Danieli 3:28 - U TIENU MAAMA TILI 2013

²⁸ Nebukanesa den yedi: «Sadiraki, Mesaki leni Abedi-Nego Tienu n baa ti kpiagidi, wani yua n soani o maleki, ke o faabi o naacenba yaaba n dugi o po. Bi yie mini o bado yaa ñoamabonli. Bi luni bi miana kaa tuo ki kpiagi bontoala kuli, se bi Tienu bebe.

Gourmanchéma Bible

²⁸ Nebukanesa den yedi: «Sadilaki, Mesaki leni Abedi-Nego Tienu n baa ti kpiagidi, wani yua n soani o maleki ki faabi bani o naacenba yaaba n dugi opo ki yie mini o bado yaa ñoabonli. Bi luni bi miana kaa tuo ki kpiagi bontoala kuli se bi Tienu bebe.

Danieli 3:28 ပူးပေါင်းရင်းမြစ်များ

Mi cilima 9:26

O go den yedi: «Li Miali Diedo, Sem n ŋua yaa Tienu n baa ti pagidi, Kanana n tua o yonbo.

1 Bi Badiba Jama 5:20

Bi den baa mi todima ki fidi ki koani leni ba. Hagali yaaba leni yaaba n den ye leni ba kuli den baa bi nuu nni, kelima bu toabu yogunu bi den mia U Tienu todima, ke U Tienu mo den todi ba, kelima bi den dugi o po.

2 Bi Badiba Jama 20:20

Bi den faa ki fii ku tiŋaapanpangu, ki gedi Tekoa fanpienma po. Ban den caa yaa yogunu, Josafati den fii ki sedi ki yedi: «Cengi mani nni yinba Juda yaaba leni yaaba n ye Jerusalemi. Yin paagi mani yi baa, ki yaa dugi o Diedo yi Tienu po. Lanwani, yi baa yaa pa. Yin paagi mani yi baa, ki yaa dugi o saawalipuaba po, Yi baa paadi.»

2 Bi Badiba Jama 32:21

Lanwani, o Diedo den soani maleki Asiiri bado toagoli nni, ke o bolini a jakoanda kuli leni o toatieba yudanba kuli. Asiiri bado den guani ki kuni o denpo leni i fe. Dayenli o den kua o bulo dieli nni, ke o bijaba den kua ki kpa o leni ki jugisiega lienni.

Esidirasi 1:3

Yi siiga, ŋme n tie U Tienu nibuolu? Wan fii ki gedi Jerusalemi Juda diema nni, o Tienu n yaa ye leni o, wan ban maa o Diedo Isidayeli Tienu po ku diegu. Laa Tienu n ye Jerusalemi.

Esidirasi 6:11

Diidi ki le min bili yaa ñoamabonli yua n yie laa maama kuli po: Ban fidi o diegu ki ñani ku dafoagidigu lienni ki caani ki joani o ku po, ki mudi o diegu kun tua diegbengu.

Pisomi 103:20

Pagi mani o Diedo, Yinba o malekinba, Yinba yaaba n pia u paalu, Ki tiendi wan yedi yaala.

Pisomi 147:11

Wani o Diedo mangidi o pali Yaaba n fangi o po, Leni yaaba n dugi o ŋanbili po.

Pisomi 33:18

O Diedo nunbu nua yaaba n fangi o. Bani yaaba n dugi o ŋanbili po.

Pisomi 33:21

O teni ke ti pala mani, Ti dugi o yegagidikaali po.

Pisomi 34:22

Mi yebiadima kpaani o nibiado. Yaaba n nani o niteginka Baa kua ti buudi cuonu nni.

Pisomi 62:8

N faabima leni n kpiagidi ye U Tienu kane. Wani n tie n tangu yaagu n pia u fidu, Wani n go tie n wuonkaanu mo.

Mi Ñama 20:5

Yin da gbaani ki pugi la, yin da kpiagi la mo, kelima mini Li Miali Diedo yi Tienu, n tie yaa Tienu n pia li nunponli. N guandi bibaanba biadima panpaani bi bila kani, hali nifiimitaa bi nifiiminaa, yaaba n nani nni po.

Esayi 12:2

N faabima Tienu, N baa dugi a po, n kaa jie, Kelima Li Miali Diedo n tie n fidu leni n yanbu. Wani n tua n faabima.»

