Amosi 7:4 - U TIENU MAAMA TILI 2013

⁴ O Diedo n Tienu den doagidi n po yaala n tie ne: N den laa wani o Diedo ke o ki kpaani ki tua Ke o baa jia o niba buudi leni u mu. U mu yeni den teni Ke yaa ñincianma n ye ki tinga tiipo ñuudi, U den cili ki buondi mi diema.

Gourmanchéma Bible

⁴ O Diedo, Li Miali Diedo, den doagidi npo yaa bonlekaala n tie na: N den laa wani o Diedo, Li Miali Diedo kpaani ki tua Ke o baa jia o niba ti buudi leni mi fantama, Mi fantama yeni den teni Ke yaa ñincianma n ye ki tinga tiipo ñuudi, Mi den cili ki buondi mi diema.

Amosi 7:4 ပူးပေါင်းရင်းမြစ်များ

Esayi 27:4

N kan go bieni n pali n duven tikuanu yeni po. Ama n yaa laa konkoni bi kongoaba, N baa pedi i kuli, ki juu i u mu.

Jeremi 21:12

Davidi diegu yaaba, Cengi mani o Diedo maama! O Diedo yedi nanda: «Yaa tiendi mani mi teginma yaa yogunu kuli. Faabi mani ban janbidi yua, Yaa nilo n duoliti o nuu nni. Lani n tie n pali n da ti fii Ki cuo nani u mu yeni, Ki cuo maama ke bi kan fidi ki gbindi u, Kelima yi tuona n bia maama po.»

Jeremi 4:4

Kua mani ku koanciagu o Diedo po. Yinba Juda leni Jerusalemi yaaba, Lebidi mani yi pala. Lani n tie n pali n da be, Ki cuo nani u mu yeni, Ki cuo yaa cuoma ke bi kan fidi ki gbindi u, Kelima yi tuadibiada n gundi maama po.

Esekieli 21:3

Ŋan yedi nuganu fuali po yaaba: ‹Cengi mani o Diedo maama! Mini o Diedo U Tienu yedi: Mini n ba cuoni u mu yi siiga, u baa buoni i tisoangidi leni i tikuondi kuli. U mu yeni kan gbindi, yaala n ye u mu yeni niinni kuli baa juu, ki cili nuganu ki yaa caa hali nujienu.

Joeli 1:19

O Diedo, n jigidi ki nua fine Ki kpaani ki miadi a todima! Kelima u mu dini li yankpaafuali, U mupienu mo juu i kuani tiidi.

Levi 10:2

Lanyogunu, u mu den ñani o Diedo nintuali ki juu ki buoni ba. Bi den kpe lankani o Diedo nintuali.

Amosi 1:4

N baa soani u mu Wun buoni o bado Asayeli puoliŋuani. U baa je o bado Beni-Adadi diegu.

Amosi 1:7

N baa soani u mu Gasa dogu bilini nni, U baa je likani dieŋama.

Amosi 2:5

N baa soani u mu Juda diema nni, Wun je yaa dieŋama n ye Jerusalemi.»

Amosi 4:11

N den bolini yi siiga bi tianba, Nani min den bolini Sodomi leni Gomori dogi maama yeni. Yi siiga yaaba n sieni den tie nani ban kuudi Yaa datala u mu nni yeni. Ba leni lani kuli, yii den lebidi ki guani n kani. O Diedo n yedi yeni.

Amosi 5:6

Lingi mani o Diedo, ki baa ki yaa fo. Lani yaa ka, o baa cua nani u mu Josefi puoliŋuani siiga, Ki buoni yaala n ye Beteli kuli, Ke oba kuli kan fidi ki gbindi u.

Amosi 7:1

Li Miali Diedo U Tienu den doagidi n po yaala n tie ne: N den laa ke wani o Diedo tagi i naaci, Li muabunli n den cili ki kpedi yaa yogunu. Laa muabunli den tie ban den ceni o bado po ti muadi, Ke yaala n go yuandi ki bundi.

Amosi 7:7

O Diedo den doagidi n po yaala n tie ne: N den laa wani o Diedo ke o se u bilinu po, Ban maa yuu leni u baabibiigiko, O den muubi o nuu nni u baabibiigiko.

Mise 1:4

O ŋmaadi a juana ke a nandi Nani ti sindi n yen nandi U mu kani maama yeni, Ki tiini ti joaloandi nni Nani yaa ñima n tiini ki ji li juali yeni.

Nahumi 1:6

U Tienu pali yaa beni, Oba kuli kan fidi ki sedi. O pali yaa beni boncianla, Oba kuli kan fidi ki yaa ye. O pali co nani u mu yeni. A tana pudi ki yagidi o nintuali.

Mi Coadima 16:35

U mu den ñani o Diedo kani, ki buoni, kobilie n niba piimuu yaaba n den se ki kubi tulale yeni.

Mi Tiadima 32:22

N pabienli bia nani u mu, Ki co ki pundi hali bi tinkpiba diema nni. Mi buondi ki tinga leni ki bonluonkaala kuli, Ki buondi a juana tanpuuna.

Hebilunba 1:7

Wan maadi malekinba po, o yedi: «O teni ke o malekinba Tua nani u faalu yeni, Ki go teni ke o naacenba tua mupienu.»

Mi Doagidima 4:1

Lani n pendi, n go den laa ke bu buliñoabu yaa tanpoli. Min den kpa gbadi yaa nialu ke u naani leni ban piebi kakaci yeni, go den yedi nni: «Do ki cua na, n baa waani a yaa bonla n baa yuandi ki cua tiladi.»