Danieli 11:45 - U TIENU MAAMA TILI 2013

⁴⁵ O baa tii o badigbandiena mi ñincianma leni yaa joagagidiŋanli n pia ti kpiagidi siiga. Lani, mi kuuma baa ludi o ke oba kuli kan todi o mo.»

Gourmanchéma Bible

⁴⁵ O baa tii o badigbandiena mi ñincianma leni yaa joagagidiŋanli n pia ti kpiagidi yaa siiga. Lani mi kuuma baa ludi o ke oba kuli kan todi o mo.»

Danieli 11:45 ပူးပေါင်းရင်းမြစ်များ

Pisomi 48:2

O Diedo yabi, Li pundi tin pagi ti Tienu o dogu nni, O joagagidikaali po.

Esayi 10:12

O Diedo yaa soani o tuonli Yaa yogunu ki gbeni, Siyon juali po leni Jerusalemi nni, N baa pa Asiiri bado o japaadi panpaani Leni o kafaanunnualima panpaani,

Esayi 11:9

Biadima leni bolinmiba kan tieni O Diedo joagagidiŋanli po, Kelima mi diema nni, Yuakuli baa bandi o Diedo Nani mi ñincianma n gbie Leni mi ñima maama yeni.

Esayi 14:13

A den tua a pali nni: «N baa do tanpoli. N baa bili n bali kalikaanu U Tienu ŋmabila yula po. N baa do ki kali i buli Kadikaanu juali po hali nujienu po.

Esayi 2:2

Mi juodima yogunu yaa pundi, O Diedo bili ke o diegu n ye yaa juali po, Baa kpedi ki cie a joabila kuli, Ba a joaciama moko. I nilanbuoli kuli mo baa yaa tigibi Ki caa likani.

Esayi 27:13

Landaali, bi baa piebi li naatuntuncianli. Yeni, yaaba n den bodi Asiiri diema nni, Baa guani ki cua. Yaaba n yadi Ejipiti diema nni Baa gbaani ki pugi o Diedo, Yaa juali n gagidi ki ŋani yuli po. Li baa tua Jerusalemi dogu nne.

Esayi 65:25

O fuasangbanlo leni ki pebiga baa taani Ki yaa kpaa kaanyendu, O yangbanlo leni o nua mo n baa taani Ki yaa ŋmani ti muadi. O wa mo yaa jiema n baa yaa tie mi tama. Fala leni bolinmiba kan go yaa ye N joagagidikaali yuli po.» O Diedo n yedi yeni.

Esayi 66:20

Bi baa ñani yi kpiiba i nilanbuoli kuli siiga, Ki tugi ba i taami leni ti toateliti po, yaa toateliti n liibi, I buomi leni ti yuoyuodi po ki cuani ba, N joagagidikaali Jerusalemi kani. Bi baa tua pienma padili o Diedo po, Nani Isidayeli yaaba n kpendinni bi pienma pada Leni yaa tiagu n ŋani bonŋanla nni O Diedo diegu po maama yeni. O Diedo n yedi yeni.

Esekieli 39:2

N baa dadi ki ñani a ki gedini a hali nujienu po, ki teni ŋan cua ki baa yaaba n ye Isidayeli diema juana po.

Danieli 11:16

O baa tieni wan bua maama, ke oba kuli kan yie o po. O baa kali yaa diema n ŋani ki cie mi diema kuli niinni, ki yaa bolindi yaala n baa o nuu nni kuli.

Danieli 11:41

O baa kua yaa diema n ŋani ki cie mi diema buoli kuli niinni. Bi niba boncianla baa kpe, ama Edomi, Moabi leni Anmoni yaaba yudanba baa cia.

Danieli 11:44

Ama yaa laabaalo n ñani puoli po leni nujienu po baa cua ki jieni o. O pali baa be boncianla wan fii ki gedi ki ban bolini bi niba boncianla.

