Amosi 8:2 - U TIENU MAAMA TILI 2013

² O den buali nni: «Amosi, a nua be?» N den guani ki yedi o: «N nua baabuogu ke ku pia yaa bonluonkaala n beni.» O Diedo den guani ki yedi nni: «N niba, Isidayeli yaaba juodima pundi, N kan go tieni bi po sugili.»

Gourmanchéma Bible

² O den buali nni: «Amosi, a nua be?» N den goa ki yedi o: «N nua baabuogu ke ku pia yaa bonluonkaala n beni.» Li Miali Diedo den goa ki yedi nni: «N niba, Isalele yaaba juodima pundi, N kan go tieni bipo sugili.»

Amosi 8:2 ပူးပေါင်းရင်းမြစ်များ

Mi cilima 6:13

Lani yaa po, U Tienu den yedi Nowe: «N bili ke gbanandi kuli yaa juodima pundi, kelima bi gbieni ki tinga leni mi biadima. Diidi, n baa bolini bani leni ki tinga kuli.

Esayi 28:4

Leni yaa puuma n mali Ki tie wan bobi yaa tiadi, Ke ti ŋani ki yiini yaa joaloangu N pia ti bugidi po. Samari baa yaa tie nani yaa kankanli N jaligi ki beni ke bi laa li Ke a kankana sobidiyogunu daa pundi. Yua n kpa laa li, baa sobidi ki jaligi ki liani li.

Jeremi 40:10

N baa yaa ye Misipa ki guu Babilonni yaaba, yaaba n baa cua ti kani. Yinba wani, yin ban ñani duven tiidi bonluonkaala leni yaa bonluonkaala n pugidi leni mi kpama ki tieni likuli yi tiadi nni. Yaa ye mani yin baa guani ki kali yaa dogi nni.»

Jeremi 5:31

Lani n tie: Bi saawalipuaba pua mi saawalifaama, Bi kopadicianba lingi bi yucela ŋamu bebe, N niba mo sua ke lani n dagidi bi po. Yi baa tieni lede saala po?

Jeremi Bubula 4:18

Bi den ŋua ki bolindi ti taaboe kuli, Ki baa yie ti po ke tin da go guani ti kaani po. Ti miana juodima nagini, ti dana tuoni! Yeni de! Ti kuuma nagini!

Esekieli 12:23

Ŋan yedi ke o Diedo U Tienu yedi: n baa teni laa kpanjama n gbeni. Bi kan go pua laa kpanjama Isidayeli diema nni. Ŋan yedi ba ke a dana kpendi, ke laa bonlekaala kuli baa tieni.

Esekieli 29:8

Li tie lani yaa po, ke mini o Diedo U Tienu yedi mi naa maama: N baa teni ki jugisiega n baa ŋa ki bolini a kani bi niba leni ti yandi.

Esekieli 3:10

O go den pugini ki yedi nni: «Nisaalo biga, ŋan gaa a pali nni, ki go diadi a tuba ki cengi, min baa yedi a yaa maama kuli.

Esekieli 3:7

Ama bani Isidayeli yaaba, bi kan cengi a, kelima baa bua ki cengi nni. Bikuli tuli pa, ke bi pala mo juagi.

Esekieli 7:6

Mi juodima cua ki gbeni, O falajuodika cua ki gbeni, O cua ki baa baa yi.

Esekieli 8:12

U Tienu den yedi nni: «Nisaalo biga, ŋaa laa Isidayeli yaaba nikpela, yuakuli o dieli nni, wan gagidi yaa kaanu, ki tiendi yaala li biigili nni o bulo po? Bi tua: ‹O Diedo naa nua ti, o ŋaa mi diema.› »

Esekieli 8:17

U Tienu den yedi nni: «Nisaalo biga, a ko nua ban tiendi yaala? Baa tiendi lani bebe ka, bi kuani u paabiadu mi diema nni, ki biendi n pali ki pugidi. Diidi, bi nagidi li tibenli bi miani kani.

Esekieli 8:6

O den yedi nni: «Nisaalo biga, a nua ban tiendi yaala? Diidi Isidayeli yaaba n tiendi yaa caginciandi ki bua ki teni min foagidi leni n kaangagidiŋamu. Ama a go baa le cagintoadi yaadi n bia ki cie tine.»

Ose Tili 9:7

«U Tienu n baa waani Isidayeli yaaba fala yaa dana pundi, Ti buudi dana pundi, Mi biadima panpaani dana mo pundi.» Bi baa bandi la. Bi tuonbiadi yabinu leni bi nanga teni ke bi tua: «U Tienu saawalipualo yama bodi, U Tienu n soani wani yua yeni tie nani o gaado yeni.»

Amosi 7:8

O Diedo den buali nni: «A nua be?» N den guani ki yedi o: «Baabibiigiko.» Lani, o Diedo den yedi: «N biigidi n niba Isidayeli yaaba leni laa baabu yo. N kan go tieni bi po sugili.

Amosi 8:1

Li Miali Diedo U Tienu, den doagidi n po yaala n tie ne: N den laa yaa baabuogu n pia yaa bonluonkaala n beni.

Mise 7:1

Ŋain, n tie nani yaa nilo n fii Ki baa n cie o tiidi bonluonkaala u jetaagu yogunu yeni. Ama wan ban pundi waa laa wan baa ŋmani yaala. Waa laa o yama n bi ye yaa kankankpiala nni, Ba bonyenli bu tibu po.

Sakari 5:2

Maleki den buali nni: «A nua be?» N den guani ki yedi: «N nua tigbabikaali ke li yugi. Li foaginu tie nukpanduna piilie, li pianu mo nukpanduna piiga.»