ŋmaa ti, nani lan diani Musa bali maama tili nni maama. Ama ba lani kuli, tii mia ke fini o Diedo n je sugili, tii kuani ti yama ki faami a moamoani po.

Gourmanchéma Bible

¹³ Laa yebiadima ŋma ti nani lan diani Musa balimaama tili nni maama. Ama baa lankuli, tii mia ke fini Li Miali Diedo n je sugili, tii kuani ti yama ki faami a moamoani po.

Danieli 9:13 ပူးပေါင်းရင်းမြစ်များ

2 Bi Badiba 22:16

«O Diedo yedi mi naa maama: ‹N baa teni o falabiado n baa u dogu na leni yaaba n ye u niinni, nani fini Juda bado n cogi li tili ke li yedi maama.

Jobi 36:13

Yaa niba n ki ŋua U Tienu pala be. U Tienu yaa cuo ba yaa yogunu, Baa miadi o faabima.

Pisomi 119:18

Luodi n nuni ke min fidi ki ñuadi A bali maama bonlidinkaala.

Pisomi 119:27

Teni min bandi a mabilikaama N bua ki yedi yaala, Yeni, n baa yaa kpaagi a bontienkaala po!

Pisomi 119:73

A nii n tagi nni, yini n go paagi n gbanu. Pa nni mi yanfuoma, Ke min fidi ki bangi a bali maama.

Pisomi 85:4

A kuugi a pali ti po, Ki teni ke a pabienli ki go ye ti po.

Esayi 31:1

Fala baa nandi yaaba n caa Ejipiti diema nni ki ban lingi mi todima. Bi dugi i taami leni ti toateliti po, Kelima bi coali yabi boncianla. Bi jigini bi tanjagiba, Kelima bi fidu yabi boncianla. Ama bi naa yaadi ki diidi Isidayeli Tienu yua n Gagidi ki ŋani. Bi naa lingi wani o Diedo!

Esayi 42:9

Diidi yaala n kaa den kpa tieni, Tieni ki gbeni. N go waani yi laabaalipaano, Hali ke li daa cua N tuodi ki waani yi la.»

Esayi 43:22

O Diedo yedi: «Jakob buolu! Yii taagi ki miadi mini ka, Kelima yinba Isidayeli yaaba, yii miadi nni.

Esayi 64:6

Ba niyendo ki go ye, Yua n taagi a yeli ki jaandi ki miadi a, Yua jidi o guama ki baa tiadi a po. Lani yaa po yo, ke a buli ti a nunga, Ki ŋaa ti ke ti ŋmadi ki baali, Kelima ti tagili po.

Esayi 64:7

O Diedo, ba leni lani kuli fini n tie ti Baa. Ti tie yoagu, amo tie ti maado, Tikuli tie a nii tuonli.

Esayi 9:13

Lani n teni ke o Diedo baa jia Isidayeli diema nni, li yuli leni li juoli kuli. Dayenli lige ke o Diedo jia Bu kpakpalibu benu leni ku sabigu,

Jeremi 2:30

N pua yi bijaba fanma fanma bebe, Ba leni lani kuli bi naa gaani tundi. Yi piemi kpaani yi saawalipuaba, Nani yaa yangbanli n bolindi yeni.

Jeremi 30:14

A jaconcona kuli sundi a po, Baa go lingi a. N faligi a nani n yibali yeni. N waani a o falaciamo, Kelima a tagili yabinu po Leni a tuonbiadi biadima po.

Jeremi 31:18

N gba ke Efrayimi yaaba kaliti ki tua: ‹A faligi ti, ti laa fala Nani yaa naabiga n ki pia maanli yeni. Teni tin guani, ti baa guani Kelima Li Miali Diedo, fini n tie ti Tienu.

Jeremi 44:23

O naa fala ŋmaa yi dinla, kelima yi juu a dugibila, ki tieni ti tuonbiadi, kaa cengi o Diedo maama, kaa cuoni nani li bali maama n bili maama.»

Jeremi 44:27

N baa faami bi po, ki tieni ba yaala n bia. N kan pa ba yemanma. Juda yaaba, yaaba n kaa Ejipiti diema nni kuli, bu toabu leni mi koma n baa je bikuli cain.

Jeremi 5:3

O Diedo, ŋan bua yaala ki tie I moamoani ka? A pua ba, laa koani ba mo. A nugi ba bonŋanla, Bi yie kaa gaa a bangima, Bi juagi bi pala ki cie ku tangu. Bi yie ke bi kan lebidi bi pala.

Jeremi Bubula 5:21

O Diedo, teni tin guani a kani, Lani, ti baa guani! Guani ki pandi ti dana nani u yogu nni yeni.

Esekieli 16:43

Nani ŋan ki go tiadi min den tie a po yaala a panma nni yeni, ki tieni yaala n fiini n pali yeni, lani yaa po, mini o Diedo U Tienu yedi ke n baa teni a bontienkaala kuli n guani ki baa a yuli po. Naani ŋaa den tieni cagindi buoli kuli ki pugini a conconma yeni po?

Danieli 9:11

Isidayeli yaaba kuli miidi a bali maama, ki lebidi ki ŋaa, kaa cengi a yedima. Lani n teni ke yaa solindi leni yaa tundifala n diani a naacemo Musa bali maama tili nni baa ti po, kelima ti den tieni ti tuonbiadi fini U Tienu po.

Ose Tili 7:10

Bani Isidayeli yaaba japaadi fii ki sedi bi po. Ba leni lani kuli, baa lebidi bi pala Ki guani o Diedo bi Tienu kani, Ki naa lingi o mo.

Ose Tili 7:14

Bi yaa dua bi duani po ki buudi, Baa buudi ki miadi nni leni bi pala kuli ka. Bi ja biba, ki tama ke yene bi baa baa Ŋalikama leni o duvenpaano boncianla, Ama yeni bi fiini n po mi yieme.

Ose Tili 7:7

Bikuli tongi nani u dupenpuakaanu yene, Bi kpaani bi yudanba, Ki tudi ki lu bi badiba, Ama bi siiga ba yendo ki lingi n todima.

Luki 24:45

Lanwani, o den libidi bi yantiali ke ban fidi ki gbadi i Diani n yedi yaala.

Jan n diani U Tienu Laabaaliŋamo maama 10:35

Li bali maama yi U Tienu n yini yaaba tieni, ke ba li bali maama mo kan lebidi.

Jan n diani U Tienu Laabaaliŋamo maama 6:45

Li diani bi saawalipuaba tila nni: U Tienu baa bangi o niba kuli. Yua n cengi Baa, ki gaa o bangima kuli, wani n baa cua n kani.

Jan n diani U Tienu Laabaaliŋamo maama 8:32

Yi baa bandi i moamoani, i moamoani yeni baa faabi yi.»

Efesa 4:21

Yi den gbadi o maama, bi den bangi yinba yaaba n daani yaa moamoani n ye wani Jesu nni.

Mi Tiadima 29:4

N den gobidi yi hali bina piinaa mi fanpienma nni, yin den laa yaa tiadi naa den cadi, yin den pili yaa cacaadi mo naa den cie.

Jaki 1:5

Yi siiga niloba yaa luo mi yanfuoma, wan mia U Tienu yua n puuni bi niba kuli leni ti bulicindi, kaa fu leni ba, o baa pa o ma.