Amosi 8:3 - U TIENU MAAMA TILI 2013

³ Mini, o Diedo U Tienu yedi line: «Landaali yaa pundi, ban yiini badidiegu yaa yani Baa lebidi ki tua moe. A tinkpila baa yaa yabi. Bi niba baa yaa tugi a tinkpila yeni ki ban lu i kaani kuli. Li baa yaa tie ŋminma bebe.»

Gourmanchéma Bible

³ Mini, O Diedo Li Miali Diedo, yedi line: «Laa daali yaa pundi, ban yiini badidiegu yaa yani Baa lebidi ki tua moe. A kpiema baa yaa yaba. Bi niba baa yaa tugi a kpiema yeni ki ban lu i kaani kuli. Li baa yaa tie ŋminma bebe.»

Amosi 8:3 ပူးပေါင်းရင်းမြစ်များ

Pisomi 39:9

Faabi nni leni n tuonbiadi kuli. Da tuo o yanluodaano n yaa fiagidi nni.

Esayi 37:36

O Diedo maleki den ñani ki pua Asiiri toagoli nni niba kobiga n piinii n tudamuu (185 000). Lan den fii ki faa, bikuli den tie tinkpiba.

Jeremi 22:18

Lani n teni ke o Diedo maadi Yaa maama n tie ne, Juda bado Joakimi, Josiasi bijua po. O kan baa ban ŋanbi o kuuma, ki mua ki yedi: ‹Ŋain n kpiiba, mi naa yema te? Ŋain mi naa yema te?› O kan baa ban ŋanbi o kuuma ki mua ki yedi: ‹Ŋain n daano, mi naa yema te? Ŋain bu toabu daano, mi naa yema mo te?›

Jeremi Bubula 2:10

Siyon nikpela kaa tiipo ki ŋmini. Bi wuli mi tama bi yula po, Ki lani li paboanli tiadi. Jerusalemi jafanba, Tibini bi yula ki diidi tiipo.

Joeli 1:11

Bi kpakpaaba gbani wudi, I duventiidi kpakpaaba buudi ŋalikama leni orje po, Kelima i kuani bonluonkaala bia cain.

Joeli 1:13

Yinba bi kopadicianba, La mani li paboanli tiadi ki biidi yi pala. Yinba yaaba n tuuni li padibinbinli kani, mua mani. Cua mani ku ñiagu ki duani ki la li paboanli tiadi, Kelima mi pienma pada leni a ñincaba bodi ti Tienu diegu nni.

Joeli 1:5

A dañogaada, fundi mani ki mua boncianla. Yinba yaaba n ñu duven, buudi mani, Kelima bi babidi yi yi dapanma.

Levi 10:3

Musa den yedi Alono: «U Tienu o Diedo den tuodi ki waani yi lane wan den yedi: ‹N bua ke yaa niba n nagidi nni n yaa fangi n gagidiŋanma, ki kpiagi nni bi niba kuli nintuali.› » Alono den ŋmini suo.

Amosi 4:10

N den luni yi siiga u yianbiadipuodiko Yuu n naani leni Ejipiti yuu, Ki teni ke bi kpa yi nipanba leni mu jugisiemu, Ki fie yi taami mo. N den teni ke yi toanagili tinkpila nuulibiadu kua yi. Ama ba leni lani kuli, yii den lebidi ki guani n kani. O Diedo n yedi yeni.

Amosi 5:16

Lani yaa po, Li Miali Diedo, U Tienu, U Paaciamu Kuli Daano, O Diedo yedi yaa maama n tie ne: «Bi niba baa mua i kumoe u dogu nitaankaani nni Leni i sani nni kuli, ki yedi: ‹Ŋain!› Bi baa yini ba bi kpakpaaba, ban cedi bu kpaabu, Ki cua ki mua i kumoe, Bi baa yini yaaba n bani i wanli, ban cua ki wanli.

Amosi 5:23

Foagidi mani n kani leni yi yani fuugu, Mii cengi yi gogiditi puama.

Amosi 6:4

Yi dua ban tabini yaa duani a luonñina, Yi dua yaa cabiladikaana n dingi bonŋanla po, Yi ŋmani i yankuli pebila Leni a naatonbiwubida.

Amosi 6:5

Yi pua ti gogiditi, Ki tama ke bi bani mi baantiama nani Davidi yeni.

Amosi 6:8

Li Miali Diedo U Tienu taa wani o ba yeli ki poli, Li Miali Diedo U Tienu, U Paaciamu Kuli Daano yedi yaa maama n tie ne: «N nani Jakob puoliŋuani japaadi, Ki nani bi dieŋama mo. N baa taa bi dogu Samari leni yaala n ye u niinni, Ki teni bi yibalinba.

Amosi 8:10

N baa lebidi yi badi dana, ŋan tua paboanli dana, Ki lebidi yi yani kuli mo, yin tua kumoe. N baa teni bi niba kuli n la li paboanli tiadi, Ki doagidi bi paboanli. N baa kuo ba yubima, Ki teni li paboanli n cuo mi diema yaaba kuli, Nani bonjayenga kuuma yeni. Landaali cilima hali li juodima baa yaa tie paboanli daali.»

Nahumi 3:3

Bi tanjagiba tiini ki caa mi janjanma po, Ke bi jugisiemu pelini, ke bi kpaana mo ñuliti. Yaaba n poagili yabi ki kandi, Ke yaaba n kpe kaa pia coali duogi duogi biyaba po. Bi niba tuudi bi tinkpiba ki baali.

Sofoni 1:7

Cuo mani yi ñoana o Diedo U Tienu nintuali, Kelima o pabienli daali nagini. O bogini li padili ki gagidi ki ŋanbi wan yini yaaba.