Danieli 11:40 - U TIENU MAAMA TILI 2013

⁴⁰ Mi juodima yogunu yaa pundi, nuganu po diema bado go baa tuogi leni nujienu po diema yaa bado bu toabu, ama wani nujienu po diema bado baa baa o po nani ku tafaaciangu yeni leni ti toateliti leni bi tandanba leni yaa toañinbiadi n yabi boncianla. Wani nujienu po diema bado yaa kpendi, o baa poandi mi diema boncianla nni ki kandi i biani nani a ñingola yeni.

Gourmanchéma Bible

⁴⁰ Mi juodima yogunu yaa pundi, niganu po diema bado go baa tuogi leni nijienu po diema yaa bado bu toabu, ama wani nijienu po diema bado baa baa opo nani ku tafaaciangu yeni leni ti toateliti leni bi tandanba leni yaa toañinbiadi n yaba boncianla. Wani nijienu po diema bado yaa kpendi, o baa poandi mi diema boncianla nni ki kandi i biani nani a ñingola yeni.

Danieli 11:40 ပူးပေါင်းရင်းမြစ်များ

Esayi 21:1

Yaa saawalo n ye yaaba n kaa Mi ñincianma fanpienma nni po. Nani ku tafaaciangu n fu maama Nuganu po yeni, Yibali ña ban jie yaa diema Yaa fanpienma po ki kpendi.

Esayi 5:28

Bi piemi kuli luani, Bi dabana mo kuli kpali. Bi taami taawoga naani leni a tana yeni. Bi teliti mo yaa taana n yaa tie Nani o pinpinjoa yeni.

Esayi 66:15

Diidi, o Diedo ye u mu nni ki kpendi, O toateliti tie nani o pinpinjoa yeni, Ki baa tuu o panli leni li pabiencianli, Ki tuu o panli mo leni u mu.

Jeremi 4:13

Diidi, wani n do tanpoli nani ti tawadi yeni. O toateliti tie nani o pinpinjoa yeni, O taami jaligi ki cie jiebaninba. Ti bia n yeni! Bi soani ti tuonli!

Esekieli 38:4

N baa loagini yi yaagi ki dadi leni u paalu ki ñani fini leni a toagoli kuli, a taami leni a tanjagiba bani yaaba yaa tiayiekaadi n ŋani boncianla leni toatieba boncianla ke bi kubi a gbankafenciama leni a gbankafenbila, leni bani yaaba n bani mu jugisiemu tuonli.

Esekieli 38:9

Fini, a toagola leni yaa niba n ŋoadi a puoli yeni kuli, baa cua nani ku tafaaciangu ki libini mi diema nani a tawala yeni.›

Danieli 11:10

Nujienu po diema bado bijaba baa bogini bu toabu, ki taani yaa toagola n yabi hali boncianla. Bi siiga nni yendo baa suagi liiga ki gedi ganu po, ki yabi ki kandi nani u kpenciamu ñima yeni. O yaa lebidi ki guani ki kuni o denpo, o baa baa nuganu po diema bado toadieli yaali n pa.

Danieli 11:11

Lani, nuganu po diema bado pali baa be, wan ña ki tuogi leni nujienu po diema yaa bado. Nujienu po diema bado yeni baa taani yaa toatieba n yabi, ama o toagola yeni kuli baa baa nuganu po diema bado nuu nni.

Danieli 11:13

kelima nujienu po diema bado baa guani, ki taani yaa toagola n yabi ki cie mi kpiama. Binaba yaa pendi, o baa guani ki cua leni yaa toagola n yabi leni yaa toatiadi n yabi boncianla.

Danieli 11:22

O baa paadi yaa toagola n cua ki baa o kuli, ki go bolini U Tienu n den danli leni yaa buolu yaa yudaano yendo.

Danieli 11:25

O baa taani yaa toagoli n yabi, ki gedi leni u paalu leni li papaali, ki tuogi leni nuganu po diema bado bu toabu. Nuganu po diema bado yeni mo baa taani yaa toagoli n yabi ki pa, ki tuogi leni o, ama o kan fidi ki tuogi leni o lan gedi kaanu, kelima bi baa juogi o po ki janbi o.

Danieli 11:35

Bi siiga bi yanfuodanba boncianla baa kpe. Bi kuuma baa ŋanbi bi buolu ki teni ban pendi paipai, nani ban yen jugi ti kudi ki ñani ti joagindi maama yeni. Li baa yaa tie yeni hali mi juodima yogunu n pundi, kelima mi kan tieni se u yogunu pundi.

Danieli 11:39

O bulamo yeni baa todi o, wan baa i kaanpaali. Yaaba n tuo ki ŋoadi o, o baa dini ba li bali ban yaa die bi niba boncianla ki pa ba mu tinmu boncianla mun tua bi panpaani.

Danieli 11:7

O pua yeni baa diegu nni yua yendo, baa cua ki tuogi leni nujienu po bado toagoli bu toabu, ki kua o toadieli yaali n pa niinni, ki tieni wan bua maama likani, ki paadi ba.

Danieli 12:4

Fini Danieli, ŋan kubi mi maama yeni, lan yaa tie ŋasiili, ŋan da doagidi li tili yeni n yedi yaala, hali mi juodima yogunu n pundi. Li yogunu bi niba boncianla baa cogi li bi bancianma n pugini.

Danieli 12:9

O den guani ki yedi nni: «Danieli, ŋan da yagi a yama, kelima li baa yaa tie ŋasiili, ki puabi ki bili hali mi juodima yogunu.

Danieli 8:17

Gabriyeli den nagini min se naankani. Wan den nagini yaa yogunu, ti jawaandi den cuo nni, ke n baa ki labini. O den yedi nni: ‹Danieli, a tie nisaalo, ama ŋan bandi ke yaa bonlekaala n tie ne, waani mi juodima maama fuule.›

Habakuki 3:14

A muudi ki cibidi yibalinba yudanba yula Leni bani bi ba yaa piemi. Bi den fii nani ku tafaaciangu, Ki jaligi ki kpendi ki bua ki yadi ti, Ki kuudi leni li pamanli, Ki bua ki bolini ŋasiili nni yaa niba n ki pia paalu.

Sakari 9:14

O Diedo baa doagidi o niba yula po, O piemu baa gedi nani mi tañigima yeni. Li Miali Diedo U Tienu, baa piebi li naatuntunli, Ki yegi leni ganu po tafaaciangu ki cua.

Mi Doagidima 16:12

O malekiluobilo den wuli yaala n ye o tadibuoga nni u kpenciamu Efrati po ke u ñuudi, ki baa pigidi u sanu yaa diema n ye hali puoli po yaa badiba n baa yaa tagi naankani.

Mi Doagidima 9:16

Bi tandanba yaaba n den tie jakoanda coali den tie tuda piiga hali taalima tuda piilie (200 000 000). N den gbadi bi coali yeni.