Danieli 11:35 - U TIENU MAAMA TILI 2013

³⁵ Bi siiga bi yanfuodanba boncianla baa kpe. Bi kuuma baa ŋanbi bi buolu ki teni ban pendi paipai, nani ban yen jugi ti kudi ki ñani ti joagindi maama yeni. Li baa yaa tie yeni hali mi juodima yogunu n pundi, kelima mi kan tieni se u yogunu pundi.

Gourmanchéma Bible

³⁵ Bi siiga bi yanfodanba boncianla baa kpe. Bi kuuma baa ŋanbi bi nibuolu yaaba ki teni ban pendi paipai nani ban yen jugi ti kudi ki ñani ti joagindi maama yeni. Li baa yaa tie yeni hali mi juodima yogunu n pundi, kelima mi kan tieni se u yogunu pundi.

Danieli 11:35 ပူးပေါင်းရင်းမြစ်များ

2 Bi Badiba Jama 32:31

Li tie lani yaa po yo, ke Babilonni badibaanba n den soani o kani a tonda ke ban bandi yaa bancianma n den tieni o diema nni, U Tienu den ŋaa o ki biigi o ki bandi yaala n den ye o pali nni.

Mi Kpanjama 17:3

Bi biigidi ŋanjilifa leni wula Ku fantanbuogu nne, Ama yua biigidi a pala wani n tie o Diedo yo.

Esayi 27:9

Lani n tie ban baa duuni ki ñani Jakob tuonbiadi maama. O tuonbiadi sugili miabu mo n baa cuani yaala nne: O Diedo baa teni li padibinbinli tana kuli N mudi yomi yomi nani o kaalo yeni. O kan go cedi Akera budaadi n yaa go se, Ban juugi tulale naani kuli.

Danieli 11:27

Bani bi badilieba yeni baa taani saajekaanyendu, bi baa pua biyaba mi faama, kelima mi biadima n baa yaa gbie bi pala nni. Ama ban jagi yaala kan cuoni, kelima mi juodima yogunu daa pundi.

Danieli 11:29

U yogunu yaa pundi, o go baa fii ki gedi ki ban tuogi leni nuganu po diema bu toabu. Mani wani li kan tua nani mi kpiama yeni.

Danieli 11:33

Bi siiga nni, yaaba n pia mi yanfuoma ki cie, baa todi bi niba boncianla bani mo n baa mi yanfuoma. Ama bi siiga, bi baa kpa bi nitianba leni mu jugisiemu, bi tianba leni u mu, ki gedini bine ti yonbidi, ki fie bi tianba mo yaa piama. Li baa yaa tie yeni hali danaba.

Danieli 11:40

Mi juodima yogunu yaa pundi, nuganu po diema bado go baa tuogi leni nujienu po diema yaa bado bu toabu, ama wani nujienu po diema bado baa baa o po nani ku tafaaciangu yeni leni ti toateliti leni bi tandanba leni yaa toañinbiadi n yabi boncianla. Wani nujienu po diema bado yaa kpendi, o baa poandi mi diema boncianla nni ki kandi i biani nani a ñingola yeni.

Danieli 12:3

Yaaba n pia mi yanfuoma baa yendi, nani tanpoli yenma yeni, bani yaaba n bangi yaa niba n yabi ke bi lebidi ki ŋoadi mi teginma, baa yendi nani a ŋmabila yeni hali yaa yogunu kuli.

Danieli 12:4

Fini Danieli, ŋan kubi mi maama yeni, lan yaa tie ŋasiili, ŋan da doagidi li tili yeni n yedi yaala, hali mi juodima yogunu n pundi. Li yogunu bi niba boncianla baa cogi li bi bancianma n pugini.

Danieli 8:10

Li yinli yaali n den pudi yeni den tuogi leni tanpoli yaaba, ki teni ke bi siiga bi tianba leni a ŋmabila siiga a tiama baa tinga nni, ke li ŋmaa bikuli.