Esayi 37:36

O Diedo maleki den ñani ki pua Asiiri toagoli nni niba kobiga n piinii n tudamuu (185 000). Lan den fii ki faa, bikuli den tie tinkpiba.

Esayi 50:10

Yi siiga ŋme n fangi o Diedo Ki cengi o naacemo nialu? Yua n cuoni li biigili nni kuli, Ki naa pia mi yenma, Wan bili o dugidi o Diedo kani, Ki yaa dugi o Tienu po.

Danieli 2:47

O bado den yedi Danieli: «I moamoani, a Tienu tie U Tienu ki cie bi niba n ŋua yaala kuli, ki go tie bi badicianba kuli Diedo. Wani bebe n doagidi li bondoaginkaala, kelima a fidi ki doagidi n po li bondoaginkaala yeni.»

Danieli 3:25

O den guani ki yedi: «N nan nua nibinaa yo ke baa luo mo. Bi cuoni u mu nni, ke puu kuli ki pia ba. O ninaalo bugima tie nani tienu yene.»

Danieli 4:34

Moala mini Nebukanesa, n pagi ki go kpiagi tanpolijoma Tienu ki jigini o yeli. O tuona kuli tiegi moamoani, O bontienkaala kuli dagidi. O fidi ki jiini yaaba n cuoni leni ti japaadi.»

Danieli 6:16

Ama bi jaba yeni den jaligi ki guani o bado kani, ki yedi o: «O bado, ŋan tiadi ke Medi leni Persi yaaba bali maama bili, ke o bado n ñani yaa ñoamabonli bi yaa mabilikaama kan lebidi.»

Danieli 6:26

Li yaa puoli, o bado Dariyusi den soani i nibuoli, mi diema, i mabuoli leni yaaba niba n ye ŋanduna nni kuli kani, ki yedi ba: «Mi yanduanma n yaa pugidi yi po.

Matie 4:10

Jesu den yedi o: «Fuadi likani Sutaani, kelima li diani: ‹A baa kpiagi o Diedo a Tienu, ki yaa jaani wani bebe.› »

Jesu Tondiba Tuona 4:19

Pieli leni Jan den guani ki yedi ba: «Biigi mani ki le li yaa tiegi U Tienu po, ke tin tuo yi yaa maama ki cedi wani U Tienu yaama.

Jesu Tondiba Tuona 5:19

Ama ku ñiagu o Diedo maleki den luodi li kpaadidieli buliñoana ki ñani ba lienni, ki yedi ba:

LOMA YAABA 12:1

Lani yaa po, n kpiiba, n mia yi ki go tundi yi, kelima U Tienu ninñingbadima po, ke yin pa U Tienu yi yula nani yaa padili n fo, yaali n gagidi ki ŋani ki mani o po. Lani n tie lan pundi, yin yaa kpiagidi o maama.

1 Korenti 13:3

Ba n yaa bi boagidi n piama kuli Ki puni a luoda, Ba n yaa teni n gbanandi ke bi juu u mu, N yàá pia mi buama, Li kan todi nni liba.

Filipi 1:20

Min bua ki go sugini maama tie ke min da le i fe liba kuli po. Ama nani lan den kpa tie maama, li go tie yeni moala. N sugini ke Kilisiti n baa ti kpiagidi n miali yema kuli nni, min ye leni min kpe kuli.

Hebilunba 1:14

Malekinba yeni kuli ki tie fuoma, yaaba n tuuni wani U Tienu po ka? O tuuni bane ke bi todi mi tindima faajieba.

Hebilunba 11:37

Bi den lugidi bine a tana, ki waani bi tianba falaciamo, ki go jia bi tianba leni ti sasaadi ki jendi ba. Bi go den kpa bi nitianba leni mu jugisiemu. Bi nitianba mo den tie luoda, ki goadi ki yie ti pegbandi leni ti ŋuagbandi, ke bi niba bia bi po, ki wangi ba fala.

1 Pieri 1:21

Li tie wani Kilisiti yaa po ke yi daani U Tienu wani yua n den fiini o bi tinkpiba siiga, ki puni o ti kpiagidi, ke yin yaa pia li dandanli leni ti dugidi wani U Tienu po.

Mi Doagidima 12:11

Bi den paadi o, Kelima ki Pebiga soawulima Leni bi siedi maama po. Laa siedinba den luni bi miana, Hali kaa jie ba mi kuuma.