Danieli 10:14 - U TIENU MAAMA TILI 2013

¹⁴ O den yedi nni: n cua a kani ki baa waani a yaala n baa ti faa ki cua a buolu po, kelima li go pia li bonlekaala lanyogunu po.»

Gourmanchéma Bible

¹⁴ N cua a kani ki baa waani a yaala n baa ti faa ki cua a nibuolu yaaba po. Kelima li go pia li bonlekaala laa yogunu po.»

Danieli 10:14 ပူးပေါင်းရင်းမြစ်များ

Mi cilima 49:1

Jakob den yini o bijaba ki yedi ba: «Taani mani ke n baa waani yi yaala n faadi ki ye yikuli yendo yendo po.

Esayi 2:2

Mi juodima yogunu yaa pundi, O Diedo bili ke o diegu n ye yaa juali po, Baa kpedi ki cie a joabila kuli, Ba a joaciama moko. I nilanbuoli kuli mo baa yaa tigibi Ki caa likani.

Esekieli 12:27

«Nisaalo biga, Isidayeli buolu tua, ke ŋan laadi yaa bonlekaala yeni kan tieni moala ka, ke ŋan pua yaa saawalo mo baa waagi ki daa tieni.

Esekieli 38:16

A baa fii ki cua ki baa n niba Isidayeli yaaba, nani ti tawadi n yen libini mi diema maama yeni. Laa bonla baa tieni mi juodima yogunu. N baa teni ŋan cua ki baa n diema, ke i nilanbuoli n bandi nni. N baa teni bi nilanba n bandi nni leni fini Gogi paalu.›

Danieli 10:1

Persi diema bado Sirusi bali bintaali, U Tienu ñoamabonli go den doagidi Danieli, ban go yi yua Belitisasari po. Li ñoamabonli yeni tie moamoani, ama li gbadima den pa boncianla. Danieli den baa li gbadima li bonlekaala nne.

Danieli 12:4

Fini Danieli, ŋan kubi mi maama yeni, lan yaa tie ŋasiili, ŋan da doagidi li tili yeni n yedi yaala, hali mi juodima yogunu n pundi. Li yogunu bi niba boncianla baa cogi li bi bancianma n pugini.

Danieli 12:9

O den guani ki yedi nni: «Danieli, ŋan da yagi a yama, kelima li baa yaa tie ŋasiili, ki puabi ki bili hali mi juodima yogunu.

Danieli 2:28

Ama tanpoli pia yaa Tienu n doagidi li bondoaginkaala. O bado, wani n waani a, yaala n baa ti faa ki cua.

Danieli 8:16

N den gbadi u nialu ke u ñani Ulayi kpenu siiga nni, ki kpaani ki yedi o: ‹Gabriyeli, bundi o joa ne po li bonlekaala yeni.›

Danieli 8:26

Ŋan laa ke bi maadi yaa tiŋaadi leni yaa yenjuadi maama li bonlekaala nni yeni, tie moamoani. Ama ŋan yaa kubi li bonlekaala yeni lan yaa tie ŋasiili, kelima li maadi yaa yogunu n ye hali liiga yaa po yo.

Danieli 9:22

O den maadi leni nni, ki waani nni: ‹Danieli, n cua ki baa doagidi a po saawali yeni fuule.

Ose Tili 3:5

Li yaa puoli, bi baa lebidi ki cua ki lingi o Diedo, bi Tienu leni bi bado, Davidi puoliŋuani siiga. Bi baa faa ki guani o Diedo kani leni li fangili, ki go baa o ŋanbili.

Mise 4:1

U yogunu yaa pundi, O Diedo bili ke o diegu n ye yaa juali po, Baa kpedi ki cie a joabila kuli, Ba a joaciama moko. I nibuoli baa yaa tigibi ki caa likani.

Habakuki 2:3

N jagi ki bili li bonlekaala yeni N baa tieni yaa yogunu. Li yogunu kan pendi. Ba li yaa waagi, ŋan yaa guu. Yen de! Li baa cua ke laa pia kuli tama, Li yogunu kan mibidi.

Mi Coadima 24:14

To, moala n baa lebidi ki kuni n buolu po. Cua ne, min tuodi ki waani a, laa nibuolu n baa ti faa ki soani a niba yaa tuona.»

Mi Tiadima 31:21

Fala leni li paboanli buoli boncianla yaa ti nandi ba yaa yogunu, bu naa yanbu, bi puoliŋuani n kan sundi yaabu yaa po yeni, baa yaa tie laa niba po siedi, kelima n bani cain dinla, ban jagi yaala hali ke n daa teni ke bi kua min poli ke n baa pa ba yaa diema yeni niinni.»

Mi Tiadima 31:29

N bani ke n yaa kpe, yi baa joagini ki go fiagi yi yula, ki ŋaa min bili yi po yaa sanu yeni. Lani, fala baa faa ki ŋmaa yi, kelima yi baa tieni mi biadima, hali maama ke yi baa fiini o pali leni yi nii bontienkaala.»

Mi Tiadima 4:30

Laa bonla kuli yaa tieni yi, ke yi ye li paboanli nni yaa yogunu, yi baa lebidi ki guani o Diedo yi Tienu kani, ki cengi o nialu.

2 Timote 3:1

N bua ŋan bandi ke a juodidana yaa nagidi, yaa yogini n pa baa cua.

Hebilunba 2:3

Lanwani, ti yàá fangi laa faabicianma, o Diedo wani o ba n den kpa waani ti yaama, ti baa tieni lede ki sani ki cia o cuonu? Yaaba n den gbadi laa maama o Diedo ñoabu nni, mo den tieni ti po siedi ke mi tie moamoani.