Amosi 9:14 - U TIENU MAAMA TILI 2013

¹⁴ N baa ñani n niba Isidayeli yaaba ti yonbidi nni, Ki go cuani ba ne. Bi go baa maa bi yibalinba n den bolini yaa dogi, Ki yaa ye i niinni. Bi baa ŋuu duven tiidi, ki yaa ñu i duven. Bi go baa yaa ko i kuani, ki yaa di yi bonluonkaala.

Gourmanchéma Bible

¹⁴ N baa ñani n niba Isalele yaaba ti yonbidi nni Ki go cuani ba ne. Bi baa go maa bi yibalinba n den bolini yaa dogi Ki yaa ye i niinni. Bi go baa ŋu duven tiidi ki yaa ñu i duven, Bi go baa ga i kuani ki yaa di yi kpaandi.

Amosi 9:14 ပူးပေါင်းရင်းမြစ်များ

Pisomi 107:37

Bi coagi bi kuani, ki ŋuu i duventiidi, Ke yi luoni hali bonŋanla.

Pisomi 53:6

Lankane ke bi digibi Kelima ti jawaandi po, Ke puu kuli naa jieni ba. U Tienu baa yadi yaa niba n cua ki jiidi, Ki baa tuogi leni a yeni kpaba. N baa teni ban le i fe kelima U Tienu deli ba.

Esayi 60:4

Yaadi a nuni ki diidi a gaanilindima. Bi niba kuli taagi ki kpendi a kani. A bijaba ñani foagima ki bugi a bisiaba ki kpendi ne.

Esayi 61:4

Bi baa guani ki maa a diegbenbuona nni. Bi baa guani ki maa ki fiini Ban den bolini yaa kaani hali yogu. Bi baa guani ki maa ki ŋanbi Ban den bolini yaa dogi, Yii n den bodi hali yogu yeni.

Esayi 65:21

Bi baa maa a diena, Ki go yaa ye a niinni. Bi baa ŋuu i tikuani, Ki go ŋmani i bonluonkaala.

Jeremi 12:15

Ama n yaa ŋabi ba yaa yogunu, se mi ninñima n guani ki cuo nni bikuli yendo yendo po, min goa ki guani ba yuakuli o tinga nni, yuakuli o diema nni.

Jeremi 16:15

Ama bi baa yedi: ‹O Diedo fo, wani yua n ñani Isidayeli yaaba, nujienu po diema leni wan den yadi ba yaa diema nni kuli.› N baa guani ki cuani ba, min den puni bi baanba yaa diema nni yeni.»

Jeremi 23:8

Ama bi baa poli ki yedi: ‹Hali o Diedo yua n fo po, wani yua ñani ki go guani Isidayeli buolu, ban den ye nujienu diema po leni min den yadi ba yaa diema nni kuli.› Bi baa yaa kaa bi tinga nni.»

Jeremi 24:6

N baa diidi ba leni ki nunmanga, ki go teni ban guani mi naa diema nni. N baa maa ba, n kan mudi ba. N baa ŋuu ba, n kan ŋabi ba abada.

Jeremi 29:14

N baa teni yin le nni. Mini o Diedo n yedi yeni. N baa teni yi yonbi n guani ki kpeni. N baa ñani yi min den gedini yi ti yonbidi yaa diema nni leni yin den yadi yadi ki ye yaa nibuolu leni yaa kaani kuli nni. N baa taani yi, ki go kpeninni yi, min den deli ki ñani yi naani.» Mini o Diedo n yedi yeni.

Jeremi 30:18

O Diedo maadi mine: «N guani ki kpeninni Jakob puoliŋuani Yaaba n den ye ti yonbidi, Ki juogi a diedi yaaba. Bi baa guani ki maa u dogu, A diegbenbuokpela nni. Ki maa badidiegu ku kaankpelu nni.

Jeremi 30:3

A dana kpendi, mini o Diedo n yedi ke n baa teni n niba Isidayeli leni Juda yaaba, yaaba n den ye ti yonbidi yeni n guani min den puni bi baanba yaa diema nni. N baa teni ban guani ki diedi ma.» Mini o Diedo n yedi yeni.

