Amosi 7:14 - U TIENU MAAMA TILI 2013

¹⁴ Amosi den guani ki yedi Amasia: «Mii tie saawalipualo, mii didi tie bi saawalipuaba cagili yua mo. Ama n tie yankpaalo, ki ŋuu sikomori tiidi.

Gourmanchéma Bible

¹⁴ Amosi den goa ki yedi Amatisia: «Mii tie sawalipualo, mii didi tie sawalipuaba cagili yua mo. Ama n tie yankpaale, ki ŋu sikomoli tiidi.

Amosi 7:14 ပူးပေါင်းရင်းမြစ်များ

1 Bi Badiba 19:19

Elia den fii lankani. O den ban laa Safati bijua Elise ke o ko leni i ne. O den pia piilie n naakpakpaadinaa, ke bi liebi bilielie ki ko. Wani o ba mo den kubi bi siiga neelie ki ko. Elia den nagini o kani ki goliti o kpalibu ki luni o po, ki ban caa.

1 Bi Badiba 20:35

O Diedo den teni ke o saawalipuaba siiga yendo yedi o lielo: «Pua nni!» Ama o lielo yeni den yie ke o kan pua o.

2 Bi Badiba 2:15

Bi saawalipuaba cagili yaali n den ye Jeriko yeni n den laa o, bi den yedi: «Elia n den pia yaa paalu yeni ye leni Elise.» Bi den gedi ki tuogi o ki labini ki pugi o.

2 Bi Badiba 2:3

Bi saawalipuaba cagili yaali n den ye Beteli den ñani ki tuogi Elise ki buali o: «Naani a bani ke o Diedo baa taa a canbaa dinla ki duoni o tanpoli?» O den guani ki yedi ba: «Mm, nmoko bani. Ama yin yaa ŋmini!»

2 Bi Badiba 2:5

Yaa saawalipuacagili n den ye Jeriko den nagini Elise ki buali o: «Naani a bani ke o Diedo baa taa a canbaa dinla ki duoni o tanpoli?» O den guani ki yedi ba: «Mm, nmoko bani. Ama yin yaa ŋmini.»

2 Bi Badiba 2:7

Bi saawalipuaba siiga nni niba piimuu den gedi ki poadi ki sedi foagima, ki nua Elia leni Elise ke bi se Jurden jaali po.

2 Bi Badiba 4:38

Elise den guani ki cua Giligali ki sua ke mi koma ye mi diema nni. Bi saawalipuaba cagili den taani ki kaa o kani ke o yedi o naacemo: «Tuani li bobicianli ki puli ti kpinwubikaadi bi saawalipuaba cagili po.»

2 Bi Badiba 6:1

Bi saawalipuaba cagili den yedi Elise: «Diidi ki le, tin kaa a kani naani ne miabi ti po.

2 Bi Badiba Jama 16:7

Lanyogunu, yua n nua saala bonla Hanani den gedi Juda bado Asa kani, ki yedi o: «Nani ŋan den dugi Siiri bado po, ki naa bili a dugidi o Diedo a Tienu kani yeni, a kan go diedi Siiri bado toagoli.

2 Bi Badiba Jama 19:2

Yua n nua saala bonla Hanani bijua Jehu den tuogi o bado Josafati, ki yedi o: «Be yaa po ke a todi o nibiado? Naani a bua yaaba n nani o Diedo yo? O Diedo pali beni a po, ŋan tieni yaala yeni yaa po.

2 Bi Badiba Jama 20:34

Josafati jama, wan den kpa bili yua leni wan yuandi ki bili yua kuli, diani Hanani bijua Jehu tili nni, ke likuli diani ki bili Isidayeli badiba tili nni.

Jobi 30:4

Bi guni ti tudi nni muadi, Yaa tiidi n ye mi fanpienma nni Jiini mo n tie bi jiema.

Amosi 1:1

U Tienu den doagidi Amosi yua n den tie Tekoa dogu yankpaaba siiga yendo po. O den baa li bonlekaala yaala n tie Isidayeli diema po. Li den tie Osiasi n den tie Juda bado, ke Yoasi bijua Jeroboami mo tie Isidayeli diema bado yaa yogunu. Li den sua ke li sieni binalie mi tindigibima n tieni.

Amosi 3:8

O yangbanlo yaa buo, ŋme kan jie? Li Miali Diedo U Tienu yaa maadi, Ŋme n kan pua saawali?»

Sakari 13:5

Bi siiga, yuakuli baa yedi: ‹Mii tie saawalipualo ka, n tie kpakpaale, ki ko bu kpaabu hali n bonwaama nni.›

1 Korenti 1:27

Ama U Tienu gandi bi nisaaliba n nua yaala ke li tie yanluobonla, ki baa waani bi yanfuodanba i fe. O gandi bi nisaaliba n nua yaala ke li tie tadinbonla, ki baa waani bi paatieba i fe.

1 Samueli 10:11

Yaaba n den kpa bani o kuli n laa ke o taani leni bi saawalipuaba ki pua saawali, bi den yedi biyaba: «Be n tieni Kisi bijua? Naani wani Sayuli moko tie bi saawalipuaba siiga yua yo?»