Danieli 8:17

Gabriyeli den nagini min se naankani. Wan den nagini yaa yogunu, ti jawaandi den cuo nni, ke n baa ki labini. O den yedi nni: ‹Danieli, a tie nisaalo, ama ŋan bandi ke yaa bonlekaala n tie ne, waani mi juodima maama fuule.›

Danieli 8:19

O den yedi nni: ‹N baa waani a yaala n baa cua U Tienu pabienli juodima yogunu, kelima li bili o pabienli juodima n baa cua yaa yogunu no.

Danieli 9:27

O bado yeni baa kuani o ŋantaado leni u paalu leni yaa niba n yabi, ki dagidi leni ba a binleleedi-juodikaana nni. O baa teni ke U Tienu padijuukaana leni o pienma pada n da go yaa padi hali ki pundi binataa leni boagidima. Wani o bolinka yeni baa yaa tiendi yaa tuoncagindi n bia ki pendi hali yaa bolinma n bili n baa o yuli po.› »

Habakuki 2:3

N jagi ki bili li bonlekaala yeni N baa tieni yaa yogunu. Li yogunu kan pendi. Ba li yaa waagi, ŋan yaa guu. Yen de! Li baa cua ke laa pia kuli tama, Li yogunu kan mibidi.

Sakari 13:9

N baa ŋaani bani yaaba n sieni ki fo yeni, Nani ban yen puli ŋanjilifa leni wula U mu nni maama, Ki ñani ti joagindi yeni. Bi baa yaa jaandi ki miadi nni, N baa yaa gaani bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

Matie 16:17

Jesu den guani ki yedi o: «Li pamanli ye leni a, Simon, Jonasi bijua, kelima nisaalo ka waani a la, n Baa yua n ye tanpoli n doagidi a po la.

Matie 26:56

Line kuli tieni ke bi saawalipuaba n den diani yaala n tieni ki dudi.» Lani, bi ŋoadikaaba kuli den ŋaa o ki sani.

Jan n diani U Tienu Laabaaliŋamo maama 15:2

Yaa benu n tuugi leni nni ki naa luoni kuli, o pedi u. Yaa benu n luoni mo kuli, o kpendi ki ŋanbidi u, wun yaa luoni ki pugidi.

Jan n diani U Tienu Laabaaliŋamo maama 20:25

Lani, o ŋoadikalieba den yedi o: «Ti laa o Diedo.» Toma den yedi ba: «N yàá laa a kukpaana bona o nii po, ki tuuni n nubili lienni, ki go tuuni n nuu o logili nni, n kan daani.»

Jesu Tondiba Tuona 13:13

Poli leni o lieba den ñani Pafosi ki kua ku ñinbiagu nni ki duodi ki gedi Panfili diema, ki pundi mi dogu Peja. Ama Jan Marki den paadi leni ba, ki guani Jerusalemi.

Mi Tiadima 8:16

O den teni ke yi dini mi fanpienma nni manni, yi yaajanba n ki den bandi yaala. O den faligi yi, ki biigi yi, ki nan yuandi ki tieni yi po li ŋanbili.

Jaki 1:2

N kpiiba, yin yaa nua ke yaa biigima buoli kuli n cua yi kani tie pamanli bonla,

Mi Doagidima 14:15

Malekitoa den ñani U Tienu diegu nni, ki kpaani ki yedi yua n kaa ku tawaligu po yeni: «Taa a moaciegu ki ce, kelima li yogunu pundi, ki tinga kpaandi mo beni.»

Mi Doagidima 17:17

kelima U Tienu puni ba yantiayenli ke ban tieni o yaa yanjagili bebe, ki pa ki fuayanga bi bali hali U Tienu maama n tieni ki dudi.

Mi Doagidima 2:10

Ŋan da jie ŋan baa ti le yaa fala. Cengi, li kan go waagi ke ku tuotabigu yudaano baa kuani yi siiga bi nitianba li kpaadidieli nni, lan tua yi po mi biigima. Bi baa waani yi fala dana piiga. Ŋan yaa tie nidugika hali mi kuuma. Lani, n baa pa ŋa li miali yaa badifogiliga.

Mi Doagidima 7:14

N den guani ki yedi o: «Canbaa, fini n bani!» O den yedi nni: «Bi tie yaaba n ñani o falaciamo nni, bi ŋuudi bi liadiciama ki Pebiga soama nni, ki pendi a.