Amosi 7:6 - U TIENU MAAMA TILI 2013

⁶ O Diedo den lebidi o yama laa bonla po. O den yedi ke lani moko kan tieni.

Gourmanchéma Bible

⁶ Li Miali Diedo den lebidi o yama laa bonla po. O den yedi ke lani moko kan tieni.

Amosi 7:6 ပူးပေါင်းရင်းမြစ်များ

Mi cilima 6:7

O Diedo den yedi: «N baa bolini min den tagi yaa nilo ki ñani o ki tinga nni cain, ki cili o nilo ki yaa caa hali ti denyandi, li bonbalinkaala leni tanpoli bonyugiditi, kelima n lebidi n yama. N mua ke n yàá den tagi ba.»

1 Bi Badiba Jama 21:15

O Diedo den soani Maleki Jerusalemi dogu nni, ke wan bolini u. Nani wan den bolindi u maama po, o Diedo den yedi yaa Maleki n bolindi yeni: «Li dagidi, jiini a nuu.» O Diedo maleki den se ki kuu leni Jebusi yua Ornani jalu kani.

Pisomi 106:45

O den tiadi wan den kuani Yaa ŋantaado leni ba po, Ki den gbadi bi po mi ninñima, O ŋanbicianli po,

Pisomi 135:14

O Diedo baa saa o niba po i moamoani, Kelima o baa gbadi o naacenba po mi ninñima.

Pisomi 78:38

Ama wani yua n pia mi ninñingbadima, Den puni ba sugili bi tagili po, Ki naa bolini ba. Yogunu boncianla o yen ñiigi o pali, Ki tiendi li juunli.

Pisomi 90:13

O Diedo, hali u laa yogunu yo Ke a baa lebidi ki guani ti kani? Gbadi a naacenba po mi ninñima!

Mi Ñama 32:14

Lanwani, o Diedo den lebidi o yama, waa den tieni wan den jagi ke o baa pua o niba yaa nufanu leni yaa yebiadima.

Jeremi 26:19

Naani Juda bado Esekiasi leni Juda yaaba kuli den cuo o ki kpa o yo? Naani baa den doagidi ke bi pia li fangili o Diedo po, ki moandi ki baa jiini o pali ka? Lanwani, o Diedo den cedi wan den jagi ke o baa tieni ba yaala ke li bia yeni. Tinba wani baa tuo ki tuni ti yuli laa janda?»

Jeremi 42:10

‹Yi yaa tuo ki ye mi naa diema nni, N baa pugini yi paalu, N kan bolini yi. N baa ŋuu yi, n kan ŋabi yi, Kelima n pali ki go mangi Min tieni yi yaa biadima po.

Joeli 2:13

Da padi mani yi tiayiekaadi bebe ka, Se yin lebidi yi yama.› Lebidi mani ki cua o Diedo yi Tienu kani, Kelima o juogidi yi ki gba yi po mi ninñima. O pali ki be tontoni ki go pia li ŋanbili mo. O yen lebidi ki ŋaa wan bi jagi yaa bonbiadila.

Amosi 7:3

O Diedo den lebidi o yama laa bonla po, Ki yedi ke li kan tieni.

Amosi 7:7

O Diedo den doagidi n po yaala n tie ne: N den laa wani o Diedo ke o se u bilinu po, Ban maa yuu leni u baabibiigiko, O den muubi o nuu nni u baabibiigiko.

Jonasi 3:10

U Tienu n den laa ke bi tieni yeni, ki lebidi ki ŋaa bi sanbiadi, o den lebidi o yama ki jiini o pali, ki naa go tieni wan den jagi ke o baa tieni ba yaala.

Jonasi 4:2

ke o mia o Diedo, ki yedi: «O Diedo, hali min den ye n diema nni, min den li jie yaala ka ne. N den bani ke a tie yaa Tienu n juogidi, ki gba mi ninñima, ke a pali ki be tontoni, ki go tiendi mi ŋanma. A yen lebidi a yama ki cedi ŋan bi jagi ke a baa tieni o nilo yaala. Lani yaa po yo, ke n den tiini ki caa Tarsisi.

Bi Bujiaba 10:16

Lani, bi den ñani i buli bi siiga ki guani ki ŋoadi Li Miali Diedo. Ban den ye leni yaa fala den cuo o Diedo mi ninñima.

Bi Bujiaba 2:18

O Diedo yaa den puni ba gobidika yaama kuli, o yen ye leni laa gobidika, ki gaani Isidayeli yaaba bi yibalinba nuu nni wani o gobidika yeni miali dana nni kuli. Yaaba n den mabindi ba yaa den wangi ba fala ke bi buudi, o Diedo den gba bi po mi ninñima.