Danieli 6:25 - U TIENU MAAMA TILI 2013

²⁵ O bado den teni ke bi cuani yaa jaba n den kuli Danieli yeni, ki luni ba i yangbanli buogu nni, bani, bi puoba leni bi bila. I yangbanli den cuo ba ki toadi toadi ba, hali ke bi daa pundi ku buogu tinga.

Gourmanchéma Bible

²⁵ O bado den teni ke bi cuani yaa jaba n den kuli Danieli yeni, ki luni ba i yangbanli buogu nni, bani leni bi puoba leni bi bila. I yangbanli den cuo ba ki mumudi bi kpaba kuli hali ke bi daa pundi ku buogu tinga.

Danieli 6:25 ပူးပေါင်းရင်းမြစ်များ

Esidirasi 4:17

O bado maguankaama n tie ne: «N diani yinba guveneeri Rehum, o tidianlo Simesayi, yi lieba yaaba n kaa Samari dogu nni leni tinbuotoana ya n ye u kpenu nintuali po. N fuondi yi.

Esiteri 3:12

O ŋmakpialo piiga n dataali, bi den yini o bado tidianla ke bi diani Hamani n yedi ba yaala kuli. Bi den diani ki soani mi diema nni kuli bi yudancianba, bi badibaanba leni nibuolu kuli yudanba kani. Bi den diani ki soani diebiga kuli po nani kan dangi maama leni yaa nibuolu n ye ki niinni n maadi yaa mabuolu. Bi den diani nani o bado Asuerusi wani o ba n diani, ki taa o bado ñoagima ki pua ki tieni o maalima.

Esiteri 7:10

Lane bi den soadi Hamani wan den bogini yaa daagu Mardoke po yeni. Li yaa puoli, o bado pali den kuugi.

Esiteri 8:9

Lanyogunu, yaa ŋmaalo n yi Sifana, ki tie citaa piilie n dataali, bi den yini o bado tidianla ke bi diani Mardoke n yedi ba yaala kuli. Bi den diani ki soani Jufinba po, bi yudancianba, a koanbala leni a badibila yaaba n die mi diema, kobiga n piilie n diebileleeda, ki cili puoli po Indi diema, ki yaa caa hali Etiopi diema nintuali po. Bi den diani ki soani diebiga kuli po nani ban dangi laa diebiga nni maama leni yaa nibuolu n ye ki niinni n maadi maama.

Pisomi 7:15

O nibiado kaa ki jagi yaala n ki tiegi, O punbi ti tuonbiadi ki mali mi faama.

Pisomi 9:16

I nilanbuoli jiidi ban gbini yaa buogu nni, Bi taana mo ŋmaa ban wuoni ki dia yaa diagu nni.

Mi Kpanjama 11:8

O niteginka yen ña fala nni, O nibiado mo n gaa o kaanu.

Danieli 3:4

O kpakpaando den kpaani ki yedi: «Yinba i nibuoli kuli niba, diema kuli niba leni i mabuoli kuli niba, bi bili yi po yaa ñoamabonli n tie ne:

Danieli 4:1

Mini o bado Nebukanesa den ye n diegu nni, n den ye likani leni mi yemanma.

Mi Tiadima 19:19

yi baa soani omo nani wan bi jagi ke o baa soani o kpiilo maama yene. Yi baa tieni yeni ki ñani li bonbiadila yi siiga.

1 Pieri 1:2

U Tienu yua n tie Baa den gandi yi, nani wan den tuodi ki bani ki jagi maama, ki teni ke o Fuoma gagidi ki ŋanbi yi, ke yin yaa tuodi ki tiendi Jesu Kilisiti n yedi yaala, o soama mo n mii ki ŋanbi yi. Li ŋanbili leni mi yanduanma n yaa pugidi yi po boncianla.

2 Pieri 1:2

Li ŋanbili leni mi yanduanma n yaa pugidi yi po boncianla, kelima U Tienu leni ti Diedo Jesu yaa bandimoanma po.

Jude 1:2

Mi ninñingbadima, mi yanduanma leni mi buama n yaa pugidi yi po hali boncianla.