Danieli 6:16 - U TIENU MAAMA TILI 2013

¹⁶ Ama bi jaba yeni den jaligi ki guani o bado kani, ki yedi o: «O bado, ŋan tiadi ke Medi leni Persi yaaba bali maama bili, ke o bado n ñani yaa ñoamabonli bi yaa mabilikaama kan lebidi.»

Gourmanchéma Bible

¹⁶ Ama bi jaba yeni den jaligi ki guani o bado kani ki yedi o: «O bado, ŋan tiadi ke Medi yaaba leni Pelisa yaaba balimaama bili ke o bado n ñani yaa ñoabonli bi yaa mabilikaama kan lebidi.»

Danieli 6:16 ပူးပေါင်းရင်းမြစ်များ

2 Samueli 3:39

Mini, ba ke bi dini nni li bali, n tadi, Tiseruya bijaba yaa paalu cie n yuu. O Diedo n guani yua n tieni mi biadima o biadima panpaani.»

Jobi 5:19

O baa faabi a leni li paboanli taalimiluoba, Mi taaleleema mo o kan tuo Yaala n bia n nandi a abada.

Mi Kpanjama 29:25

Ti jawaandi tie diagoe bi niba po, Ama yua n dugi o Diedo po puu kan nandi o.

Esayi 41:10

Ŋan da jie kelima n ye leni a. Ŋan da nua leni yanbani Kelima n tie a Tienu. N baa yaa pugidi a fidu, N baa cua ki todi a, N kubi a leni n nujienu yuu paani li bonla kuli.

Esayi 43:2

Yi yaa baa duodi mi ñincianma, N baa yaa ye leni yi. Yi yaa baa duodi i kpenciami, i kan milini yi, Yi yaa baa cuoni u mu nni, U kan juu yi, U mupienu mo kan sia yi.

Jeremi 26:14

Mini yaa po wani, mini nne, tieni mani nni yin sua ke yaala n dagidi yi po kuli.

Jeremi 38:5

O bado Sedesiasi den yedi: «Wani nne, o ye yi nuu nni, kelima ba ke n tie bado, n nan kan fidi ki yie yi po liba kuli.»

Jeremi 38:6

Lanwani, bi den taa Jeremi ki luni o o bado bijua Malikiya caakuonli nni, yaali n den ye badidiegu kpaadidielieli luolu nni. Bi den jiini Jeremi leni i baabi li caali yeni niinni. Ñima ki den ye lienni. Ama li ŋoabili bebe n den ye lieni. Jeremi den feli li niinni.

Jeremi 39:17

Ama landaali n baa faabi a. O Diedo n yedi ke bi kan taa ŋa ki teni a ŋan jie yaaba.

Danieli 3:15

Moala yin bogini mani, yi yaa go gbadi a naatuntuna, mu yelimu, ti gogiditi, mu sielimu, a gogididajena leni yaa baantiadi n sieni kuli fuugu, lanyogunu liga yo, yin labini ki kpiagi min teni ke bi tieni yaa nisaali-nannanli yeni. Yi yàá pugi li, lanyogunu liga, bi baa lu yi yaa buaga n yigidi ki tuoni niinni. U laa tienu n baa fidi ki faabi yi n nuu nni?»

Danieli 3:17

Ti Tienu, tin ŋua yua n baa fidi ki faabi ti. O baa ñani ti yaa buaga n yigidi ki tuoni niinni, ki go gaa ti fini o bado nuu nni.

Danieli 3:28

Nebukanesa den yedi: «Sadiraki, Mesaki leni Abedi-Nego Tienu n baa ti kpiagidi, wani yua n soani o maleki, ke o faabi o naacenba yaaba n dugi o po. Bi yie mini o bado yaa ñoamabonli. Bi luni bi miana kaa tuo ki kpiagi bontoala kuli, se bi Tienu bebe.

Danieli 6:20

Lan den fii ki faa, o bado den jaligi ki gedi i yangbanli buogu po, hali ke li daa yendi.

Danieli 6:7

Li yaa puoli, bi yudancianliediba leni guveneerinba yeni, den jaligi ki gedi o bado kani ki yedi o: «O bado Dariyusi, ŋan yaa ye hali yaa yogunu kuli.

Jesu Tondiba Tuona 24:27

Binalie n den pendi, Felikisi den baa o lebidu ke bi yi o Porsiyusi Fesitusi. Nani Felikisi n den bua ki mangi Jufinba pala yeni, o den ŋaa Poli ke o baa ki ye li kpaadidieli nni.

Jesu Tondiba Tuona 25:11

Li yaa tie ke n tieni yaala n bia ke li pundi kuuma, n kan yie ki kpe. Ama ban maadi n po yaa maama yaa tie faama, laa pundi oba kuli n teni nni bi nuu nni. N soagini n buudi Sesari po.»

Jesu Tondiba Tuona 25:9

Fesitusi yua n den bua ki yaa mani leni Jufinba, den yedi Poli: «Naani a baa tuo ki do ki gedi Jerusalemi min ban jia ban pia leni a yaa maama lankani bi?»

LOMA YAABA 13:3

Yua n tiendi yaala n tiegi kan yaa jie mi diema bali danba, se yua n tiendi yaala n bia. A bua ki da jie li bali daano? Yaa tiendi yaala n tiegi, yeni, o baa pagi a.

2 Korenti 1:10

Wani yua n den faabi ti, go baa faabi ti leni laa kuuma. Ti go sugini ke wan yaa faabidi ti.