Danieli 2:35

Lani, ti kudi, ku yoagu, ti kumoandi, ŋanjilifa leni wula yeni, den taani ki mudi yenma, ki tua nani yaa fenma n ye u jalu nni, ku fawaagu yogunu yeni. U faalu den liebi ki ñani likuli, ke puu kuli ki sieni likani. Ama yaa tanli n den pua li nisaali-nannanli yeni den tua joacianli ki gbieni ki tinga kuli.

Danieli 7:26

Li yaa puoli, li bujiali baa tieni, ban gaa ki yannaaga yeni bali kuli, ki bolini ka yaa yogunu kuli po.

Danieli 8:25

Kelima o nunfanbiadibu po, o baa baa ki boandi nitoaba. Ti japaadi baa kua o niinni wan bolini bi niba boncianla, yaaba n ye leni mi yanduanma. O baa fiini mi yiema bi badiba Bado po. Ama o baa bodi ke nisaalo nuu ki sii o.

Danieli 9:16

Ti Diedo, nani a ninñingbadima n yabi maama po, ŋan jiini a pali a dogu Jerusalemi a joagagidikaali po. Ti tuonbiadi leni ti baanba tudima teni ke yaaba n lindi ti kuli fali ti, ki yuandi Jerusalemi leni a niba.

Danieli 9:20

Danieli go den pugini ki yedi: «N den baa ki jaandi ki tuo ki doagidi n tuonbiadi leni n buolu Isidayeli yaaba tuonbiadi, ki miadi o Diedo n Tienu o joagagidikaali po.

Joeli 2:20

N baa deli ki foagidi nujienu po yibali leni yi. N baa deli ki bolini o Mu tinkuonmu nni leni a tinwaga nni. O toatieba yaaba n ye liiga, n baa deli Ki jiini ba puoli ñincianma nni. Yaaba n ye puoli mo, N baa deli ki jiini ba nintuali ñincianma nni. Bi tinkpila nuulu baa gbieni mi fawaama. Bani yaaba n tieni yi Mi biadima boncianla juodima n yeni.

Mise 4:2

I nilanbuoli boncianla baa yaa caa likani ki tua biyaba: «Cua mani tin do o Diedo juali yuli po, Wani Jakob Tienu diegu kani, Ke wan bangi ti o sani, Ke tin yaa cuoni yini yaa niinni.» Kelima li tie Siyon po yo, Ke li bali maama baa ña, O Diedo maama baa ña Jerusalemi dogu nne.

Sakari 14:8

Landaali li miali ñinbunli baa pudi Jerusalemi, Mi ñima yeni boagidima baa yaa puubi, Ki ban koa yaa ñincianma n ye puoli, Yaa boagidima n sieni mo, Yaa ñincianma n ye nintuali. Li baa yaa tie yene ku siagu leni li fali kuli.

Mi Coadima 34:5

U go baa cili Asimon, ki pegidi ki gedi Ejipiti kpenu po, ki ban tuoni mi ñincianma.

2 Tesaloniki 2:4

O baa fiini o yuli ki yie bi niba n nua yaala nani li tie U Tienu yeni, bi ban kpiagidi yaala kuli. O baa kua ki kali hali U Tienu diegu nni, ki yini o yuli U Tienu.

2 Tesaloniki 2:8

Lanyogunu, mi biadima daano baa doagidi, o Diedo Jesu n baa bolini yua leni o ñoabu fawaama. O cuama kpiagidi baa biidi o tuonli cain.

Mi Doagidima 13:10

Lan bili yua yaa po Ke bi baa gedini o ti yonbidi kuli, O baa gedi ti yonbidi. Yua n kpa nitoa leni ki jugisiega, Bi baa kpa omo leni ki jugisiega. Lani yaa po yo, ke li pundi bi nigagidiŋanba n yaa pia li juunli, ki se leni dandanli.

Mi Doagidima 20:2

O den cuo o bonfuodibiado, o waakpelo yeni, lani n tie, ku tuotabigu yudaano Sutaani, ki loli o hali bina tudili po.

Mi Doagidima 20:9

Bi den ñani ki tinga nni kuli ki cua ki baa U Tienu n bua yaa dogu, ki lindi ki cebini bi nigagidiŋanba toanagili leni o dobuadu. Ama u mu den ñani tanpoli po ki buoni ba.