Amosi 6:7 - U TIENU MAAMA TILI 2013

⁷ Li tie lani yaa po yo, ke yi baa kua ban baa gedini yaaba ti yonbidi liiga, Yin mangidi yi pala yaa badi nni mo baa gbeni.

Gourmanchéma Bible

⁷ Li tie lani yaa po ke yi baa kua ban baa gedini yaaba ti yonbidi liiga, Yin mangidi yi pala yaa jaanma badi nni baa gbeni.

Amosi 6:7 ပူးပေါင်းရင်းမြစ်များ

Esiteri 5:8

Fini o bado pali yaa mani n po, ke a baa guani n po n miabu leni min bua yaala, fini leni Hamani n go cua min baa ŋanbi yi po yaa jaanjiema saala po. Lanwani, saala n baa guani a mi maguankaama nani ŋan yedi maama.»

Esayi 21:4

N yama yagi ke n jie ki luodi. Ti jawaanciandi cuo nni, N den tama ke ku yenjuagu Baa cuani mi kuugima, Ama li cuani n po yanbani bebe.

Esayi 24:8

A gangaana moe manu gbeni. Ku jeligu lanbu gbeni. Ti gogiditi moe manu gbeni.

Danieli 5:30

Laa ñiagu liga, bi den kpa Babilonni diema bado Belitisasari.

Amosi 4:3

Bi baa ñani yi u dogu bilinciamu bona kani, Yuakuli leni wan nagi yaa bonli kani, Bi baa gedini yi, ki goa yaa juali n yi Hermon po.» O Diedo n yedi yeni.

Amosi 5:27

Lani yaa po, n baa gedini yi ti yonbidi hali Damasi dogu liiga. Yua yaa yeli n tie Li Miali Diedo U Tienu, U Paaciamu Kuli Daano, n yedi yeni.»

Amosi 5:5

Yin da go lingi nni Beteli, Da go gedi mani Giligali, Da go gedi mani Beri-Seba, Kelima bi baa gedini Giligali yaaba ti yonbidi, Ki bolini Beteli mo.»

Amosi 7:11

Cengi wan ŋua ki maadi yaala: ‹Bi baa kpa Jeroboami leni ki jugisiega, ki gedini Isidayeli yaaba mo ti yonbidi yaa kaanu n foagi leni bi diema.› »

Amosi 7:17

Ŋan tieni laa bonla yeni, o Diedo n yedi yaala ne: ‹A pua baa tua puoconconli u dogu nni, Bi baa kpa a bijaba leni a bisiaba leni mu jugisiemu. Bi baa biigi a kuani leni u baabu ki boagidi, Fini a ba mo baa n kpe mi nilandiema nni. Bi baa gedini Isidayeli yaaba ti yonbidi yaa kaanu n foagi leni bi diema.› »

Nahumi 1:10

Bi dañogaadili nni, Bi baa yaa tie nani yaa tugangu n fii ki loli yeni. Lani, bi baa buodi cain nani ku moapiengu yeni.

Luki 21:24

Bi yibalinba baa kpa ba leni mu jugisiemu, ki gedini yaaba n sieni ti yonbidi i nibuoli kuli nni. I nilanbuoli yaaba baa paadi Jerusalemi, ki ŋmaa u hali U Tienu n bili bi po yaa yogunu n dudi.

Mi Tiadima 28:41

Yi baa maa a bonjala leni a bonpola, ama bi nan kan tua yi yaaba, kelima bi baa gedini ba ti yonbidi.