Danieli 11:15 - U TIENU MAAMA TILI 2013

¹⁵ Lanwani, nujienu po diema bado baa cua, ki pundi yaa dogu n pa kani, ki dogini mi tama man kpedi ki pundi yaa bilinciamu n gaani ki cebini u dogu yuli po, ki fie u. Nuganu po diema bado toagola leni o jakoanda, kan fidi ki koani leni o, kelima bi fidu naa dagidi maama ke bi baa fidi ki sedi o nintuali.

Gourmanchéma Bible

¹⁵ Lanwani nijienu po diema bado baa cua ki pundi yaa dogu n pa ki dogini mi tama man kpedi ki pundi yaa bilinciamu n gaani ki cebini u dogu yuli po, ki cuo u. Niganu po diema bado toagola leni o jakoanda kan fidi ki koani leni o, kelima bi fidu naa dagidi maama ke bi baa fidi ki sedi o nintuali.

Danieli 11:15 ပူးပေါင်းရင်းမြစ်များ

Jeremi 33:4

O Diedo Isidayeli Tienu maadi u naa dogu diedi maama leni Juda badiba diedi maama, ki yedi: Bu toabu teni ke laa diedi tua diegbendi.

Jeremi 5:10

Do mani u dogu bilini po, Ki pua ki mudi mudi yi. Ama yin da bolini yi cain. Ñani mani i beni, kelima o Diedo ki die yi.

Jeremi 52:4

Wan kali ti gbandi po li binyiali nni, cipiiga dapiiga, Babilonni bado Nebukanesa den cua leni o toagoli kuli, ki baa Jerusalemi. O den kpaa ki lindi u dogu.

Jeremi 6:6

Li Miali Diedo U Paaciamu Kuli Daano yedi nanda: «Pedi mani ti daadi, Ki tiini ki deni i bilini, Ki gaani ki cebini Jerusalemi. Mini n taa u dogu yeni ki teni yibalinba, Kelima mabinga bebe n ye laa dogu nni.

Esekieli 17:17

Ejipiti bado Faraon kan fidi ki gaa o ba leni o toagocianli, kelima bu toabu yogunu, Babilonni yaaba baa fiini a tanbinbina, ki gbi ti buodi ki bolini niba boncianla.

Esekieli 4:2

Ŋan gbi ti buodi, ki wuli a tanbinbina, ki sieni a toagola leni bi toatieba yudanba, ki sieni ti toatiaciandi, lan yaa tie nani ban lindi yaa dogu ki baa u bu toabu yeni.

Danieli 11:14

Lanyogunu, bi niba boncianla baa fii ki yie nuganu po diema bado po. Fini Danieli buolu siiga nni, mi janjanma danba baa fii ki yedi ke bi baa tieni li bonlekaala yeni. Ama bi baa gbali.

Danieli 11:6

Binaba yaa pendi, wani leni nujienu po yaa diema yaa bado baa danli. Nuganu po diema bado bisalo, baa kuni nujienu po diema bado, ki teni bi ŋantaado n yaa fo. O pua yeni paalu kan yaa ye yogunu kuli, o calo kan yaa ye, bi biga mo kan yaa ye. Wani leni yaaba n den ciani o leni o baa leni o calo yua n den baa yaa kubi o baa kpe.

Danieli 8:7

N den laa ke li pundi li petonli kani ki fiini li pali ki tuoni li, ki kua li yinlieda yeni kuli, ke li petonli yeni ki fidi ki tuogi leni li, ke li gedi kaanu. Li den guli li petonli yeni ki ŋmaa li, oba kuli ki den fidi ki gaa li li ŋuabuali yeni kani.

Josue 1:5

Hali ŋan baa yaa ye, oba kuli kan fidi ki sedi ki pani a, kelima n baa yaa ye leni a nani min den ye leni Musa maama. N baa kubi a, n kan ŋaa ŋa abada.