Jeremi 31:23

Li Miali Diedo U Paaciamu Kuli Daano, Isidayeli Tienu maadi yaa maama n tie ne: «Diidi mani ban go baa yedi yaala Juda diema leni mi dogi, min baa teni bi yonbi n guani ki kpeni yaa yogunu: ‹Fini mi teginma diegu, mi gagidiŋanma juali, o Diedo n seligi a!›

Jeremi 31:28

Nani min den ŋabi ba, ki pua ki luni ba, ki bolini ba, ki kpa ba, ki go tieni ba yaala n bia maama yeni, n go baa fiini ba ki ŋanbi bi yema yene. Mini o Diedo n yedi yeni.

Jeremi 31:5

Yi go baa ŋuu i duventiidi Samari juana po. Yaaba n ŋuu i tiidi yeni, N go baa sobidi yi bonluonkaala.› »

Jeremi 32:15

Li Miali Diedo U Paaciamu Kuli Daano, Isidayeli Tienu yedi: «Bi go baa yaa daa ti diedi, i kuani leni duven tiidi kuani mi naa diema nni.»

Jeremi 32:37

«N baa taani ba, min den yadi ba yaa dogi nni kuli, n pabienli, n mutuoli, n pabiidili leni n pali n den boandi bi po yaa yogunu. N baa guani ba nekanba, ki teni ban yaa ye leni mi yanduanma.

Jeremi 33:11

I pamandanyani, li pamankandikaali yani, togibaa leni toginaa yani. Yi go baa gbadi ke bi niba yiini ki tua: ‹Pagi mani Li Miali Diedo U Paaciamu Kuli Daano kelima o ŋani, o ŋanbili mo ye hali yaa yogunu kuli!› Yi go baa gbadi yaaba n cuani i tuondi pada yani o Diedo diegu nni. N baa teni yaaba n den ye ti yonbidi n guani ki kpeni min kaani ba nani kpiama yeni. Mini o Diedo n yedi yeni.»

Jeremi 33:7

N baa teni Juda leni Isidayeli niba yaaba n ye ti yonbidi n guani, min kaani ba nani kpiama yeni.

Esekieli 16:53

N baa guani bi yonbi, Sodomi leni o bisiaba yonbi, Samari leni o bisiaba yonbi, ki taani leni a yaa yonbi yaaba n ye bi yaa yonbi siiga.

Esekieli 28:26

Bani Isidayeli yaaba baa yaa ye mi niinni leni mi yanduanma. Bi baa yaa maa ti diedi, ki ŋuu duven tiidi kuani. Bi baa yaa ye mi niinni leni mi yanduanma, min baa jia yaaba n lindi ba ki fali ba buudi yaa yogunu. Lani, bi baa bandi ke n tie Li Miali Diedo bi Tienu.»

Esekieli 37:21

Li yaa puoli, a baa waani ba mini o Diedo U Tienu n yedi yaala. N baa taani Isidayeli yaaba ban den ye yaa nilanbuoli siiga, ki ñani ba lipo, ki guani ki kaani ba bi yaa diema nni.

Esekieli 39:25

Ama o Diedo U Tienu yedi: «Moala n baa guani Jakob buolu, ban den cuo yaaba ti yonbidi yeni, ki gbadi Isidayeli buolu po mi ninñima. N baa yaa pia li nunponli, n yeli yaali n gagidi ki ŋani yeni po.

Amosi 5:11

Yi ŋmaadi o luodo, Ki fenli o kani ŋalikama. Li tie lani yaa po yo, ke yin maa yaa dieŋama Leni a tankpiekaana yeni, Yi kan kua a niinni. Yin ŋuu yaa duventiidi ke yi ŋani hali boncianla yeni, Yi kan ño li duven.

Sofoni 1:13

Ama bi yibalinba baa tugi bi piama, Ki bolini bi diedi mo. Bi maa ti diedi ki nan kan kua lienni, Ki ŋuu duven tiidi ki nan kan ño li daama.»

Sofoni 2:7

Juda niba yaaba n sieni baa Diedi laa kaanu, Bi baa yaa kpaa bi yandi lankani. Ku juogu yaa yen baa mo, Bi baa n duani Asikalon dogu diena nni, Kelima o Diedo bi Tienu baa guani ki ŋanbi bi yema.»