Amosi 7:16 - U TIENU MAAMA TILI 2013

¹⁶ Moala, ŋan cengi, fini yua n yedi ke min da pua saawali Isidayeli yaaba po, ke min da maadi U Tienu n yedi yaala Isaaka puoliŋuani po.

Gourmanchéma Bible

¹⁶ Moala, ŋan cengi, fini yua n yedi ke min da pua sawali Isalele yaaba po, ke min da maadi U Tienu n yedi yaala Isaaka puoliŋuani po.

Amosi 7:16 ပူးပေါင်းရင်းမြစ်များ

1 Bi Badiba 13:1

O Diedo den yedi wani U Tienu nilo yendo ke wan ña Juda ki gedi Beteli. O den pundi likani Jeroboami n den padi ki juugi li padibinbinli po yaa yogunu.

1 Bi Badiba 22:19

Mise go den yedi: «Go cengi o Diedo maama. N den laa o Diedo ke o kaa o bali kalikaanu, ke tanpoli toagola kuli se o ganu leni o jienu kuli.

2 Bi Badiba 14:24

O den tieni yaala n ki dagidi o Diedo po. Waa den ŋaa Nebati bijua Jeroboami n den kuani Isidayeli yaaba yaa tuonbiadi nni.

Esayi 30:10

Bi ŋua ki tua yaaba n nua saala bonla: «Da nua mani.» Ki tua bi saawalipuaba mo: «Da pua mani ti po yaa saawalo n tiegi! Yaa banbidi ti mani! Yaa togidi ti mani yaala n mani.

Esekieli 13:2

«Fini nisaalo biga, ŋan fu leni Isidayeli saawalipua-faadanba, bani yaaba n naandi bi pala nni ki pua saawali, ki yedi ba ke ban cengi o Diedo maama.

Esekieli 16:35

Lanwani, fini li puoconconli yeni, cengi o Diedo maama!

Esekieli 21:2

«Nisaalo biga, pegidi a nunga ki teli a jienu po, ki maadi ki fu leni nuganu po yaaba! Pua saawali nuganu fuali po yaaba po!

Amosi 2:12

Ama yi ñuni li nianli yaaba duven, Yi yedi bi saawalipuaba, Ke ban da go pua saawali.

Amosi 7:13

Ama ŋan da go pua saawali Beteli na, kelima nekanba tie o bado n gagidi yaa kaanu, ki go tie o bado jaandi kaanu.»

Mise 2:6

Bi tianba tua: «Cedi wolingu. Yua n yedi ke i fe kan lagidi ti tie yanluodaano.

Mi Tiadima 32:2

N bangima n wuli nani ki taaga yeni, N maama mo nani ku mangu yeni, Nani yaa taaga n mi dindini li muabunli po yeni, Nani yaa ñinboala n maa ti muadi po yeni.

1 Samueli 15:16

Samueli den yedi Sayuli: «Suo yeni ke n baa togidi a o Diedo n den yedi nni yaala ku ñiagu.» Sayuli den yedi o: «Maadi!»