Amosi 6:1 - U TIENU MAAMA TILI 2013

¹ Fala baa baa yaaba n ye Siyon leni mi yanduanma, Ki go baa yaaba n ye Samari juali po kaa bangi liba po. Fala baa baa laa paatieba, Yaaba n tie i nibuoli kuli siiga yaa nibuolu n tugi li yuli, Isidayeli yaaba n caa bani yaaba yaa kani, ke bi todi ba.

Gourmanchéma Bible

¹ Fala baa baa yaaba n ye Siyono leni mi yanduanma, Leni yaaba n ye Samali juali po kaa bangi liba. Fala baa baa laa paatieba, Yaaba n tie i nibuoli kuli siiga yaa nibuolu n tugi li yuli, Isalele yaaba n caa bani yaaba yaa kani, ke bi todi ba.

Amosi 6:1 ပူးပေါင်းရင်းမြစ်များ

1 Bi Badiba 16:24

o den daa Semeri kani Samari juali kujapiena tudaluoba (6 000). O den maa li juali yeni yuli po u dogu ki yini u Samari, li juali daano n yi maama.

Pisomi 123:4

Ti coagi leni bi japaadanba ñuali Leni bi kafaadanba mo yaa faliga.

Mi Kpanjama 1:32

Bi yanpiidanba yanpiima n baa kpa ba, Bi yanluodanba mo yaa yanluoma n bolini ba.

Esayi 33:14

Ti jawaandi cuo ti tuonbiadi danba Siyon tugu nni, Mi digibima cuo a suuda. Ti siiga ŋme n baa fidi ki sedi Yaa mu n buondi kani? Ti siiga ŋme n baa fidi ki sedi Yaa mu n kan gbindi kani?

Jeremi 2:3

Isidayeli, a den li ye mini o Diedo bebe yaa po yo. A den tie n bonbaakaala kuli yaa bonkpiala. Yaaba n den ŋmani la kuli den kua i tagili nni, Mi yebiadima mo yen ŋmaa ba. O Diedo n yedi yeni.

Jeremi 48:11

O Diedo yedi: «Moabi den ye leni mi yanduanma Hali o panma nni. O den li kaa kaanyendu yo, Bi naa den gedini o yonbidi kaanuba. Waa den yagini o yama bonliba kuli po, Nani yaa daama n baani yeni. Bi naa den taa ma ki kuodi ki lebidi tiatoagu nni, Maa lebidi, mi li baa ki tie yenme. Baa mi nuulu moko naa lebidi.

Jeremi 49:31

O yedi: ‹Fii mani ki ban koani Leni yaa nibuolu yaa niba N kaa leni mi yanduanma, Kaa bangi liba kuli po. O Diedo n yedi yeni. Bi dogu naa pia buliñoabu, Ki buali sendabiga. U li ye u bebe yo.›

Jeremi 5:5

N baa gedi a nigbenga po, Ki ban maadi leni ba mini n ba, Kelima bani wani bani o Diedo sanu, Bi bani bi Tienu bali maama mo. Bi bani bi Tienu n bua yaala.» Ama bikuli tie yenme, Bi miidi li bali maama, Ki fidi bani leni U Tienu ŋantaado.

Jeremi 7:4

Yin da dugi mani i boandi po, ki yedi: ‹Nekanba n tie o Diedo diegu, o Diedo diegu, o Diedo diegu nne!›

Jeremi Bubula 1:1

Jam, li gaa lede ke, Yaa dogu n den gbie bonŋanla yeni, N ji ti bili bonkuongu, Ki naani leni li kpepuoli! I nibuoli diema siiga, Jerusalemi den tie dociamu, Ki tie badisalo a dogbenga siiga. Wani n ji guani ki tuuni li yonbituonli!

Amosi 3:2

«N den gandi yinba bebe Ki tinga nibuoli kuli siiga. Li tie lani yaa po yo, ke n baa cuo yi u cuonbiadu Yin tieni yaa tudima kuli po.

Amosi 3:9

Kpaani mani ki yedi yaaba n ye a dieŋama nni, Ki ye Asidodi leni Ejipiti: «Cua mani ki taani Samari juana yula po, Ki diidi ki le yaa janjancianma Leni yaa mabinga n ye lienni.»

Amosi 4:1

Yinba yaa puopiada n ye Samari juali po, Ki gbengi nani Basan tialu naañuana yeni, Cengi mani yaa maama n tie ne: «Yi mabindi taliginba, ki ŋmaadi ki midi a luoda, Ki tua yi ciaba: ‹Taa mi daama ki cuani tin ño.› »

Amosi 5:27

Lani yaa po, n baa gedini yi ti yonbidi hali Damasi dogu liiga. Yua yaa yeli n tie Li Miali Diedo U Tienu, U Paaciamu Kuli Daano, n yedi yeni.»

Amosi 8:14

Isidayeli yaaba baa yaa taagi Samari buli yeli, Ki polini ki tua: ‹Hali Dan buolu bulo po, Bi hali Beri-Seba tienu po.› Bani yaaba n polini yeni kuli baa baa, Ki kan go fii abada.»

Amosi 9:10

Bu toabu baa je n niba siiga ti tuonbiadi danba kuli, Bani yaaba n tua: ‹A kan teni fala n nagini ti, A kan teni fala n baa ti.›

Mise 3:1

N den yedi Jakob puoliŋuani yudanba, cengi mani: «Naani laa tie yinba ka baa bangi mi teginma?

Sofoni 1:12

Landaali, n baa gaani Jerusalemi nni kuli leni mu fidisanmu, Ki lingi ki faligi yaa niba n dua ki fuo ki maadi bi pala nni, Ki tua: ‹O Diedo kan fidi ki tieni yaala n ŋani bi yaala n bia.›

Jaki 1:18

O yanbuama po, o den mali ti, kelima i moamoani maama po, ke tin yaa tie o tagima kuli siiga li bonkpiala.

Jaki 5:5

Yi den ye ŋanduna nni leni mi yemanma, ki go kuandi yi yama yi gbanandi bonbuakaala nni. Yi den di ki gbengidi nani a yanwubida, ban wubi yaaba mi kodima daali po yeni.

1 Pieri 5:7

Yin tuni wani U Tienu yi yanyagidi kuli, kelima wani o ba n kubi yi.

Bi Bujiaba 18:7

Bi jamuudiba yeni den mibidi ki ban pundi Layisi dogu. Bi den laa likani yaaba n ye leni mi yanduanma nani Sidon yaaba yeni. Liba kuli ki den yagini bi yama, baa den bangi liba po. Mi diema nni ki den pia yua n die ba ki mabindi ba. Bi den foagi leni Sidon yaaba, baa den tuugi leni nitoaba mo.