Amosi 6:11 - U TIENU MAAMA TILI 2013

¹¹ O Diedo ñani li ñoamabonli, ki yedi: «N baa teni a dieciama n tua tangbana, N baa teni a diebila n pua i yiani.»

Gourmanchéma Bible

¹¹ Li Miali Diedo ñani li ñoabonli ki yedi: «N baa teni a dieciama n tua tangbangbiana, N baa teni a diebila n pua i yiani.»

Amosi 6:11 ပူးပေါင်းရင်းမြစ်များ

2 Bi Badiba 25:9

Nebusaradani den juu o Diedo diegu, o bado diegu leni Jerusalemi diedi yaadi n den ŋani kuli.

Pisomi 105:16

O den soani mi koma mi diema nni, Ki bolini bi niba bonjekaala kuli.

Pisomi 105:31

O den li maade ke i sibiadi cua, Ke i juumi mo den jiidi mi diema kuli po.

Pisomi 105:34

O den li maade ke i naaci Leni a dondoba den cua kaa pia coali,

O Yanfuodaano 10:18

O kpadijedaano dieli kpadi ki libi, mi gbefema daano mo yaa dieli lundi.

Esayi 13:3

N teni n ñoamabonbilikaana Yaaba n gagidi bi yula n po, N yini n jakoanda moko, Ki baa doagidi n pabienli Leni yaaba yaa pala n mani ki koani ki paadi po.

Esayi 55:11

N maama yaama n ñani n ñoabu nni moko tie yene. Mi kan lebidi ki guani n kani Kaa tieni n yanbuama, Ki naa go tieni min den soani ma Man tieni yaala kuli.

Amosi 3:15

N baa mudi ban den maa yaa diena ti wadi yogunu po Leni ban den maa ya ku tontongu yogunu po, Ban den maa yaa dieciama ki tabini tabini a luonñina moko baa bodi. A diena boncianla baa bodi. Mini o Diedo n yedi yeni.»

Amosi 5:11

Yi ŋmaadi o luodo, Ki fenli o kani ŋalikama. Li tie lani yaa po yo, ke yin maa yaa dieŋama Leni a tankpiekaana yeni, Yi kan kua a niinni. Yin ŋuu yaa duventiidi ke yi ŋani hali boncianla yeni, Yi kan ño li duven.

Amosi 6:8

Li Miali Diedo U Tienu taa wani o ba yeli ki poli, Li Miali Diedo U Tienu, U Paaciamu Kuli Daano yedi yaa maama n tie ne: «N nani Jakob puoliŋuani japaadi, Ki nani bi dieŋama mo. N baa taa bi dogu Samari leni yaala n ye u niinni, Ki teni bi yibalinba.

Amosi 9:1

N den laa o Diedo ke o se li padibinbinli po. O den yedi: «Pua U Tienu diegu bunbunnaada yula po, Hali a tanpuuna n begibi, Pua ki mudi a, Ŋan baa yaaba n ye U Tienu diegu nni kuli yula po, Ki kpa ba. Yaaba n sieni, n baa kpa ba leni ki jugisiega. Bi siiga nni, oba kuli kan fidi ki sani ki cia. Yeni de! Oba kuli kan sani ki cia.

Amosi 9:9

Ama ba yeni, n kan bolini Jakob puoliŋuani cain. O Diedo n yedi yeni. Diidi, n baa ñani n ñoamabona, ki yedi: «Ban gbedi Isidayeli yaaba i nilanbuoli kuli siiga, Nani ban yen gbedi i di ki ñandi a fiada maama yeni. N kan tuo ba dibiyenma n baa tiipo.

Nahumi 1:14

Fini Ninivi bado, O Diedo jagi a po yaala n tie ne: «A kan go baa puoliŋuani, Yii n baa teni ke a yela kan bodi. A budiena nni, n baa bolini a buli, Ŋan kpie yii, bi ŋan duadi yii. N baa gbiidi yi takula, Kelima yii pia fuomiba kuli.»

Sakari 14:2

O Diedo baa taani i nilanbuoli, Ki teni ban baa Jerusalemi. Bi baa fie u dogu, Ki fagi yaala n ye a diena nni kuli. Bi baa ñii yi puoba leni u paalu. Bi baa cuo u dogu niba boagidima Ki gedini ti yonbidi. Ama yaa niba n sieni Baa yaa kaa u dogu nni.

Malaki 1:4

Edomi yaaba, Esayu puoliŋuani yeni tua ke bi yaa bolini bi dogi, bi go baa guani ki maa yi. Bi yaa guani ki maa yi, Mini Li Miali Diedo U Paaciamu Kuli Daano didi baa guani ki bolini yi. Bi niba baa yaa yi bi diema: “Mi biadima diema,” bani mi niba mo, bi baa yaa yi ba: “O Diedo pali n be yaa nibuolu po yogunu kuli.”

Luki 19:44

ki bolini a, fini u dogu yeni leni a niba kuli, ki mudi a diena, ki kan ŋaa ba tanyenli n yaa maa liyali po. Lani kuli baa tieni, kelima ŋaa den bandi U Tienu n cua ki baa faabi a yaa yogunu.»