Danieli 7:6 - U TIENU MAAMA TILI 2013

⁶ Li yaa puoli, n go den nuali ki laa yantoaga ke ki naani leni o naamunpieno. O den pia ti bonyugiditi yaa fiabi boninaa o puoli po leni yulanaa. Bi den dini o li bali.

Gourmanchéma Bible

⁶ Li yaa puoli n go den nuali ki laa yantoaga ke ki naani leni o namunpieno. O den pia ti bonyugiditi yaa fiabi boninaa o puoli po leni yula naa. Bi den dini o li bali.

Danieli 7:6 ပူးပေါင်းရင်းမြစ်များ

Esekieli 17:3

Ŋan yedi: O Diedo U Tienu yedi yaala n tie ne: Yaa jiebanciamo n pia yaa fiabi n foagi leni yaa kobidi n foagi, ke o gbanu mo kuli gbie leni yaa kobidi n ñoalini, den cua hali Liban diema nni, ki ñani sediri tibu yuli po benga.

Danieli 10:20

Lani, o den yedi nni: «A bani yaala yaa po ke n cua a kani bi? N cua ki baa waani a yaala n diani i moamoani tili nni. Ama n da baa n tuogi leni Persi diema maleki bu toabu. Li yaa puoli, yaa maleki n tie Gireki diema yudaano baa cua ki tuogi leni nni bu toabu. Die laa toabu nni kuli, oba kuli ki todi nni, kali yinba Isidayeli yaaba yudaano maleki Miseli bebe.

Danieli 2:39

A yaa puoli dietoama baa fii, yaama n kan pundi a yaama. Li yaa puoli, dietoama, mi bontaama, yaama n tie kumoandi baa diedi ki tinga kuli.

Danieli 7:4

Ki yankpiaga den naani leni o yangbanlo, ama ki pia i fiabi nani jiebani yeni. Min diidi yaa yogunu, bi den ŋabi o fiabi ki teni ke o yaadi ki sedi taanalie nani o nisaalo yeni, ki puni o o nisaalo yantiali.

Danieli 7:5

Ki yanliega den naani leni yaa fuayanbiadiga n yi ursi. O den se kaliyendu yaa taana po, ki babi kalitaa. Bi den yedi ke wan fii ki ŋmani ti nandi boncianla.

Ose Tili 13:7

Lani yaa po, n den tua yi po Nani o yangbanlo yeni, Ki tua yi po yaa naamunpieno N laabi yi sanu nni ki guu.

Mi Doagidima 13:2

Min den laa yaa fuayanga yeni den tie nani ki gbiiga, ama ki taana den tie nani yaa fuayan-biadicianga n yi ursi yeni, ki ñoabu mo den tie nani o yangbanlo yaabu. O bonfuodibiado den teni ki fuayanga yeni o paalu, ki kaani o o yaa bali kalikaanu, ki dini o o bacianli.