Danieli 12:2 - U TIENU MAAMA TILI 2013

² Yaaba n goa a takula nni siiga boncianla baa fii. Bi nitianba baa fii yaa miali n kan gbeni fiima, bi tianba mo baa fii yaa fe n kan gbeni yaa fiima.

Gourmanchéma Bible

² Yaaba n goa a kula nni siiga boncianla baa fii. Bi nitianba baa fii yaa miali n kan gbeni fiima, bi tianba mo baa fii yaa fe n kan gbeni yaa fiima.

Danieli 12:2 ပူးပေါင်းရင်းမြစ်များ

Mi Kpanjama 12:8

O nilo yama n baa teni ban pagi o, Ama bi fali o yanpiidaano wani.

Esayi 26:19

N niba, yi tinkpiba n guani ki faadi! N niba yaaba n kpe baa guani Ki fii bi tinkpiba siiga! Fundi mani, mangi mani yi pala, Yinba yaaba n dua mi tama nni, Kelima o Diedo baa guani ki pa yi Mi yenma mangu, Ki tinga mo n teni bi tinkpiba kuli n faadi.

Esayi 66:24

Lanwani, yi yaa ña, yi baa le Ke yaa niba n den fiini n po mi yiema yeni kuli, Kpe ki bili laalaa, Kelima bi sidibila kan kpe, Bi mu mo kan gbindi. Lanwani, li baa yaa tie nisaalimiali kuli po, Yaa bonla n gundi.»

Jeremi 20:11

O Diedo tie n po nani o jakoandimoano, Lani n teni ke yaaba n fii n po baa tuudi ki baa. Bi kan paadi. I fe baa cuo ba leni ban gbali maama. Li baa tua yaa fe n baa waagi Ki ye kaa pia sundima.

Esekieli 37:12

Lanwani, pua saawali ki yedi ba: Li Miali Diedo U Tienu yedi mi naa maama: ‹Yinba n niba, n baa luodi yi takula, ki ñani yi a takula yeni niinni, ki teni yin guani Isidayeli tinga nni.

Ose Tili 13:14

Mini o Diedo, n baa faabi Laa niba bi tinkpiba yekaanu nni? Naani n baa faabidi laa niba mi kuuma nuu nni? Fini mi kuuma, a jatiadi ye le? Fini mi kuuma, waani a paalu yuu n bolindi yeni. N kan gbadi laa niba po ninñimiba kuli.

Matie 25:46

Lani, bi baa gedi yaa fala n ki pia juodima kani, ama bi niteginkaaba baa gedi yaa miali n kan gbeni yaa kane.»

Jesu Tondiba Tuona 24:15

N daani nani bani yaaba n ye ne n daani maama, ke bi tinkpiba fiima ye, yaaba n tiegi leni yaaba n ki tiegi kuli po.

Jesu Tondiba Tuona 7:60

Lani, o den gbaani ki kpaani ki yedi: «N Diedo, da tuni ba ti naa tuonbiadi.» O den yedi yeni ki kpe. Soli den saa moamoani ban ku Etienni yeni po.

LOMA YAABA 9:21

O maado ki pia li bali ki taa ku yoagu ki tieni wan bua yaala yo? O kan ñani yoagikonyenli nni ki maa yaa tiagu n baa ye li tuonkpiagili po, ki go ñani laa yoagikonli nni ki maa yaa tiagu n baa ye li tuonfanli po yo?

1 Tesaloniki 4:14

Li yaa tie ke ti daani ke Jesu den kpe ki go fii bi tinkpiba siiga, ti go daani ke U Tienu baa fiini yaaba n daani o ki kpe kuli, kelima Jesu po. O baa teni ban taani leni o.

Mi Doagidima 20:12

N go den laa bi tinkpiba kuli, bi paatieba leni taliginba kuli, ke bi se li bali kalikaanu nintuali. Bi den gbabidi a tila. Bi go den gbabidi titoali, yaali n tie li miali tili. Bi den jia bi tinkpiba buudi nani bi bontienkaala n den tie maama, ki ŋua ban den diani bi po yaala a tila yeni niinni.